آزادی کے امرت مہوتسو (اے کے اے ایم) کی تقریبات کے ایک حصے کے طور پر کول انڈیا لمیٹڈ (سی آئی ایل) نے جو کوئلے کی وزارت کے تحت ادارہ ہے، کولکتہ شہر اور اس کے آس پاس سینکڑوں خوانچہ فروشوں اور ٹیکسی/رکشہ ڈرائیوروں کو جوٹ اور کپڑے کے تھیلوں کی تقسیم کے ذریعے ایک جدید قدم اٹھایا ہے۔ تھیلوں کی تقسیم ایک ہفتہ طویل مہم ہے۔ اس مہم کے دوران  ماحول دوست اقدام کے تحت شہر کے مختلف مقامات کا احاطہ کیا جائے گا۔ سبز یعنی غیر آلودہ توانائی کے پیغام کو پھیلانے کے لئے اے کے اے ایم بینروں سے سجا ہوا ایک ای رکشہ ڈسٹری بیوشن ٹیم کے ساتھ سڑکوں پر چلے گا۔

علاوہ ازیں سی سی ایل گریڈیہ ایریا کی طرف سے ڈی اے وی گریڈیہ میں ایک خصوصی پینٹنگ مقابلے کا انعقاد کیا گیا۔ مقابلے کا موضوع "گو گرین ، ڈرنک کلین" تھا۔ طلبا نے اس مقابلے میں اپنے خیالات کو پیش کیا اور اپنی تخلیقی اور متاثر کن پینٹنگز کے ذریعے پائیدار ترقی کے پیغام کو اجاگر کیا۔

<><><><><>

ش ح،ع س، ج

U.No. : 8537