প্রধানমন্ত্রীগী লোইশঙ
সেপ্তেম্বর ১৪দা প্রধান মন্ত্রীনা অলিগরদা রাজা মহেন্দ্র প্রতাপ সিংহ স্তেত য়ুনিভর্সিতীগী উরেপ-উয়ুং তম্লগনি
প্রধান মন্ত্রীনা উত্তর প্রদেশ দিফেন্স ইন্দস্ত্রিএল কোরিদোর অমসুং রাজা মহেন্দ্র প্রতাপ সিংহ স্তেত য়ুনিভর্সিতীগী অলিগর নোদকী এগজিবিসন মোদেলশিংদসু চৎকনি
Posted On:
13 SEP 2021 11:20AM by PIB Imphal
২০২১গী সেপ্তেম্বর ১৪, নুংথিলগী পুং ১২ তারকপা মতম অদুৱাইদা প্রধান মন্ত্রী, শ্রী নরেন্দ্র মোদীনা অলিগরদা রাজা মহেন্দ্র প্রতাপ সিংহ স্তেত য়ুনিভর্সিতীগী উরেপ-উয়ুং তম্লগনি অমসুং থৌরম অদুদা মহাক্না ৱা ঙাংগনি৷ প্রধান মন্ত্রীনা রাজা মহেন্দ্র প্রতাপ সিংহ স্তেত য়ুনিভর্সিতী অমসুং উত্তর প্রদেশ দিফেন্স ইন্দস্ত্রিএল কোরিদোরগী অলিগর নোদকী এগজিবিসন মোদেলশিংদসু চৎকনি।
রাজা মহেন্দ্র প্রতাপ সিংহ স্তেত য়ুনিভর্সিতীগী মরমদা
মমিং নিংথিনা লৈরবা নিংতম লান্মী, এজুকেসনিস্ত অমসুং সোসিএল রিফোর্মর, রাজা মহেন্দ্র প্রতাপ সিংহ জিবু নিংশিংনবা অমসুং ইকাই খুম্নবা ওইনা রাজ্য সরকার অসিনা য়ুনিভর্সিতী অসি শেমগৎলিবনি৷ য়ুনিভর্সিতী অসি অলিগরগী কোল তেহসিলগী মুসিপুর করিম জরোলি খুঙ্গং অমসুং লোধা খুঙ্গংদা অপুনবা লম একর ৯২ হেনবদা শেমগৎলিবনি৷ মসিনা অলিগর দিবিজনগী কোলেজ ৩৯৫দা এফিলিয়েসন পীরগনি৷
য়ু.পি.গী দিফেন্স ইন্দস্ত্রিএল কোরিদোরগী মরমদা
উত্তর প্রদেশতা দিফেন্স ইন্দস্ত্রিএল কোরিদোর অমা শেমগৎনবা প্রধান মন্ত্রীনা ২০১৮, ফেব্রুৱারি ২১দা লখনৌদা য়ু.পি. ইনবেস্তর্স সম্মিত হৌদোকপগী থৌরমদা লাওথোকখি৷ দিফেন্স ইন্দস্ত্রিএল কোরিদোরদা অপুনবা নোদ ৬ – অলিগর, অগ্রা,কানপুর, চিত্রকূত, ঝান্সি অমসুং লখনৌনি৷ অলিগর নোদতা, লেন্দ এলোকেসন প্রোসেস মপুং ফাখ্রে অমসুং নোদ অসিদা লুপা কোতি ১২৪৫গী শেনফম থাদগদৌরিবা ফর্ম ১৯দা লমশিং এলোকেত তৌখ্রে৷
উত্তর প্রদেশকী দিফেন্স ইন্দস্ত্রিএল কোরিদোর অসিনা লৈবাক অসি দিফেন্স প্রেদক্সনগী ফিল্দদা মশা-মরোমদোম লেপচবা ঙমহনবদা মতেং পাংলগনি অমসুং 'মেক ইন ইন্দিয়া' প্রোমোত তৌরগনি৷
য়ু.পি.গী মুখ্য মন্ত্রী অমসুং রাজ্যপালসু থৌরম অসিদা শরুক য়াগনি৷
*****
(Release ID: 1754472)
Visitor Counter : 186
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam