হিমালয়গী রাজ্য ওইরিবা সিক্কিমদা লৈবা এন.ঐচ.পি.সি.গী এম.দবল্যু. ৫১০ তীস্তা-ভি. পাৱর স্তেসন্দা লন্দনদা লৈবা লৈবাক ১২০দা মথৌ চত্থরিবা নোন-প্রোফিৎ মেম্বর্শিপ এসোসিএসন, ইন্তর্নেস্নেল হাইদ্রোপাৱর এসোসিএসন (আই.ঐচ.এ.)না লেমজনীংঙাই ওইরবা ‘ব্লু প্লানেৎ প্রাইজ’ পীরকখ্রে। পাৱর স্তেসন অসি এন.ঐচ.পি.সি.না শাদুনা, মপু ওইদুনা হৌজিক চলায়রিবনি। তীস্তা-ভি. পাৱর স্তেসনগী মনা অসি ৱর্ল্দ হাইদ্রোপাৱর কংগ্রেস ২০২১গী মনুংদা ঙরাং লাওথোকখিবনি। আই.ঐচ.এ.গী শকখঙলবা লীদ এসেসরশিংনা ইং ২০১৯দা আই.ঐচ.এ.গী হাইদ্রোপাৱর সস্তেনেবিলিতী এসেসমেন্ত প্রোতোকোল (ঐচ.এস.এ.পি.) ওপরেসন স্তেজ তুল শিজিন্নদুনা পাংথোকখিবা সস্তেনেবিলিতী য়েংশিনবগী থৌওংদা য়ুম্ফম ওইদুনা তীস্তা-ভি. পাৱর স্তেসন্দা মনা অসি পীরকখিবনি।

আই.ঐচ.এ.মেম্বর্শিপ্তা য়াওরিবশিংদি মকোক থোংবা হাইদ্রোপাৱরগী মপু অমসুং ওপরেতর, দিভেলপর, দিজাইনর, সপ্লাইয়র অমসুং কন্সলতেন্তশিংনি। আই.ঐচ.এ. ব্লু প্লানেৎ প্রাইজ অসি সস্তেনেবল দিভেলপমেন্তকী হীরমদা থোইদোক হেন্দোকপা থৌওং উৎপা হাইদ্রোপাৱর প্রোজেক্তশিংদা পীবনি। হাইদ্রোপাৱর সস্তেনেবিলিতী এসেসমেন্ত প্রোতোকোল (ঐচ.এস.এ.পি.) অসি হাইদ্রোপাৱর প্রোজেক্তশিংগী তুং কোইনা শিজিন্নবা য়াবগী চাং ওন্নবা মালেমগী মকোক থোংবা খুৎলায় অমনি। মসিনা ইনভাইরনমেন্তেল, সোসিএল, তেক্নিকেল অমসুং গবর্নেন্স ক্রাইতেরিয়াগী পাক চাউরবা হীরমশিংগী মতাংদা হাইদ্রোপাৱর প্রোজেক্ত অমগী মথৌ তৌবগী চাং ওনবগী পাম্বৈ অমা পী। য়েংশিনবগী থৌওং অসি ওব্জেক্তিব ইভিদেন্সতা য়ুম্ফম ওইবনি অমসুং মসিগী রিজল্ৎনা স্তেন্দর্দাইজ রিপোর্ত অমদা পীবনি।

******