হকশেল অমসুং য়াইফ-য়ুম্বাল মন্ত্রালয়

কেন্দ্রগী হকশেল মন্ত্রী শ্রী মনসুখ মান্দাবিয়ানা পোস্ত কোবিদ সিক্বেলি মোদ্যুলশিং রিলিজ তৌখ্রে

“হায়রিবা মোদ্যুলশিং অসিনা দোক্তরশিং অমদি হোল্থ কেয়র ৱর্করশিংনা কোবিদকী লোঙ্গ তর্ম ইফেক্তশিংগী ইসু অসি থেংননবা লমজিং-লমতাক পীরগনি: শ্রী মান্দাবিয়া

“করিগুম্বা ফ্রন্তলাইন ৱর্করশিং অসি নিংথিনা খঙহল্লবা অমদি ত্রেনিং মতিক চানা পীরবদি, মখোয়না পোস্ত-কোবিদ চেলেঞ্জশিংগী মাইয়োক্তা লান্থেংনবদা য়াম্না মরু ওইবা রিসোর্স অমা ওইরকপা ঙমগনি”: দা. ভারতি প্রবীন পৱার

Posted On: 23 SEP 2021 12:42PM by PIB Imphal

হকশেল অমসুং য়াইফ-যুম্বালগী কেন্দ্রগী রাজ্য মন্ত্রী, দা. ভারতি প্রবীন পৱার শরুক য়াদুনা হকশেল অমসুং য়াইফ-য়ুম্বালগী কেন্দ্রগী মন্ত্রী শ্রী মনসুখ মান্দাবিয়ানা পোস্ত কোবিদ সিক্বেলি মোদ্যুলশিং রিলিজ তৌখি৷ হায়রিবা মোদ্যুলশিং অসিনা কোবিদকী লোঙ্গ তর্ম ইফেক্তশিং অসি থেংননবা ভারত্তা লৈরিবা দোক্তরশিং, নর্সশিং, পেরামেদিকশিং অমদি কম্ম্যুনিতী হেল্থ ৱর্করশিংগী কেপাসিতী শেমগৎপদা মতেং পাংলগনি৷

https://static.pib.gov.in/WriteReadData/userfiles/image/image002EELN.jpg

গাইদলাইনশিং অসি রিলিজ তৌখিবদা মহাক্কী অপাম্বশিং অদু ফোংদোক্লদুনা, কোবিদকী লোঙ্গ তর্ম ইফেক্তশিংগী ইসু অসি থেংনবদা দোক্তরশিং অমদি হেল্থ কেয়র ৱর্করশিংদা লমজিং-লমতাক পীননবা হায়রিবা মোদ্যুলশিং অসি শেমখিবনি হায়না কেন্দ্রগী হকশেল মন্ত্রীনা ফোংদোকখি৷ ত্রিতমেন্ত অসিগী নেগেতিব ইফেক্ত লাকহন্দনবা অমদি সাইদ ইফেক্তশিংগী চাং য়াম্না নেমহন্নবা কোবিদকী প্রোএক্তিব অমদি কমপ্রিহেন্সিব ত্রিতমেন্ত দরকার ওই হায়না মহাক্না ফোংদোকখি৷

“ম্যুকোর্মাইকোসিসকী কেসশিংগুম্বা স্তিরোইদশিংগী দোজ কা-হেন্না চাশিনবদগী পেসেন্তশিংদা পোস্ত-কোবিদ ইফেক্তকী খুদোংথিবশিং লাকপা ঐখোয়না থেংনখ্রে৷ সাইদ ইফেক্ত লৈতবা নত্রগা য়াম্না নেম্না লৈবা হিদাক-লাংথকশিং চাবা অসি য়াম্না মরু ওই৷ ঐখোয়গী মাংজৌননা চেকশিন্না থেংনহৌরবদি, মতুং তারকপদা লাক্কদৌরিবা কোবিদকী চৈথেংশিং অসি থেংনবদা মহৈ ওইগনি৷ কোবিদনা মরম ওইদুনা লৈরিবা অকিবা, মেন্তেল হেল্থ ইসুশিংগুম্বা ঐখোয়গী সমাজ অসিদা লৈরিবা পোস্ত-কোবিদকা মরী লৈনবা পর্সেপ্সনশিং অসি থেংনবা য়াম্না মরু ওই৷ মরম অদুনা, হায়রিবা পোস্ত-কোবিদ ইসুশিং অসি খঙদোক্নবা অমদি রিসোল্ব তৌনবা হোৎনবা য়াম্না মরু ওই৷ পোস্ত কোবিদ সিক্বেলি মোদ্যুলশিং শেমদুনা হায়রিবা পোস্ত কোবিদ কমপ্লিকেসনশিং অসি য়েংশিন্নবা লৈবাক অসিদা লৈরিবা রিসোর্চ পর্সনশিংনা হোৎনখ্রে৷ হায়রিবা মোদ্যুলশিং অসি হেল্থকেয়র প্রোফেস্নেলশিংগী তোঙান তোঙানবা ফিল্দশিং অসি ৱাখলদা থমদুনা শেমখিবা অখন্নবা মোদ্যুলশিংনি৷”হায়না মহাক্না মখাতানা ফোংদোকখি৷

https://static.pib.gov.in/WriteReadData/userfiles/image/image003586B.jpg

থৌরম অদুদা ৱা ঙাংলদুনা, দা. ভারতি প্রবীন পৱারনা মেন্তেল হেল্থ ইসুশিং অসি থেংনবা দরকার ওই হায়না ফোংদোকখি৷ “মসিগী লাইনা-লাইচৎ অসিনা ঐখোয়গী হেল্থ অমদি হেল্থ কেয়র সিস্তেমদা মমাংগী মতমদা অমুক্তা থেংনখিদ্রিবা চেলেঞ্জ অমা থেংনহল্লে৷ মীশিং য়াম্না লৈরিবা লৈবাক অমগী ওইনদি মেন্তেল হেল্থ কেয়র অসি অচৌবা চেলেঞ্জ অমনি৷ মসিগী মেন্তেল হেল্থগী চেলেঞ্জ অসি থেংননবা ঐখোয়না ঐখোয়গী কেপাসিতী শেমগৎপা দরকার ওই৷ করিগুম্বা ফ্রন্তলাইন ৱর্করশিং অসি নিংথিনা খঙহল্লবা অমদি ত্রেনিং মতিক চানা পীরবদি, মখোয়না পোস্ত-কোবিদ চেলেঞ্জশিংগী মাইয়োক্তা লান্থেংনবদা য়াম্না মরু ওইবা রিসোর্স অমা ওইরকপা ঙমগনি৷ পোস্ত কোবিদকী চৈথেংশিং অসি লান্থেংনবা ঙম্নবা ঐখোয়না ঐখোয় ইশা অসি ইক্ব্যুইপ তৌনবা হোৎনরিবা মতম অসিদা, চৈথেংশিং অসি অরোইবা তাংকক অমদা পুরকপা য়াম্না মরু ওই৷ স্তেত হেল্থ এক্সপর্তশিংনা ফোংদোকখিবা তঙাই ফদবশিং অসিদা বেজ তৌদুনা মেন্তেল হেল্থ অমদি অতোপ্পা ইসুশিংগীদমক ত্রেনিং মোদ্যুলশিং শেমখ্রে”হায়না মহাক্না ফোংদোকখি৷ কোবিদ-১৯ অসি মীওইবা জাতিগী অরোইবা লাইনা-লাইচৎ ওইহন্নবা ঐখোয় পুন্না অমতা ওইনা হোৎনমিন্নসি হায়না মহাক্না মখাতাখি৷

থৌরম অসিদা এম.ও.ঐচ.এফ.দবল্যু.গী সেক্রেতরী, শ্রী রাজেশ ভুশন, দি.জি.ঐচ.এস., দা. সুনিল কুমার অমদি হকশেল অমসুং য়াইফ-য়ুম্বাল মন্ত্রালয়গী অতোপ্পা সেনিয়র ওফিসরশিংসু শরুক য়াখি৷

*****



(Release ID: 1757260) Visitor Counter : 38