ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଅଷ୍ଟ୍ରେଲିଆର ବୈଦେଶିକ ତଥା ମହିଳା ବିଭାଗ ମନ୍ତ୍ରୀ ମହାମହିମ ମାରିସ ପେନ ଓ ପ୍ରତିରକ୍ଷା ମନ୍ତ୍ରୀ ମହାମହିମ ପିଟର ଡଟନ ପ୍ରଧାନମନ୍ତ୍ରୀଙ୍କ ସହ ସାକ୍ଷାତ କଲେ
Posted On:
11 SEP 2021 9:59PM by PIB Bhubaneshwar
ଅଷ୍ଟ୍ରେଲିଆର ବୈଦେଶିକ ତଥା ମହିଳା ବିଭାଗ ମନ୍ତ୍ରୀ ମହାମହିମ ମାରିସ ପେନ ଓ ପ୍ରତିରକ୍ଷା ମନ୍ତ୍ରୀ ମହାମହିମ ପିଟର ଡଟନ ଆଜି ଭାରତ ଓ ଅଷ୍ଟ୍ରେଲିଆ ମଧ୍ୟରେ ଅନୁଷ୍ଠିତ ପ୍ରଥମ ମନ୍ତ୍ରୀସ୍ତରୀୟ ୨+୨ କଥାବାର୍ତ୍ତା ସମାପନର ତୁରନ୍ତ ପରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ସୌଜନ୍ୟମୂଳକ ସାକ୍ଷାତ କରିଛନ୍ତି ।
ପ୍ରଧାନମନ୍ତ୍ରୀ ୨+୨ ବୈଠକ ସମୟରେ ଫଳପ୍ରଦ ଆଲୋଚନା ପାଇଁ ଅଷ୍ଟ୍ରେଲୀୟ ପ୍ରତିନିଧିଙ୍କୁ ପ୍ରଶଂସା କରିବା ସହ ଉଭୟ ରାଷ୍ଟ୍ର ମଧ୍ୟରେ ଏହା ବର୍ଦ୍ଧିତ ରଣନୀତିକ ସମ୍ବନ୍ଧର ସଂକେତ ବୋଲି ଉଲ୍ଲେଖ କରିଛନ୍ତି ।
ବୈଠକରେ ଅନେକ ପ୍ରସଙ୍ଗ ଉପରେ ଆଲୋଚନା ହୋଇଥିଲା, ଯେଉଁଥିରେ ଦ୍ୱିପାକ୍ଷିକ ରଣନୀତିକ ତଥା ଆର୍ଥିକ ସହଯୋଗ ବୃଦ୍ଧିର ସମ୍ଭାବନା, ଭାରତ-ପ୍ରଶାନ୍ତ ମହାସାଗର କ୍ଷେତ୍ର ପ୍ରତି ଉଭୟ ଦେଶର ସମାନ ଦୃଷ୍ଟିକୋଣ ଏବଂ ଉଭୟ ପକ୍ଷ ମଧ୍ୟରେ ମାନବ-ସେତୁ ରୂପରେ ଅଷ୍ଟ୍ରେଲିଆରେ ଭାରତୀୟ ସମୁଦାୟଙ୍କ ବର୍ଦ୍ଧିତ ମହତ୍ତ୍ୱ ଆଦି ସାମିଲ ଥିଲା ।
ପ୍ରଧାନମନ୍ତ୍ରୀ ବିଗତ ବର୍ଷରେ ଉଭୟ ଦେଶ ମଧ୍ୟରେ ସ୍ଥାପିତ ବ୍ୟାପକ ରଣନୀତିକ ଭାଗୀଦାରିକୁ ଦ୍ରୁତି ଗତିରେ ଆଗେଇ ନେବାରେ ପ୍ରଧାନମନ୍ତ୍ରୀ ସ୍କଟ ମୋରିସନଙ୍କ ଭୂମିକାକୁ ପ୍ରଶଂସା କରିଛନ୍ତି । ସେ ପ୍ରଧାନମନ୍ତ୍ରୀ ମୋରିସନଙ୍କୁ ତାଙ୍କ ସୁବିଧା ଅନୁସାରେ ଶୀଘ୍ର ଭାରତ ଗସ୍ତରେ ଆସିବା ପାଇଁ ପୁନଃ ଆମନ୍ତ୍ରଣ କରିଛନ୍ତି ।
SR
(Release ID: 1754403)
Read this release in:
English
,
Urdu
,
Hindi
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam