نئی دلّی ،21 ستمبر /  زراعت اور کسانوں کی بہبود کی وزارت کے ذریعے  22-2021 ء  کے لئے  خریف کی اہم فصلوں کا  پہلا  پیشگی تخمینہ جاری کیا گیا ہے ۔  زراعت اور کسانوں کی بہبود   کے مرکزی وزیر    جناب نریندر سنگھ تومر نے کہا ہے کہ  خریف کے سیزن میں اناج کی ریکارڈ 150.50 ملین ٹن پیداوار کا  تخمینہ لگایا گیا ہے ۔  انہوں نے کہا کہ یہ  زبردست پیداوار کسانوں کی سخت محنت  ، سائنس دانوں کی صلاحیت  اور وزیر اعظم نریندر مودی  کی قیادت میں   حکومت کی  کسان دوست  پالیسیوں کی وجہ سے ممکن ہوئی ہے ۔

          خریف کی اہم فصلوں کے  پیشگی  تخمینے کے مطابق 22-2021 ء کی فصلوں کی پیداوار  مندرجہ ذیل ہے :

• اناج  - 150.50 ملین ٹن ( ریکارڈ )  ۔
• چاول – 107.04 ملین ٹن    ( ریکارڈ ) ۔
• مقوی / موٹا اناج - 34.00 ملین ٹن ۔
• مکا - 21.24 ملین ٹن ۔
• دالیں – 9.45 ملین ٹن ۔
• تور – 4.43 ملین ٹن ۔
• تلہن – 23.39 ملین ٹن ۔
• مونگ پھلی – 8.25 ملین ٹن ۔
• سویابین – 12.72 ملین ٹن ۔
• کپاس – 36.22 ملین   گانٹھیں   ( 170 کلو گرام کی ایک  ) ( ریکارڈ ) ۔
• جوٹ اور میستا – 9.61 ملین  گانٹھیں ( 180 کلو گرام کی ایک ) ۔
• گنا – 419.25 ملین ٹن ( ریکارڈ ) ۔

22-2021 ء کے لئے ( صرف خریف ) پہلے پیشگی تخمینے کے مطابق  ملک میں اناج کی کل پیداوار   ریکارڈ 150.50 ملین ٹن  ہونے کا اندازہ ہے  ، جو   پچھلے پانچ برسوں میں   ( 16-2015 ء سے 20-2019 ء تک ) اناج کی اوسط پیداوار سے  12.71  ملین ٹن زیادہ ہے ۔

     22-2021 ء  کے دوران خریف کے چاولوں کی کل پیداوار   کا تخمینہ   107.04 ملین ٹن لگایا گیا ہے  ۔  یہ پچھلے پانچ برسوں  میں    ( 16-2015 ء سے 20-2019 ء تک ) خریف چاول کی پیداوار کی اوسط  97.83  ملین ٹن سے  9.21 ملین ٹن زیادہ ہے ۔

     خریف کی مقوی  / موٹے اناج کی  پیداوار کا تخمینہ  34.00 ملین ٹن لگایا گیا ہے  ، جو اوسط پیداوار 31.89 ملین ٹن سے  2.11 ملین ٹن زیادہ ہے ۔ 

     خریف کی دالوں کی پیداوار 22-2021 ء میں   9.45 ملین ٹن  ہونے کا تخمینہ ہے  ۔ یہ دالوں کی اوسط پیداوار   8.06 ملین ٹن سے 1.39 ملین ٹن زیادہ ہے ۔

     خریف کی تلہن  کی کل پیداوار   22-2021 ء کے دوران  23.39 ملین ٹن   ہونے کا اندازہ لگایا گیا ہے ، جو  تلہن کی اوسط پیداوار   20.42 ملین ٹن سے  2.96  ملین ٹن زیادہ ہے ۔

     22-2021 ء کے دوران   ملک میں گنے کی کل پیداوار  419.25 ملین ٹن  ہونے کا اندازہ ہے    ۔ گنے کی پیداوار   اوسط پیداوار  362.07 ملین ٹن  سے 57.18 ملین ٹن  زیادہ ہونے کی امید ہے ۔

     کپاس  کی پیداوار   36.22 ملین گانٹھ   ( 170 کلو گرام کی ) اور  جوٹ اور میستا کی پیداوار  9.61 ملین گانٹھ  ( 180 کلو گرام کی ) ہونے کا اندازہ لگایا گیا ہے ۔

     مختلف فصلوں کے لئے  ( صرف خریف کی فصلوں کے لئے )  22-2021 ء میں  پہلے پیشگی تخمینے کے مطابق  پیداوار  اور  06-2005 ء  کے بعد  تخمینوں  کا موازنہ   ضمیمے میں پیش کیا گیا ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( ش ح  ۔ و ا ۔ ع ا ) (21-09-2021)

U. No.  9233