ਕੇਂਦਰੀ ਸਿੱਖਿਆ ਮੰਤਰੀ ਸ਼੍ਰੀ ਧਰਮੇਂਦਰ ਪ੍ਰਧਾਨ ਨੇ ਡਿਜੀਟਲ ਸਿੱਖਿਆ ਰਾਹੀਂ ਮਿਆਰੀ ਸਿੱਖਿਆ ਦੇ ਸਰਬਵਿਆਪੀਕਰਣ ਲਈ ਇੱਕ ਮੀਟਿੰਗ ਕੀਤੀ । ਸਿੱਖਿਆ ਰਾਜ ਮੰਤਰੀ ਸ਼੍ਰੀਮਤੀ ਅੰਨਪੂਰਣਾ ਦੇਵੀ , ਸ਼੍ਰੀਮਤੀ ਅਨਿਤਾ ਕਰਵਲ , ਸਕੱਤਰ ਡੀ ਓ ਐੱਸ ਈ ਤੇ ਐੱਲ , ਡਾਕਟਰ ਟੀ ਪੀ ਸਿੰਘ , ਡੀ ਜੀ , ਬੀ ਆਈ ਐੱਸ ਏ ਜੀ — ਐੱਨ , ਸ਼੍ਰੀ ਸ਼ਸ਼ੀ ਐੱਮ. ਵੈਂਪਤੀ , ਸੀ ਈ ਓ , ਪ੍ਰਸਾਰ ਭਾਰਤੀ ਅਤੇ ਸਿੱਖਿਆ ਮੰਤਰਾਲੇ ਦੇ ਹੋਰ ਅਧਿਕਾਰੀ ਵੀ ਇਸ ਮੀਟਿੰਗ ਵਿੱਚ ਹਾਜ਼ਰ ਸਨ ।
ਏਕੀਕ੍ਰਿਤ ਡਿਜੀਟਲ ਵਾਤਾਵਰਣ ਪ੍ਰਣਾਲੀ ਨੂੰ ਵਿਕਸਿਤ ਕਰਨ ਲਈ ਉਪਗ੍ਰਹਿ ਤਕਨਾਲੋਜੀ ਅਤੇ ਇੰਟਰਨੈੱਟ ਦੇ ਲਾਭ ਲੈਣ ਤੇ ਚਰਚਾ ਕੇਂਦਰਿਤ ਸੀ । ਮੰਤਰੀ ਨੇ ਸਕੂਲੀ ਸਿੱਖਿਆ , ਉੱਚ ਸਿੱਖਿਆ , ਹੁਨਰ ਵਿਕਾਸ ਅਤੇ ਅਧਿਆਪਕ ਸਿਖਲਾਈ ਦੇ ਸਾਰੇ ਖੇਤਰਾਂ ਨੂੰ ਕਵਰ ਕਰਨ ਲਈ ਮੌਜੂਦਾ ਪਲੇਟਫਾਰਮਾਂ ਨੂੰ ਹੋਰ ਵਿਸਥਾਰ ਦੇਣ ਲਈ ਤਕਨਾਲੋਜੀ ਦਾ ਲਾਭ ਲੈਣ ਲਈ ਨਵਾਚਾਰ ਪਹੁੰਚ ਲਈ ਆਖਿਆ ਹੈ । ਉਹਨਾਂ ਨੇ ਕੌਮੀ ਸਿੱਖਿਆ ਤਕਨਾਲੋਜੀ ਫੋਰਮ (ਐੱਨ ਈ ਟੀ ਐੱਫ) ਅਤੇ ਕੋਮੀ ਡਿਜੀਟਲ ਸਿੱਖਿਆ ਆਰਕੀਟੈਕਚਰ (ਐੱਨ ਡੀ ਈ ਏ ਆਰ) ਵਰਗੀਆਂ ਪਹਿਲਕਦਮੀਆਂ ਦਾ ਤਾਲਮੇਲ ਅਤੇ ਮੌਜੂਦਾ ਸਵੈਮ ਪ੍ਰਭਾ ਪਹਿਲਕਦਮੀ ਦਾ ਵਿਸਥਾਰ ਅਤੇ ਮਜ਼ਬੂਤ ਕਰਨ ਲਈ ਜ਼ੋਰ ਦਿੱਤਾ । ਸ਼੍ਰੀ ਪ੍ਰਧਾਨ ਨੇ ਡਿਜੀਟਲ ਡਿਵਾਈਡ ਨੂੰ ਪੁਰ ਕਰਨ ਦੀ ਲੋੜ ਅਤੇ ਅਪਹੁੰਚ ਲਈ ਸਿੱਖਿਆ ਵਿੱਚ ਵਧੇਰੇ ਸ਼ਮੂਲੀਅਤ ਤੇ ਜ਼ੋਰ ਦਿੱਤਾ ਹੈ ।
ਮੰਤਰੀ ਨੇ ਕਿਹਾ ਕਿ ਸਕੂਲ ਸਿੱਖਿਆ , ਉੱਚ ਸਿੱਖਿਆ , ਹੁਨਰ ਵਿਕਾਸ ਮੰਤਰਾਲਾ , ਇਲੈਕਟ੍ਰੋਨਿਕਸ ਤੇ ਸੂਚਨਾ ਤਕਨਾਲੋਜੀ , ਦੂਰਸੰਚਾਰ ਵਿਭਾਗ , ਪ੍ਰਸਾਰ ਭਾਰਤੀ , ਸੂਚਨਾ ਤੇ ਪ੍ਰਸਾਰਣ ਮੰਤਰਾਲਾ , ਵੀ ਆਈ ਐੱਸ ਏ ਜੀ — ਐੱਨ ਅਤੇ ਪੁਲਾੜ ਵਿਭਾਗ ਦੇ ਸੀਨੀਅਰ ਅਧਿਕਾਰੀਆਂ ਨਾਲ ਸਕੱਤਰ ਡੀ ਓ ਐੱਸ ਈ ਤੇ ਐੱਲ ਦੀ ਪ੍ਰਧਾਨਗੀ ਤਹਿਤ ਇੱਕ ਕਮੇਟੀ ਗਠਿਤ ਕੀਤੀ ਜਾਵੇ ।

**************

ਐੱਮ ਜੇ ਪੀ ਐੱਸ / ਏ ਕੇ