આઝાદી કા અમૃત મહોત્સવ (AKAM) ની ઉજવણીના ભાગરૂપે, કોલસા મંત્રાલય હેઠળ કોલ ઇન્ડિયા લિમિટેડ (CIL) એ કોલકાતા શહેર અને તેની આસપાસ સેંકડો શેરી વિક્રેતાઓ અને કેબ/રિક્ષા ચાલકોને જ્યુટ અને કાપડની થેલીઓના વિતરણ દ્વારા એક અભિયાનનું નવીન પગલું ભર્યું છે. આ બેગનું વિતરણ એક સપ્તાહ લાંબી ઝુંબેશ છે અને આ ઇકો ફ્રેન્ડલી પહેલના ભાગરૂપે શહેરમાં વિવિધ સ્થળોએ બેગનું વિતરણ કરવામાં આવશે. તે જ સમયે, ગ્રીન એનર્જીનો સંદેશો ફેલાવવા માટે AKAM બેનરોથી સજ્જ એક સમર્પિત ઈ-રિક્ષા વિતરણ ટીમ સાથે આવશે.

આ અભિયાન આઝાદીના અમૃત મહોત્સવનો સંદેશ ફેલાવશે અને વપરાશકર્તાઓને દૈનિક હેતુઓ માટે સિંગલ યુઝ પ્લાસ્ટિકમાં ઘટાડો કરવા સાથે જ્યુટ અને કાપડની થેલી જેવા પર્યાવરણને અનુકૂળ વિકલ્પો અપનાવવા પ્રોત્સાહિત કરશે.

ઉપરોક્ત ઉપરાંત, ડીએવી ગિરિડીહ ખાતે સીસીએલ ગિરિડીહ વિસ્તાર દ્વારા ખાસ ચિત્ર સ્પર્ધાનું આયોજન કરવામાં આવ્યું હતું. સ્પર્ધાની થીમ "ગો ગ્રીન, ડ્રિંક ક્લીન" હતી. આમાં, વિદ્યાર્થીઓએ તેમના વિચારો દર્શાવ્યા હતા અને તેમના સર્જનાત્મક અને પ્રેરણાદાયક ચિત્રો દ્વારા ટકાઉ વિકાસના સંદેશને રેખાંકિત કર્યો હતો.

SD/GP/BT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com