লৈবাক অসিদা অয়ুশ কোলেজশিং হেন্না হেন্না হাংদোক্নবা কেন্দ্র সরকারনা পীরিবা শেল-থুমগী মতেং অদু কোতি ৯দগী কোতি ৭০দা হেনগৎখ্রে হায়না থাংজ নুমিৎতা অয়ুশ অমসুং পোর্তস, শিপ্পিং অমসুং ৱাতরৱেজকী কেন্দ্রগী মন্ত্রী, সর্বানন্দ সোনোৱালনা ফোংদোকখি৷ গুৱাহতিদা পাংথোকখিবা কনফরেন্স অমদা মন্ত্রী অসিনা ‘অৱাং-নোংপোক রাজ্যশিংদা মীৎয়েং থমদুনা অয়ুশ সিস্তেমশিংদা লৈরিবা তোঙান তোঙানবা অমসুং পেন্নিংঙাই ওইরবা কেরিয়রগী লম্বীশিং: এজুকেসন, ওল্তরপ্রিনরশিপ অমসুং এমপ্লোইমেন্ত’গী হিরমদা ৱা ঙাংখিরম্মী৷

অৱাং-নোংপোক্তা অয়ুশ কোলেজ খরদমক লৈরি অমসুং ইন্দিয়ন ত্রেদিস্নেল মেদিসিনেল সিস্তেমশিং অসি ক্বালিফাইদ ওইরবা প্রেক্তিস্নরশিং হেন্না হেন্না ফংহল্লবা মতম খক্তদা মমিং লৈহনবা ঙমগনি হায়না কেন্দ্রগী মন্ত্রীনা ফোংদোকখি৷

“হিরম অসিগীদমক, অৱাং-নোংপোক রাজ্যশিংদা অহেনবা অয়ুশ তিচিং কোলেজশিং হাংদোরকপা দরকার ওইরকপা য়াই৷ মমাংগী মতমদা, নেস্নেল অয়ুশ মিসনগী সেন্ত্রেল্লী স্পোন্সর্দ স্কিমগী মখাদা অনৌবা অয়ুশ কোলেজশিং হাংদোক্নবা লুপা কোতি ৯গী শেল-থুমগী মতেং রাজ্য সরকারশিংদা ফংহনখ্রে৷ হৌজিক্তি, ভারত সরকারনা হায়রিবা শেনফম অসি লুপা কোতি ৭০দা হেনগৎখ্রে৷ রাজ্যশিংনা হিরম অসিগীদমক লম অমসুং মেনপৱার খন্দোকপা অমসুং এন.এ.এম.গী লৈরিবা গাইদলাইনশিংগী মতুং ইন্না রাজ্যশিংনা মসিগী খুদোংচাবা অসি ফংহল্লবা য়াই,” হায়না সোনোৱালনা ফোংদোকখি৷

অসামগী জলুকবরিদা লৈরিবা গভর্মেন্ত অয়ুর্বেদিক কোলেজ অসিদা লুপা কোতি ১০ য়ৌনা থাদদুনা সেন্তর ওফ এক্সিলেন্স ওইনা অপগ্রেদ তৌনবগী ইন-প্রিন্সিপল এপ্রুবেলসু অয়ুশ মন্ত্রালয়না পীখ্রে হায়না সোনোৱালনা মখাতানা ফোংদোকখি৷ মহাক্কী মন্ত্রালয়না অন্দর-গ্রেজুয়েত তিচিং কোলেজশিং অপগ্রেদ তৌনবা লুপা কোতি ৫গী শেনফম কাইথখ্রে অমসুং পোস্ত গ্রেজুয়েত ইন্সতিত্যুসনশিংগী ইনফ্রাস্ত্রকচর ফগৎহন্নবা লুপা কোতি ৬কী শেনফম কাইথখ্রে হায়না মহাক্না ফোংদোকখি৷

অৱাং-নোংপোক লমদমদা পঞ্চকর্ম থেরাপীগীদমক স্কিল মেনপৱার পুথোক্নবা অমসুং লৈবাক অসিগী শরুক অদুদা থবক্কী খুদোংচাবা হেন্না ফংহন্নবা ১০+২ মহৌরোইশিংগী সিত ১০ থমদুনা গুৱাহতিগী সেন্ত্রেল অয়ুর্বেদ রিসর্স ইন্সতিত্যুত(সি.এ.আর.আই.)তা পঞ্চকর্ম তেক্নিসিয়ন কোর্স অমা হেল্থ সেক্তর স্কিল কাউন্সিল-নেস্নেল স্কিল দিবেলপমেন্ত কোর্পোরেসনদা এফিলিয়েত তৌদুনা হৌদোক্লগনি হায়না মন্ত্রী অসিনসু লাওথোকখি৷

“হৌখিবা চহি খরা অসিদা দিসিপ্লিন পুম্নমক্কী প্রোফেস্নেলশিংগীদমক অয়ুশ সেক্তরদা কেরিয়রগী খুদোংচাবশিং চাং ৱাংনা হেনগৎলকখ্রে,” হায়না সোনোৱালনা ফোংদোকখি৷ প্রজাগী হেল্থকেয়রদা অৱাৎপা কয়ামরোম লৈরিবা অসি পীবা ঙম্নবা অমসুং লৈবাক অসিগী গ্রোথ অমসুং দিবেলপমেন্তদা শরুক য়াবা ঙম্বগী অচৌবা পোতেন্সিয়েল অমা অয়ুশকী লৈ হায়না মহাক্না মখাতানা ফোংদোকখি৷

কনফরেন্স অদুদা অসামগী সরকারগী হকশেল অমসুং য়াইফ-য়ুম্বাল অমসুং সাইন্স অমসুং তেক্নোলোজী অমসুং ইনফোরমেসন অমসুং ব্রোদকাস্তিংগী মন্ত্রী, কেশব মহন্তা গেস্ত ওফ ওনর ওইনা শরুক য়াখি৷

অয়ুশ মন্ত্রালয়না থা অসিগী অঙনবা শরুক্তা অৱাং-নোংপোক রাজ্য পুম্নমক্কী অয়ুশ মন্ত্রীশিংগী লেন্দমার্ক কনফরেন্স অমা মাই পাক্না পাংথোকখ্রে অমসুং রিজন অসিদা অয়ুশ স্ত্রিম মমিং লৈহন্নবগীদমক ইনফ্রাস্ত্রকচর শেমগৎপগী মতাংদা খন্ন-নৈনখি৷ ঙসিগী কনফরেন্স অসি অয়ুশতা লৈরিবা কেরিয়রগী খুদোংচাবশিং অমসুং এজুকেসনগী মতাংদা এক্সপর্তশিংগা খন্ন-নৈনখিবগী খোংথাং ওইখি৷

নেস্নেল কম্মিসন ফোর ইন্দিয়ন সিস্তেম ওফ মেদিসিন(এন.সি.আই.এস.এম.)গী চিয়রপর্সন বৈদ্য জয়ন্ত য়েশৱন্ত দিওপুজারিনা ‘অয়ুর্বেদ  এজুকেসন অমসুং কোরিয়রগী খুদোংচাবশিং’ প্রজেন্তেসন থমখি৷ মসিগী মতুং তারকপদা অৱাং-নোংপোক রাজ্যশিংদা অয়ুশকী পোতেন্সিয়েল এক্সপ্লোর তৌবা অমসুং কেরিয়রগী খুদোংচাবগী মতাংদা সেসন ফমখি৷ সেসন অসিদা, জয়পুরদা লৈরিবা নেস্নেল ইন্সতিত্যুত ওফ অয়ুর্বেদগী দাইরেক্তর প্রোফেসর সঞ্জীব শর্মনা ‘অৱাং-নোংপোক রাজ্যশিংদা অয়ুর্বেদগী এজুকেসন অমসুং কেরিয়রগী খুদোংচাবশিং’ ৱারোল থমখি অমসুং সি.সি.আর.এ.এস., ন্যু দিল্লীগী দাইরেক্তর জেনেরেল, দা. এন. শ্রীকান্থনা ‘ভারতকী অৱাং-নোংপোক রাজ্যশিংদা তৌরিবা রিসর্স অমসুং দিবেলপমেন্ত’গী মতাংদা ৱা ঙাংখি৷

স্তার্তঅপ ইন্দিয়া, দিপার্তমেন্ত ফোর প্রোমোসন ওফ ইন্দস্ত্রী অমসুং ইন্তরনেল ত্রেদকী মেনেজর শ্রীমতি ইন্দ্রানি মাহতোনা ‘অয়ুশ সেক্তর স্তার্তঅপতা ওল্তরপ্রিনরশিপ’কী অখন্নবা ৱারোল অমা ঙাংখি৷

‘হোমিওপেথীগী মতাংদা কেরিয়রগী খুদোংচাবশিং; অৱাং-নোংপোক রাজ্যশিংদা লৈরিবা ইন্দস্ত্রীয়েল পর্সপেক্তিব’কী মতাংদা লেকচর অমা এন.আই.ঐচ. কোলকতাগী দাইরেক্তর দা. সুবাস সিংহনা ঙাংখি; ‘অৱাং-নোংপোক রাজ্যশিংদা হোমিওপেথীগী কেরিয়রগী খুদোংচাবশিং অমসুং এজুকেসন’গী মতাংদা লেকচরনা  এন.আই.ঐচ., ন্যু দিল্লীগী সেক্রেতরী, দা. তরকেশ্বর জেননা পীখি অমসুং ‘অৱাং-নোংপোক ভারত্তা পাংথোক্লিবা রিসর্স অমসুং দিবেলপমেন্ত অমসুং পব্লিক হেল্থ’গী মতাংদনা এন.আই.ঐচ., কোলকতাগী দা. সুবাস চৌধুরীনা ঙাংখি৷

অসিগুম্না, ‘উনানিদা লৈরিবা কেরিয়রগী খুদোংচাবা অমসুং রিসর্স এজুকেসন’গী লেকচর অমা সি.সি.আর.য়ু.এম., ন্যু দিল্লীগী দাইরেক্তর জেনেরেল, প্রোফেসর অসিম অলি খাননা ঙাংখি; ‘সিদ্দা লৈরিবা কেরিয়রগী খুদোংচাবা অমসুং রিসর্স এজুকেসন’গী লেকচর অমা  সি.সি.আর.এস., চেন্নাইগী দাইরেক্তর জেনেরেল, প্রোফেসর দা. কে. কনকাবল্লিনা ঙাংখি; ‘সোৱা-রিগপাদা লৈরিবা কেরিয়রগী খুদোংচাবা অমসুং রিসর্স এজুকেসন’গী লেকচর অমা এন.আর.আই.এস. লেহগী দাইরেক্তর, দা. পদ্ম গুর্মীতনা ঙাংখি অমসুং ‘য়োগ অমসুং নেচরোপেথীগী লৈরিবা কেরিয়রগী খুদোংচাবা অমসুং রিসর্স এজুকেসন’গী লেকচর অমা সেন্ত্রেল কাউন্সিল ফোর রিসর্স ইন য়োগ এন্দ নেচরোপেথী, ন্যু দিল্লীগী দাইরেক্তর, দা. রগবেন্দ্র রাউনা ঙাংখি৷ মসিগী সেসন অসিগী মতুংদা ‘কেরিয়রগী খুদোংচাবা অমসুং ওল্তরপ্রিনরশিপ: ইন্দস্ত্রী পর্সপেক্তিব’কী মতাংদা অয়ুশ ইন্দস্ত্রীশিংগী মীহুৎশিংনা প্রজেন্তেসন থম্নরকখি অমসুং মতুং তারকপদা অৱাং-নোংপোক রাজ্যশিংগী তোঙান তোঙানবা মফমশিংদগী শরুক য়ারিবা অয়ুশ মহৈরোইশিং অমসুং স্কোলরশিংগা লোইননা ইন্তরেক্তিব সেসন পাংথোকখি৷

অয়ুশ মন্ত্রালয়, অয়ুশ ইন্সতিত্যুতশিং অমসুং রিসর্স কাউন্সিলশিং অমসুং অৱাং-নোংপোক রাজ্যশিংদা লৈরিবা অয়ুশ কোলেজশিংগী ওফিসিয়েলশিং য়াওনা মীওই ২৫০রোম্না কনফরেন্স অসিদা শরুক য়াখি৷

*****