ই-শ্রম পোর্তেলনা ওগস্ত ২৬তা হেক লোঞ্চ তৌখিবদগী অনওর্গনাইজ শিন্মীশিং রেজিস্তর তৌহনবগী খোঙজং কনখৎলক্লি। চাউরাকপা নুমিৎ ২৪নিগী মনুংদা, পোর্তেল অসিদা শিন্মী করোর ১ (নত্ত্রগা মিলিয়ন ১০) হেন্না রেজিস্তর তৌরে। পোর্তেল অসিদা ঙসি ফাওবদা ৱর্কর ১,০৩,১২,০৯৫ রেজিস্তর তৌরক্লে। মসিগী মনুংদা, চাউরাকপা বেনিফিশরী ৪৩%না নুপীনি অমসুং ৫৭%না নুপানি।

কন্সত্রক্সন, ফীরোল পুথোকপা, ঙা-ফাবা, গিগ অমসুং প্লেৎফোর্মগী থবক, লম্বীদা পোৎ য়োনবা, য়ুমগী থবক তৌবা, লৌউবা অমসুং মরী লৈনবশিং, ত্রান্সপোর্ত সেক্তর অমসুং অতোপ্পনচিংবা তোঙান-তোঙানবা সেক্তরশিংগী অনওর্গনাইজ শিন্মীশিংগী পাক চাউবা দেতাবেজ অমা শেম্বগী খ্বাইদগী অহানবা খোংথাং ওইরিবা, ই-শ্রম পোর্তেল অসি লেবর অমসুং ইমপ্লোয়মেন্তকী কেন্দ্র মন্ত্রী, শ্রী ভুপেন্দর য়াদব অমসুং রাজ্য মন্ত্রী, শ্রী রামেশ্বর তেলীনা ওগস্ত ২৬তা হৌদোকখিবনি।

মশিং থীঙমদ্রবা মাইগ্রেন্ত শিন্মীশিংগী শরুক্না মসিগী সেক্তরগী থবকশিংদা শরুক য়ারি। ইকোনোমিক সর্ভে ২০১৯-২০গী মতুং ইন্না, লৈবাক অসিদা লৈবা ওনওর্গনাইজ শিন্মীগী (য়ু.দবল্যু.) মশিংসি চাউরাক্না করোর ৩৮নি অমসুং মখোয়শিংবু পোর্তেল অসিদা রেজিস্তর তৌহন্নবা পান্দম থম্লি। হায়রিবা মাইগ্রেন্ত শিন্মীশিংনা হৌজিক্তি ই-শ্রম পোর্তেলদা রেজিস্তর তৌবগী খুত্থাংদা তোঙান-তোঙানবা সোসিএল সেক্যুরিতী অমসুং থবক্তা য়ুম্ফম ওইবা স্কিম কয়াগী কান্নবা লৌবা য়ারগনি।

শ্রী ভুপেন্দর য়াদব, শ্রী রামেশ্বর তেলী, লেবর অমসুং ইমপ্লোয়মেন্ত সেক্রেতরী, শ্রী অপুর্বা চন্দ্র অমসুং চীফ লেবর কম্মিস্নর (সেন্ত্রেল) অমসুং সি.এল.সি.গী অতোপ্পা রিজনেল ওফিসরশিংনা অনওর্গনাইজ শিন্মীশিং, ত্রেদ য়ুনিয়নগী লুচিংবশিং অমদি মীদিয়াগা ৱারী শাদুনা অনওর্গনাইজ সেক্তরগী শিন্মীশিংগী লৈবাক্কী দেতাবেজ শেম্নবগীদমক্তা হন্দক্তা লোঞ্চ তৌখিবা ই-শ্রম পোর্তেলগী থৌওং অমসুং কান্নবগী মতাংদা খঙহনখ্রে। মসিগী মথক্তা, সি.এল.সি. (সি.)না রেজিস্তর তৌবগী থৌওং হেনগৎহন্নবা অসিগুম্বা মীফম মঙা পাংথোকখি অমসুং থৌওং অসি য়াম্না মাই পাকপা ওইখি।

লেবর অমসুং ইমপ্লোয়মেন্ত অমসুং ইনভাইরনমেন্তকী কেন্দ্র মন্ত্রী, শ্রী ভুপেন্দর য়াদবনা সেপ্তেম্বর ১৯, ২০২১দা ইম্ফাল, মনিপুরগী রেজিস্ত্রেসন সেন্তর অমদা অনওর্গনাইজ সেক্তরগী শিন্মীশিংগা ৱারী শাবা অমসুং ই-শ্রম কার্দ য়েন্থোকপা

রাজ্য মন্ত্রী, শ্রী রামেশ্বর তেলীনা সেপ্তেম্বর ১৮, ২০২১দা জবলপুর, মধ্য প্রদেশকী রেজিস্ত্রেসন সেন্তর অমদা অনওর্গনাইজ সেক্তরগী শিন্মীশিংগা ৱারী শাবা অমসুং ই-শ্রম কার্দ য়েন্থোকপা

খ্বাইদগী নৌবা দেতাগী মতুং ইন্না, বিহার, ওরিশা, উত্তর প্রদেশ অমসুং নোংচুপ বেঙ্গলনা খ্বাইদগী য়াম্না রেজিস্তর তৌদুনা মখাদা উৎলিবা গ্রাফনা তাকপগুম্না খোঙথাং অসিদা মাংজিল থারি। অদুবু, মশিংশিং অসি খন্নবা মতমদা খরদি খন্থবা থোকই। অপিকপা রাজ্য অমসুং য়ুনিয়ন তেরিতোরী (য়ু.তি.)না রেজিস্তর তৌরবা শিন্মীগী মশিং হন্থনা লৈ অমসুং মসিদি পুম্নমক্না খঙনরবা ৱাফম্নি।

খোঙজং অসি কেরলা, গুজরাত, উত্তরাখন্দ, মেঘালয়, মনিপুর, অরুনাচল প্রদেহস, লদাখ, জম্মু অমসুং কশ্মির অমসুং চন্দিগরগুম্বা রাজ্য অমদি য়ুনিয়ন তেরিতোরীশিংদা হেন্না খুমাং চাউশিলহনবগী তঙাই ফদবা লৈ। রেজিস্ত্রেসন তৌবনা অনওর্গনাইজ সেক্তর অমসুং ইমপ্লোয়মেন্তকী শিন্মীশিংগীদমক্তা শেম-শারিবা তোঙান-তোঙানবা মরু ওইবা য়াইফ-য়ুম্বালগী প্রোগ্রাম অমসুং কান্নবশিং খোঙজেল থুনা ফংহনবদা তেংবাংগদৌরিবনি।

লৌউ-শিংউ অমসুং কন্সত্রক্সনগী সেক্তর অনিসিনা ভারত্তা থবক পীরিবা য়াম্লবা ভোল্যুম অসিগী মতুং ইন্না সেক্তর অনিসিদগী রেজিস্তর তৌরকপা শিন্মী মশিংনা খ্বাইদগী য়াম্লি। মসিদা নত্তনা, য়ুমগী থবক তৌবশিং, ফিরোলগী সেক্তর, ওতোমোবিল অমসুং ত্রান্সপোর্ত সেক্তর, ইলেক্ত্রোনিক্স অমসুং হার্দ-ৱেয়র, কেপিতেল গুদ্‌স, এজুকেসন, হেল্থকেয়র, রিতেল, তুরিজম অমসুং হোস্পিতালিতী, ফুদ ইন্দস্ত্রী অমসুং অতোপ্পা হীরম কয়াগী শিন্মীশিংনা পোর্তেল অসিদা রেজিস্তর তৌনরকখি।

রেজিস্তর তৌরবা শিন্মীশিংগী মনুংদগী, চাউরাকপা ৪৮%তি চহি ২৫-৪০গী মরক্কী মীওইশিংনি অমসুং চহি ৪০-৫০গী মরক্কী মীওইশিংনা তুং ইন্দুনা চাউরাকপা ২১%, চহি ১৬-২৫গী কাংলুপ্না ১৯% অমসুং চহি ৫০গী মথক্কী কাংলুপ্না ১২%গী চাংদা রেজিস্তর তৌনরকখি।

রেজিস্তর তৌরিবশিংগী চাউরবা শরুক অমদি মথক্কী গ্রাফনা তাকপগুম্না সি.এস.সি.শিংনা তেংবাংদুনা পাংথোকপনি। য়াম্না নুংঙাইবা থৌওং অমা ওইনা, কেরলা, গোৱা, মেঘালয় অমসুং মনিপুরগুম্বা অৱাং-নোংপোক রাজ্যশিংদদি, রেজিস্তর তৌবগী অয়াম্বা শরুক্তি মশানা পোর্তেল অসিদা রেজিস্তর তৌরকপনা ওই। দদ্রা অমসুং নগর হবেলী, অন্দমান অমসুং নিকোবর ইথৎ অমসুং লদাখকুম্বা য়ুনিয়ন তেরিতোরীদসু মান্নবা ওইনা মশানা রেজিস্তর তৌরকপনা অয়াম্বা ওই। অদুবু, খ্বাইদগী নৌবা পাউগী মতুং ইন্নদি, মশিং য়াম্লবা শিন্মী (৬৮%)না সি.এস.সি.গী খুত্থাংদগী রেজিস্তর তৌরকখি। মরম অদুনা, খুদোংচাবা য়াম্না লৈতবা মফমশিংদদি, সি.এস.সি.না তেংবাংবগী থৌওং অসি য়াম্না মরু ওইবা ওইখি। তোঙানবা য়াইফ য়ুম্বাল প্রোগ্রাম  চলায়বা অমসুং অথাপ্পা মফমশিংদা য়ৌহনবা ঙমদুনা পীরিবা কান্নবা কয়া লৌবা ফংনবগীদমক্তা খোঙথাং অসিগী কান্নবা লৌদুনা শিন্মীশিংদা খ্বাইদগী অনকপদা লৈবা সি.এস.সি.দা চত্তুনা পোর্তেল অসিদা রেজিস্তর তৌনবা খঙহনখি।

শিন্মী মশা-মশাশিংনা ওনলাইন্দা রেজিস্ত্রেসন তৌনবগীদমক্তা ই-শ্রমগী মোবাইল এপ্লিকেসন নত্ত্রগা ৱেবসাইৎ শিজিন্নবা য়াগনি। মখোয়না কম্মন সর্ভিস সেন্তর (সি.এস.সি.), স্তেত সেবা কেন্দ্র, লেবর ফেসিলিতেসন সেন্তর, দিয়াপ্ররতমেন্ত ওব পস্তকী দিজিতেল সেবা কেন্দ্রগী খনগৎল্বা পোস্ত ওফিসশিংদা চত্তুনা অনওর্গনাইজ শিন্মীশিংনা পোর্তেল অসিদা মশাগী রেজিস্তর তৌবা য়াগনি। ই-শ্রম পোর্তেলদা রেজিস্ত্রেসন তৌরবা মতুংদা, অনওর্গনাইজ শিন্মীশিংনা দিজিতেল ই-শ্রম কার্দ অমা ফংগনি অমসুং পোর্তেল নত্ত্রগা মোবাইল এপকী খুত্থাংদা মখোয়না মশাগী প্রোফাইল/অকুপ্পা মরোলশিং অপদেৎ তৌবা য়াগনি। মখোয়না লৈবাক শিনবা থুংনা চৎনগদবা য়ুনিভর্সেল একাউন্ত নম্বর (ই-শ্রম কার্দতা) অমা ফংগনি অমসুং সোসিএল সেক্যুরিতীগী কান্নবশিং ফংনবগীদমক্তা মখোয়না তোঙান-তোঙানবা মফমশিংদা রেজিস্তর তৌবগী অমুক্ক হন্না মথৌ তাররোই। করিগুম্বা শিন্মী অমনা ই-শ্রম পোর্তেলদা রেজিস্তর তৌরবা মতুংদা এক্সিদেন্ত/খুদোংথীবা নংলবদি, শিবা নত্ত্রগা পুন্সি চুপ্পগী নাম্ম-শোইবগী ফিভম তারবদি মতমদা মহাক্না লুপা লাখ ২ অমসুং পার্সিএল দিসএবিলিতীগী ফিভম তারগনা লুপা লাখ ১ ফংগনি।

***