নেস্নেল তেক্নিকেল এদভাইজরী গ্রুপ ওন ইম্ম্যুনাইজেসন(এন.তি.এ.জি.আই.)গী ভারতকী কোবিদ-১৯ ৱার্কিং গ্রুপকী চিয়রমেন, দা. এন.কে. অরোরানা ভারতকী ভেক্সিনেসন দ্রাইবকী মতাংদা দি.দি.ন্যুজতা ৱা ঙাংখি৷

Q. ভারত্তা কোবিদ-১৯গী অহুমশুবা ৱেব অমা লাক্কদ্রা?

হৌখিবা চয়োল খরনি অসিদা ঐখোয়গী লৈবাক অসিদা চাংচৎতা নোংমদা কেস ৩০,০০০ – ৪৫০০০ লাকখি৷ লাক্লিবা কেস মশিং অসি অয়াম্বনা কেরলা, অৱাং নোংপোক রাজ্য কয়া অমদগী, মহারাস্ত্রগী জিলা খরদগী অমসুং অতোপ্পা খা-থংবা রাজ্যশিংদগীনি৷ জুন, জুলাই অমসুং ওগস্ত থাগী মতমদা শন্দোক্লিবা সার্স-কোব-২গী জিনোম এনালাইসিস অসি করিগুম্বা ঐখোয়না মতুং ইনবা মতমদা, অনৌবা বেরিয়েন্ত মখল অমতা থোক্লক্তে অমদি জুলাই থাদা পাংথোকখিবা সেরো-সর্ভেগী মতুং ইন্না, হৌজিক লাক্লিবা কোবিদ কেসশিং অসি হৌজিক ফাওবা ইম্ম্যুনাইজ তৌদ্রিবা মীওইশিংনি;  মখোয় অসি লাইচৎ অসিগী অনিশুবা ৱেবকী অরোইবা ফেসকী শরুক ওইনা শোকহল্লি৷

জুলাইগী সেরো-সর্ভেদা, মীওই ৬৬%দগী ৭০% ফাওবা লাইচৎ অসি নাবা থেংনখি; মসিনা ফোংদোক্নিংলিবা অদুদি মীওই ৩০%দি হৌজিক ফাওবা লাইচৎ অসি নাবা য়াই হায়বনি; অমদি মখোয় অসি ভেক্সিন কাপতনা অদুমক লৈরবদি মতম অমা হেক্তদা মখোয়দা লাইচৎ অসি শন্দোরকপা য়াই৷ মরম অদুনা, মীয়ামগী ৩০% লাইনা অসি নারকপা য়াবনা অমদি মখোয় কয়া অমনা হেন্না শাথিরবা লাইনা পোকহনলকপা য়াবনা অমসুং ২০২১গী এপ্রীল অমসুং মে থাদা থেংনখিবা মীশি মীনা অদু অমুক হন্না থোক্লকপা য়াবনা, লৈবাক অসিদা লৈরিবা ঐখোয় ময়ামগী মনুংদা মীওই অমা হেক্তদা কমপ্লাসেন্সী অমা হেক্তা লাকপা অসি চাওনা খুদোংথিংনিংঙাইনি৷

মরম অদুনা, লাক্কদৌরিবা ফেস্তিব সিজন অসিদা মরু ওইনা কোবিদ এপ্রোপ্রিয়েত বিহেবিয়রশিং ইনবা অসি য়াম্না মরু ওই৷ মতম অসিদা অনৌবা ম্যুতেসন থোক্লকপা অসিনা অহুমশুবা ৱেব অমা লাকপগী মরম অমসু ওই৷

Q.ঐখোয়গী কোবিদ ভেক্সিন অসি দেল্তা বেরিয়েন্তগী মাইয়োক্তা কয়ামুক য়াম্না ইফেক্তিব ওইবগে? অহুমশুবা ৱেব অসিদগী ঙাকথোক্নবা ঐখোয়না করি তৌগদগে?

মখাগী মওংশিং অসিদা কোবিদ ভেক্সিনশিংগী ইফেক্তিবনেস অদু তাকপা য়াই:

• ইনফেক্সন অমসুং ভাইরস শন্দোকপা ঙাকথোকপদা ইফেক্সিব ওইবগী চাং
• সিম্পতোমেতিক দিজিজ ঙাকথোকপদা ইফেক্তিব ওইবগী চাং
• শিবদগী নত্রগা য়াম্না শাথিবা লাইনদগী ঙাকথোকপদা ইফেক্তিব ওইবগী চাং

মেদিয়াদা ঐখোয়না উরিবা ইফেক্তিবনেসকী ভেল্যুশিং অসি অয়াম্বনা সিম্পতোমেতিক দিজিজকী মাইয়োক্তা ইফেক্তিব ওইবগী চাং অদু তাকই; মসি তোঙান তোঙানবা ভেক্সিনশিংগী ওইনা অয়াম্বা মতমদা ৬০-৯০% ওই৷

ভেক্সিন অয়াম্বনা কোবিদ ইনফেক্সন অসিদগী ঙাকথোকপদা মতিক চানা ইফেক্তিব ওইদে অমসুং মসিনা মরম ওইদুনা, ভেক্সিন কাপ্লবা মতুং ফাওবদা, মীওই অদুনা কোবিদ অসি শন্দোকপা ঙম্মী, মদুনা কোবিদ এপ্রোপ্রিয়েত বিহেবিয়র ইনবা মথৌ তাই হায়না হঞ্জিন হঞ্জিন ফোংদোক্লিবনি৷

কোবিদ-১৯ ভেক্সিনশিংগী খ্বাইদগী মরু ওইবা ভেল্যু অদুদি শাথিরবা লাইনা, হোস্পিতেলাইজেসন অমসুং শিবদগী হাকথোকপদা মখোয়গী ইফেক্তিব ওইবগী চাং অদুবুনি৷ ভারত্তা অমসুং অতোপ্পা মফমশিংদা হৌজিক হৌজিক ফংলিবা ভেক্সিন পুম্নমক অসি শাথিরবা লাইনা অমসুং থিবদগী বেনিফিসরী অদুবু ঙাকথোকপদা ইফেক্তিব ওইবগী চাং অসি ৯০-৯৬% হেল্লি৷ মসি দেল্তা ভাইরস য়াওনা বেনিয়েন্ত পুম্নমক্কী ওইনা অচুম্বনি৷ ঙসি ভারত্তা নারিবা ইনফেক্সন অয়াম্বনা দেল্তা ভাইরসনা নাহনবনি৷

Q. কনাগুম্বা মীওই অমা কোবিদ-১৯ নারবা অমসুং হৌজিক মহাক্কী মশাদা কোবিদ-১৯গী এন্তিবোদীশিং য়াওদ্রবা, অদু ওইরবদি মীশক অদুনা হৌজিক হৌজিক কোবিদ-১৯ নারিবা মীওই অমদা ঈ নত্রগা প্লাস্ম পীবা য়াগদ্রা? হোস্পিতেলাইজেসন দরকার ওইদুনা হেন্না ফিভম লুশিন্না কোবিদ নারিবা পেসেন্ত অয়াম্বদা প্লেস্ম থেরাপী অসি কান্নবা লৈতে হায়না আই.সি.এম.আর.গী মখাদা ঐখোয়গী লৈবাক অসিদা পাংথোকপা হাই-ক্বালিতী রিসর্স অমনা ফোংদোকখি৷ মালেম অসিগী অতোপ্পা মফমশিংদা পাংথোক্লিবা অসিগুম্বা স্তদীশিংনা হোস্পিতালদা পেসেন্তশিং লৈবগী চাং হন্থহনবা নত্রগা শিহন্দবদগী ঙাকথোকপা ঙমদে হায়না উৎখ্রে৷ মসিগী মরমশিং অসিনা, হেন্না ফিভম লুরবা কোবিদ-১৯ ইনফেক্সনগীদমক লৈরিবা ত্রিতমেন্ত গাইদলাইনশিংগী শরুক ওইনা আই.সি.এম.আর.না প্লাস্ম থেরাপী লৌথোকখ্রে৷

করিগুম্বা মীওই অমদা লাইনা অসি নাবা মতমদা, সেল বেজ ইম্ম্যুনিতীগা লোইননা মীওই অদুগী হকচাংদা এন্তীবোদীশিং পুথোরক্কনি হায়না হায়নবা লৈ৷ এন্তীবোদীশিং অসি ওনবা য়াই অমসুং বিজিবল ইম্ম্যুনিতী হায়নসু কৌবা য়াই৷ সেল বেজ ইম্ম্যুনিতী অসি ইনবিজিবল ইম্ম্যুনিতী অমসুং মরু ওইবা এন্তীবোদীশিংনা হায়না কৌবা য়াই৷ মসিগী ইম্ম্যুনিতী কম্পোনেন্তশিং অসি লাইনাদগী অমসুং কোবিদ-১৯ অমুক হন্না নারিবা মীওইশিংগী ফিভম লুশিনবদগী ঙাকথোকই৷

হন্দক্তা ইকুই কুইদ্রিঙৈদা, কম্পেনী অমনা মার্কেৎতা এন্তীবোদী মিকচর অমা পুথোরকখি, অদুবু মদুনা কা হেন্না কান্নবদি উৎখিদে৷ মসিগী এন্তীবোদী মিকচর অসিসু প্লাস্ম থেরাপী প্রিন্সিপলদা মতুং ইন্দুনা শেম্বনি৷ ইনফেক্সনগী অঙনবা শরুক্তা নত্রগা অহানবা চয়োলদা পেসেন্ত অদুদা প্লাস্ম নত্রগা এন্তীবোদী অসি কাপশিনবা মতমদা, করিগুম্বা কান্নবা খরদি ফংগনি হায়না ফংখি৷

করিগুম্বা মীওই অমনা মহৌশানা কোবিদ লাইনা অসি নারক্তুনা লাইচৎ অসিদগী ফখ্রবা মতুংদা, মীওই অদুগী ইম্ম্যুনিতী অদুনা মীওই অদু মতম শাংনা ঙাকথোক্কনি অমদি অদুগুম্বা মীওই অদুনা ভেক্সিনসু কাপ্লবদি, মীওই অদুনা ইনফেক্সন অমসুং লাইনা অসিদগী শরুক অনি হেন্না ঙাকথোকপা ঙমগনি হায়না হন্দক্তা ইকুই কুইদ্রিঙৈদা ফোংখিবা পেপর অমনি পল্লি৷

ঐখোয়গী প্রজাশিংগীদমক ভেক্সিনগী দোজ হেন্না কাপ্পগী মথৌ তাবরা?

ঐখোয়গী লৈবাক অসিদা দোজ কাপ্পগী চাং অসি ফিভমগী মতুং ইন্না নত্রগা নোংচুপরোমগী লৈবাকশিংদা লৌরিবা ৱারেপশিং অসিগী মতুং ইন্না লেপ্পা য়ারোই৷ লৈবাক অসিগী তোঙান তোঙানবা মফমশিংদা পাংথোক্লিবা স্তদীশিং অসিদা বেজ তৌবা লোকেল ইবিদেন্স অসিনা ঐখোয়গী প্রজাগী দরকার ওইরিবা অসি লমজিংলগনি৷ মসি ঐখোয়গী লৈবাক অসিদা লৈরিবা প্রজা ৭০%দগী ৮০% য়ৌনা লাইনাঅসি নারকপা মতমদা খন্নগনি৷ প্রজা মীয়াম অসি ঙাক শেন্দুনা থম্নবগী পান্দমদা হৌজিক লৈরিবা খ্বাইদগী ফবা সাইন্তিফিক ইবিদেন্স অসিদা বেজ তৌদুনা অফবা ৱারেপ অমা লৌরগনি৷

Q. ঐখোয়না ভেক্সিনগী ইফিকেসী অমসুং মীওই অমগী হকচাংগী লিমিতেসনশিং অসি উগদরা নত্রগা মখোয়শিং অসি তোঙান তোঙান্না উগদরা? ইনফেক্সিন থোক্লিবা অসি মীওই অমগী লিমিতেসনশিংগী মখা পোনগদ্র নত্রগা ভেক্সিনগী ইফিকেসী অসি মীপুং খুদিংমক্কী চপ মান্নবরা?

হায়রিবা এস্পেক্তশিং অসি ইন্তিগ্রেতেদ মেনর অমগা য়েংগদবনি৷ কোবিদ-১৯ ভেক্সিনশিং য়াওনা ভেক্সিন অমা হেক্তদা নহা ওইরিবা মীওই অমনা পীরিবা রেস্পোন্স অসি অয়াম্বনা ফৈ অমদি ভেক্সিনশিং অদু ইফেক্তিব চাং ৱাংনা ওই হায়না উৎলি৷ চহি য়ামশিনলকপা অমসুং কো-মোর্বিদিতীশিং লৈবা অসিনা ভেক্সিন ইফেক্তিব ওইবগী চাং হন্থহনবা য়াই৷ মরম অসিগীদমক, ইনিসিয়েল ত্রাইএলশিংগী মতমদা, অহলশিং হায়বদি চহি ৬০ নত্রগা হেল্লবা মীওইশিং য়াওরি৷ লাইবক ফবদগী, কোবিদ-১৯ ভেক্সিন অসি মীপুং খুদিংমক্তা চাং মান্ননা মথৌ তৌই৷ নহা ওইরিবা মীওইশিং নত্রগা কো-মোর্বিদিতীশিং লৈতবা মীওইশিংগা চাংদম্নবা মতমদা অহল ওইরবা নত্রগা কো-মোর্বিদিতীশিং লৈরিবা মীওইশিংদা লাইনাগী ফিভম লুশিল্লকপগী অমসুং শিবগী চাং অসি শরুক ২০-২৫রোম হেল্লিবনা হায়রিবশিং অসি য়াম্না মরু ওইবা ইসুশিং ওই৷ মীওই অমগী ইম্ম্যুইন সিস্তেম য়াম্না শাথিনা শোকহনবা ঙম্বা দিজিজ কন্দিসনশিং খুদম ওইনা ত্রিতমেন্ত চত্থরিবা কেন্সর পেসেন্ত, স্তিরোইদশিং দরকার ওইরিবা হেল্থ কন্দিসনশিং লৈ৷ অসিগুম্বা মীওইশিং অসিদা ভেক্সিনগী প্রোতেক্তিব রেস্পোন্স অসি চান্নদবা য়াই অমদি ভেক্সিনগী নত্রদা দোজ বুস্ত তৌনবা অতোপ্পা দোজ দরকার ওইরকপা য়াই৷ কোবিদ ভেক্সিনশিংগী দোজ বুস্ত তৌবা দরকার ওইরিবা অদু খন্নদুনা হায়রিবা ইসুশিং অসি এন.তি.এ.জি.আই.না খন্নরগনি৷

******