কেন্দ্রগী গৃহ মন্ত্রী শ্রী অমিত শাহ শরুক য়াদুনা, অসামগী তেরিতেরিএল ইন্তিগ্রিতীগী মতাংদা চহি খুজিং কয়াদগী য়েৎনদুনা লাক্লবা ক্রাইসিস অসি লোইশিন্নবা ইতিহাসিক ওইরবা কার্বি অঙ্গলোঙ্গ এগ্রীমেন্ত অসি ঙসি ন্যু দিল্লীদা শহি পীনখি৷ অসাম সরকার অমসুং হোম এফিয়র্সকী কেন্দ্রগী মন্ত্রালয়গী সেনিয়র ওফিসিয়েলশিংগা লোইননা অসামগী মুখ্য মন্ত্রী, শ্রী হিমন্ত বিস্বাস শর্ম, অয়ুশকী মন্ত্রী অমসুং পোর্ত শিপ্পিং অমসুং ৱাতরৱেজকী কেন্দ্রগী মন্ত্রী, শ্রী সর্বানন্দ সোনোৱাল, হোম এফিয়র্সকী কেন্দ্রগী রাজ্য মন্ত্রী, শ্রী নিত্যনাদ রাই, কে.এ.এ.সি.গী চীফ এগজিক্যুতিব মেম্বর, তুলিরাম রোনঘাঙ্গ, কার্বি লোনগ্রী নোর্থ কছার হিল্স লিবরেসন ফ্রন্ত/ কে.এল.এন.এল.এফ., পিপল্স দেমোক্রেতিক কাউন্সিল ওফ কার্বি লোংগ্রী/পি.দি.সি.কে., য়ুনাইতেদ পিপল্স লিবরেসন আর্মী/ য়ু.পি.এল.এ., কার্বি পিপল্স লিবরেসন তাইগর্স/কে.পি.এল.তি. ফ্রেক্সনশিংগী মীহুৎশিংনা থৌরম অসিদা শরুক য়াখি৷

মসিগী ইতিহাসিক ওইরবা এগ্রীমেন্ত অসিগা লোইননা, আর্ম কেদর ১০০০ হেনবনা হিংশা তৌই হায়বসি য়াখিদ্রে অমসুং সমাজ অসিগী মেনস্ত্রিমদা জোইন তৌখি৷ কার্বি এরিয়াশিং অসি শেমগৎ-শাগৎনবা অখন্নবা প্রোজেক্তশিং পাংথোক্নবা অসাম সরকার অমসুং কেন্দ্র সরকারনা চহি মঙাগী ওইনা লুপা কোতি ১০০০গী অখন্নবা দিবেলপমেন্ত পেকেজ অমা পীরগনি৷

কার্বি এগ্রীমেন্ত অসি প্রধান মন্ত্রীগী ওইনদি অতোপ্পা মাইলস্তোন অমনি হায়না শ্রী অমিত শাহনা ফোংদোক্লদুনা, “ইনসর্জেন্সী ফ্রী ওইবা চাওখৎপা অৱাং-নোংপোক” অমা ওইহনবা হায়বসি প্রধান মন্ত্রীগী মংলান ওইরি৷ ঙসিগী কার্বি অঙ্গলোঙ্গ এগ্রীমেন্ত অসি অসামগী পুৱারিদা অরাবা ময়েক্না ইদুনা লৈহৌরগনি হায়না মহাক্না ফোংদোকখি৷ প্রধান মন্ত্রী হেক ওইরকপদগী,  শ্রী নরেন্দ্র মোদীনা অৱাং-নোংপোক্কী হিরম অমা খক্তদা মীৎয়েং চংখিদে, অৱাং-নোংপোক মাইকৈ খুদিংমক্তা চাওখৎহনবা, শান্তি পুরকপা অসিনা সরকার অসিগী মকোক থোংবা প্রাইয়োরিতী ওইখ্রে৷

খুৎলাই থাদোক্লবা মীওইশিংবু মেনস্ত্রিমদা পুরকপা অমসুং ঐখোয়না মখোয়দা চিং-লেম্না নিংথিনা ৱারি শাবিবা অমসুং মখোয়না হায়জরক্লিবা অদুদগী হেন্না পীবা অসি মোদী সরকারগী পোলিসী ওইরি হায়না শ্রী অমিত শাহনা ফোংদোকখি৷ মসিগী পোলিসী খক্তনা মরম ওইদুনা, মোদী সরকারনা হেক লাকপদগী অরিবা প্লোব্লেমশিং অসি অমমমতা ওইনা ঐখোয়না লৌথোক্লি৷ ঐখোয়গী সরকারগী মতমদা শহি পীনখিবা এগ্রীমেন্তশিংগী ক্লোজ পুম্নমক ঐখোয়না মপুং ফাহল্লি অমসুং মসি মোদী সরকারগী ত্রেক রেকোর্দ ওইখ্রে হায়না কেন্দ্রগী গৃহ মন্ত্রীনা ফোংদোকখি৷

এগ্রীমেন্ত অসিগী মরু ওইবা ফিচরশিং:

মসিগী মিমোরেন্দম ওফ সেত্তলমেন্ত অসিনা কার্বি অঙ্গলোঙ্গ ওতোনোমস কাউন্সিলদা ওতোনোমীগী হেন্না চাওবা শক্তি শিন্নরগনি, কার্বি মীয়ামগী আইদেন্তিতী, লোন অমসুং কল্চর ঙাক-শেল্লগনি অমসুং অসামগী তেরিতেরিএল অমসুং এদমিনিস্ত্রেতিব ইন্তিগ্রিতী অসি শোকহন্দনা কাউন্সিল এরিয়াগী দিবেলপমেন্তদা মীৎয়েং চংলগনি৷

কার্বি আর্ম গ্রুপশিংনা হিংশা তৌদনবা অমসুং লম অসিগী লৈরিবা চৎন-পথাপ অসি ইন্দুনা শান্তি লৈবা দেমোক্রেতিক প্রোসেস চত্থনবা য়ানখ্রে৷ এগ্রীমেন্ত অসিনা আর্ম গ্রপশিংগী কেদরশিং রিহেবিলিতেসন তৌরগনি৷

কে.এ.এ.সি. এরিয়াগী মপান্দা লৈরিবা কার্বি মীয়ামগী চাওখৎ-থৌরাংদা মীয়েং চংননবগীদমক অসাম সরকারনা কার্বি ৱেল্ফেয়র কাউন্সিল অমা শেমগৎলগনি৷

কে.এ.এ.সি.গী রিসোর্সশিং অসিদা মতেং পাংননবা রাজ্য অসিগী কন্সোলিদেতেজ ফন্দ অসি শিজিন্নরগনি৷

লোইন-লোইননা, প্রজেন্ত সেত্তলমেন্তনা কে.এ.এ.সি.দা লেজিস্লেতিব, এগজিক্যুতিব, এদমিনিস্ত্রেতিব অমসুং শেল-থুমগী ওইবা শক্তি হেন্না পীনবা হৌদোরকখি৷

কার্বি অঙ্গলোঙ্গ এগ্রীমেন্তগী মরু ওইবা পোইন্তশিং—

*****