ਰੱਖਿਆ ਮੰਤਰਾਲਾ
ਭਾਰਤੀ ਸੈਨਾ 26 ਤੋਂ 29 ਸਤੰਬਰ 2021 ਤੱਕ ਕੋਲਕਾਤਾ ਵਿਖੇ ''ਬਿਜੋਏ ਸਾਂਸਕ੍ਰਿਤਿਕ ਮਹੋਤਸਵ'' ਦਾ ਆਯੋਜਨ ਕਰੇਗੀ
Posted On:
23 SEP 2021 3:20PM by PIB Chandigarh
16 ਦਸੰਬਰ 2021 ਦਾ ਦਿਨ, ਬੰਗਲਾਦੇਸ਼ ਦੀ ਆਜ਼ਾਦੀ ਦੇ 50 ਸਾਲ ਅਤੇ 1971 ਦੇ ਭਾਰਤ-ਪਾਕਿ ਯੁੱਧ ਵਿੱਚ ਪਾਕਿਸਤਾਨ ਉੱਤੇ ਭਾਰਤ ਦੀ ਜਿੱਤ ਦੇ ਸਮਾਰੋਹ ਨੂੰ ਮਨਾਏਗਾ। ਭਾਰਤ ਦੇ ਇਤਿਹਾਸ ਵਿੱਚ ਇਸ ਮਹੱਤਵਪੂਰਣ ਘਟਨਾ ਦੀ ਯਾਦ ਦਿਵਾਉਣ ਲਈ, ਪੂਰੇ ਦੇਸ਼ ਵਿੱਚ ਸਵਰਨਮ ਵਿਜੇ ਵਰਸ਼ ਸਮਾਰੋਹਾਂ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। 26 ਤੋਂ 29 ਸਤੰਬਰ 2021 ਤੱਕ ਕੋਲਕਾਤਾ ਵਿਖੇ ਭਾਰਤੀ ਸੈਨਾ ਦੀ ਪੂਰਬੀ ਕਮਾਂਡ ਵੱਲੋਂ ਯੁੱਧ ਦੌਰਾਨ ਭਾਰਤ ਅਤੇ ਬੰਗਲਾ ਦੇਸ਼ ਵਿਚਕਾਰ ਸੱਭਿਆਚਾਰਕ ਸਬੰਧਾਂ ਨੂੰ ਪ੍ਰਦਰਸ਼ਿਤ ਕਰਨ ਦੇ ਉਦੇਸ਼ ਨਾਲ "ਬਿਜੋਏ ਸਾਂਸਕ੍ਰਿਤਿਕ ਮਹੋਤਸਵ" ਸਿਰਲੇਖ ਵਾਲਾ ਇੱਕ ਸੱਭਿਆਚਾਰਕ ਪ੍ਰੋਗਰਾਮ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਕੋਲਕਾਤਾ ਦੇ ਰਬਿੰਦਰਾ ਸਦਨ ਅਤੇ ਨੰਦਨ ਕਨਵੈਨਸ਼ਨ ਸੈਂਟਰ ਵਿਖੇ ਪੰਜ ਦਿਨਾਂ ਦੌਰਾਨ ਨਾਟਕਾਂ, ਸੰਗੀਤਕ ਸਮਾਰੋਹਾਂ ਅਤੇ ਬੈਂਡ ਪ੍ਰਦਰਸ਼ਨਾਂ ਦੀ ਯੋਜਨਾ ਬਣਾਈ ਗਈ ਹੈ। 'ਬਿਜੋਏ ਸਾਂਸਕ੍ਰਿਤਿਕ ਮਹੋਤਸਵ' ਦੇ ਸਮਾਰੋਹਾਂ ਵਿੱਚ ਭਾਰਤ ਦੇ ਸੈਨਿਕ ਜਵਾਨਾਂ ਅਤੇ ਮੁਕਤੀ ਯੋਧਿਆਂ ਦੀਆਂ ਬਹਾਦੁਰੀ ਦੀਆਂ ਗਾਥਾਵਾਂ ਸਾਹਮਣੇ ਆਉਣਗੀਆਂ ਜੋ ਇਨ੍ਹਾਂ ਬਹਾਦੁਰਾਂ ਵੱਲੋਂ 1971 ਦੀ ਆਜ਼ਾਦੀ ਦੀ ਲੜਾਈ ਦੌਰਾਨ ਵੱਲੋਂ ਵੱਖ ਵੱਖ ਇਤਿਹਾਸਕ ਲੜਾਈਆਂ ਵਿੱਚ ਵਿਖਾਈ ਗਈ ਸੀ।
ਲੈਫਟੀਨੈਂਟ ਜਨਰਲ ਮਨੋਜ ਪਾਂਡੇ, ਆਰਮੀ ਕਮਾਂਡਰ, ਪੂਰਬੀ ਕਮਾਂਡ 26 ਸਤੰਬਰ 2021 ਨੂੰ ਕੋਲਕਾਤਾ ਦੇ ਰਬਿੰਦਰਾ ਸਦਨ ਵਿਖੇ ਵੀਰ ਨਾਰੀਆਂ, ਯੋਧਿਆਂ ਅਤੇ ਉੱਘੇ ਪੱਤਰਕਾਰਾਂ, ਮਨੋਰੰਜਨ ਹਸਤੀਆਂ ਅਤੇ ਕੋਲਕਾਤਾ ਦੇ ਲੋਕਾਂ ਦੀ ਮੌਜੂਦਗੀ ਵਿੱਚ ਸਮਾਗਮ ਦਾ ਉਦਘਾਟਨ ਕਰਨਗੇ। ਸਮਾਗਮ ਦੇ ਮੁੱਖ ਪ੍ਰੋਗਰਾਮਾਂ ਵਿੱਚ ਫਿਉਜ਼ਨ ਬੈਂਡ ਡਿਸਪਲੇ (ਆਰਮੀ ਪਾਈਪ, ਬ੍ਰਾਸ ਅਤੇ ਜੈਜ਼ ਬੈਂਡ ਦਾ ਸੁਮੇਲ), ਮਸ਼ਹੂਰ ਬੰਗਾਲੀ ਪਲੇ ਬੈਕ ਗਾਇਕਾਂ ਵੱਲੋਂ ਪੇਸ਼ਕਾਰੀ ਅਤੇ ਆਰਐਸਆਰ ਗਰੁੱਪ ਵੱਲੋਂ 1971 ਦੀ ਭਾਰਤ-ਪਾਕਿ ਜੰਗ 'ਤੇ ਇੱਕ ਥੀਏਟਰ ਪਲੇਅ ਸ਼ਾਮਲ ਹਨ। ਹਾਜ਼ਰੀਨ ਨੂੰ ਪੂਰਬੀ ਕਮਾਂਡ ਦੇ ਵਿੰਟੇਜ ਵਾਹਨਾਂ ਅਤੇ ਉਪਕਰਣਾਂ ਦੀ ਪ੍ਰਦਰਸ਼ਨੀ, ਅਤੇ ਫੋਰਟ ਵਿਲੀਅਮ ਮਿਲਟਰੀ ਸਟੇਸ਼ਨ ਦੇ ਗਾਈਡਡ ਟੂਅਰ ਵੇਖਣ ਦਾ ਮੌਕਾ ਵੀ ਮਿਲੇਗਾ I
------------------------------
ਐਸਸੀ, ਬੀਐਸਸੀ, ਵੀਬੀਵਾਈ
(Release ID: 1757322)
Visitor Counter : 109