‘অজাদী কা অমৃত মহোৎসব’কী মখাদা পরিং ওইনা চৎথরকপা থবকশিংদা, ঙসি নই দিল্লীদা আয়ুশ মিনিস্ত্রীনা প্রোফাইলাইতিক্কী হিদাক-লাংথকশিং য়েন্থোক্নবা অমসুং চিঞ্জাক অমসুং পুন্সি মহিংদা পীবা অইবা লমজিং-লমতাকশিংগী কেম্পেইন হৌদোকখ্রে। দ্রাইব অসি আয়ুশ অমসুং পোর্ত, শিপ্পিং অমসুং ৱাতরৱেজগী মিনিস্তর শ্রী সর্বানন্দা সোনোৱাল অমসুং আয়ুশ অমসুং ৱুমেন অমসুং চাইল দিবলপমেন্তগী মিনিস্তর দাঃ মঞ্জপরা মহেন্দ্রভাইনা খুৎশম্নদুনা হৌদোকপনি।

লাক্লিবা চহি অমা অসিদা, কোবিদ-১৯ লান্থেংননবা ইন্দ্রী ফগৎহনবা হিদাক-লাংথক অমসুং লমজিং-লমতাকশিং লৈবাক অসিগী মীওইশিং মরুওইনা জেরিয়াত্রিক (চহি ৬০ অমসুং মথক্কী মীওইশিং) অমসুং ফ্রন্তলাইন ৱার্কর লাখ ৭৫দা য়েন্থোক্কনি।  

কোবিদ-১৯গী আয়ুর্বেদা প্রোফাইলাইতিক্কী হিদাক-লাংথকশিংগী কিত অসিদা গুদুচি নত্ত্রগা গীলোই ঘান ভতি অমসুং অশ্বাগন্ধা ঘান ভতি হায়নসু খঙনবা সনশামনি ভতি য়াওরি। কিত অমসুং লমজিং-লমতাকশিং অসি সেন্ত্রেল কাউন্সিল ফোর আর্য়ুবেদিক মেদিসিন্স (সি.সি.আর.এ.এস.)না শেম-শাবনি।

প্রোফাইলাইতিক্কী হিদাক-লাংথকশিং য়েন্থোক্নবা অমসুং চিঞ্জাক অমসুং পুন্সি মহিংদা পীবা অইবা লমজিং-লমতাকশিং য়েন্থোকপগী কেম্পেইন অসি ভারতকী নিং-খা তম্বগী চহি ৭৫শুবা নিংশিং থৌরম পাংথোক্নবা ভারত সরকারনা হৌদোক্লিবা ‘অজাদী কা অমৃত মহোৎসব’কী শরুক অমনি। চহি চুপ্না পাংথোক্লিবা কেম্পেইন অসি ভারতনা নিং-খা তম্বগী ৭৫শুবা কুমওন থৌরম পাংথোক্নবা শিল্লিবা ২০২২গী ওগস্ত ফাওবা চৎথগনি।

মহাক্কী ভর্চুএল ওইবা ৱা ঙাংবদা, শ্রী সর্বানন্দা সোনোৱালনা হায় মদুদি কেম্পেইন অসিনা পান্দম থম্লিবা অসি প্রধান মন্ত্রী নরেন্দ্র মোদীগী পান্দম অমসুং মিসন “হেলথ ফোর ওল”দা মতেং ওইনবনি। প্রধান মন্ত্রীনা লায়চৎ অসি লান্থেংননবা থবক তরেৎ খন্দোকখ্রে অমসুং হায়রিবা অসিদা অহল ওইরবশিংবু চেকশিন-থৌরাং লৌখৎপিবা অসিসু অমনি, হায়না মহাক্না হায়খি।“প্রোফাইলাইতিক্কী হিদাক-লাংথকশিং য়েন্থোক্নবা অসিনা কোরোনা ভাইরসকী মায়োক্তা ইন্দ্রী ফগৎহনবদা মতেং ওইগনি। লায়চৎ অসিগী অনিশুবা ৱেব মনুংদা, লৈবাক অসিগী মীয়াম্না ঐখোয়গী থায়নগী চৎনবী হিদাক-লাংথক্তা য়াম্না চাওনা থাজবা থম্বা উবা ফংখি। কেম্পেইন অসি লৈবক অসিগী আয়ুশ ইন্সতিত্যুসন ৮৬কী মথক্তা লৈবা য়াম্না লিংবা নেতৱার্ক অমগী মখাদা চৎথবনি।  

ওফিসিএলশিংবু হরাওবা ফোংদোক্তুনা শ্রী সোনোৱালনা মখা তানা হায়খি মদুদি প্রোফাইলাইতিক্কী হিদাক-লাংথকশিং য়েন্থোকপগী কেম্পেইন অসিনা জেরিয়াত্রিক মীশিংদা কাউন্সিলনা হকশেলগী মিৎয়েং থম্লি। 

থৌরম অসিদা ৱা ঙাংলদুনা, দাঃ মঞ্জপরা মহেন্দ্রভাইনা হায় মদুদি হৌজিক চৎথরিবা কেম্পেইন অসি মরুওইনা চহি ৬০ মথক্কী কাংলুপতা মিৎয়েং চংলি। “লায়তচৎ অসিনা চহি কাংলুপ অসিদা হেন্না খুদোংথিনিঙাই ওইবা মরম্না হায়রিবা অসিদা মখোয়দা ইন্দ্রী ফগৎহনগনি,” হায়না এম.ও.এস.না হায়খি।

থৌরম হৌদোকপদা য়াওখিবা দিগ্নিতরীশিংগী মনুংদা সি.সি.আর.এ.এস.কী দাইরেক্তর জেনেরেল, দাঃ এন. শ্রীকান্ত; আয়ুশ মিনিস্ত্রীগী, স্পেসিএল সেক্রেতরী, শ্রী প্রমোদ কুমার পাথক অমসুং আয়ুশ মিনিস্ত্রীগী, জোইন্ত সেক্রেতরী, শ্রী দি. সেন্থিল পান্দিয়ান, নেস্নেল কমিসন ফোর হোমিওপেথীগী, চেয়রমেন, দাঃ অনিল খুরানা অমসুং  নেস্নেল কমিসন ফোর ইন্দিয়ন সিস্তেম ওফ মেদিসিনগী, চেয়রপর্সন বাইদ্যা জয়ান্ত দিওপুজারী অমসুং অতৈশিংসু য়াওখি।

আয়ুশ মিনিস্ত্রীনা ৱাই-ব্রেক মোবাইল এপ্লিকেসন, লৌমী অমসুং মীয়ামগীদমক হিদাক পাম্বীশিং য়েন্থোকপা অমসুং ৱেবিনার কয়া অমা হৌদোকপা য়াওনা মখল কয়ীগী থৌরমশিং হৌদোক্নবা ২০২১গী ওগস্তকী ৩০দগী সেপ্তেম্বর ৫ ফাওবা চয়োল অমা শিল্লি।

****