ന്യൂഡൽഹി,  ആഗസ്റ്റ്  25,2021


മെഡൽ നേട്ടത്തിലൂടെ രാജ്യത്തിന് അഭിമാനം സമ്മാനിക്കുക  മാത്രമല്ല വിവിധ കായിക ഇനങ്ങളിൽ വ്യാപകമായ താൽപ്പര്യം ജനിപ്പിക്കുന്നതിലും വിജയിച്ച   ഒളിമ്പ്യൻമാരിൽ നിന്ന് പ്രചോദനം ഉൾക്കൊള്ളാൻ ഉപരാഷ്ട്രപതി ശ്രീ എം വെങ്കയ്യ നായിഡു യുവാക്കളോട് ആഹ്വാനം ചെയ്തു .

ക്ലാസ് മുറികളിലും  മൈതാനങ്ങളിലും തുല്യ സമയം ചെലവഴിക്കാൻ വിദ്യാർത്ഥികളെ അനുവദിക്കണമെന്ന് ശിവാജി  കോളേജിന്റെ വജ്രജൂബിലി അനുസ്മരണത്തിന്റെ സമാപന ചടങ്ങിൽ സംസാരിക്കവെ  ഉപരാഷ്ട്രപതി പറഞ്ഞു.

കായികരംഗത്തെ പങ്കാളിത്തം ആത്മവിശ്വാസം , സംഘമനോഭാവം  എന്നിവ വർദ്ധിപ്പിക്കുമെന്നും ശാരീരിക ക്ഷമത മെച്ചപ്പെടുത്തുമെന്നും അദ്ദേഹം പറഞ്ഞു.  കൂടാതെ,  ജീവിതശൈലീ രോഗങ്ങൾ വർദ്ധിക്കുന്നതിനെ ചെറുക്കാൻ ഇത് പ്രധാനമാണെന്ന് അദ്ദേഹം കൂട്ടിച്ചേർത്തു .

ഗുണനിലവാരമുള്ള വിദ്യാഭ്യാസം നൽകുന്നതോടൊപ്പം, ബുദ്ധിമുട്ടുള്ള സാഹചര്യങ്ങളെ ധൈര്യത്തോടെയും സമചിത്തതയോടെയും നേരിടാനുള്ള കഴിവും നമ്മുടെ അധ്യാപകർ വിദ്യാർത്ഥികളിൽ വളർത്തിയെടുക്കണമെന്ന് ഉപരാഷ്ട്രപതി പറഞ്ഞു. വിദ്യാർത്ഥികൾ നേരിടുന്ന വൈകാരിക സമ്മർദ്ദത്തെക്കുറിച്ച്,പ്രത്യേകിച്ച് പകർച്ചവ്യാധിയുടെ പശ്ചാത്തലത്തിൽ, വിദ്യാഭ്യാസ സ്ഥാപനങ്ങൾ പ്രത്യേക ശ്രദ്ധ നൽകണമെന്ന് അദ്ദേഹം ഊന്നിപ്പറഞ്ഞു. 

IE/SKY