ആരോഗ്യ, കുടുംബക്ഷേമ മന്ത്രാലയം
കോവിഷിൽഡ്, കൊവാക്സിൻ ക്ലിനിക്കൽ പരീക്ഷണങ്ങളിൽ പങ്കെടുത്തവർക്ക് ഉള്ള ഡിജിറ്റൽ കോവിഡ്19 വാക്സിനേഷൻ സർട്ടിഫിക്കറ്റുകൾ കോവിൻ പ്ലാറ്റ്ഫോമിലൂടെ ലഭ്യമാക്കി
പോസ്റ്റഡ് ഓണ്‍:
23 AUG 2021 5:59PM by PIB Thiruvananthpuram
ന്യൂഡൽഹി, ആഗസ്റ്റ് 23, 2021
2020 ഓഗസ്റ്റ് മുതൽ സെറം ഇൻസ്റ്റ്യൂട്ട് ഓഫ് ഇന്ത്യയുമായി ചേർന്ന് കോവിഷിൽഡ് വാക്സിന്റെ 2, 3 ഘട്ട പരീക്ഷണങ്ങൾ ഐസിഎംആർ നടത്തിയിരുന്നു. കൊവാക്സിന്റെ മൂന്നാംഘട്ട പരീക്ഷണങ്ങൾ 2020 നവംബർ മുതൽ ഭാരത് ബയോടെക് ഇന്റർനാഷണൽ ലിമിറ്റഡും സംഘടിപ്പിച്ചിരുന്നു.
Co-WIN പ്ലാറ്റ്ഫോമിലൂടെ ഡിജിറ്റൽ വാക്സിനേഷൻ സർട്ടിഫിക്കറ്റുകൾ ലഭ്യമാക്കണമെന്ന് ആവശ്യപ്പെട്ടുള്ള നിരവധി അപേക്ഷകൾ പരീക്ഷണങ്ങളിൽ പങ്കെടുത്തവരിൽ നിന്നും ആരോഗ്യ-കുടുംബക്ഷേമ മന്ത്രാലയത്തിന് ലഭിച്ചിരുന്നു.
വാക്സിനുമായി ബന്ധപ്പെട്ട പരീക്ഷണങ്ങൾ, പഠനങ്ങൾ എന്നിവ സംബന്ധിച്ച കൂടുതൽ വിവരങ്ങൾ ലഭ്യമായതിനുശേഷം പഠന/പരീക്ഷണ കാലയളവിൽ വാക്സിൻ സ്വീകരിച്ച എല്ലാവർക്കും വാക്സിനേഷൻ സർട്ടിഫിക്കറ്റുകൾ നൽകാൻ തീരുമാനിച്ചിരിക്കുകയാണ്. ഇത്തരം വ്യക്തികളിൽ നിന്നും ആവശ്യമായ വാക്സിനേഷൻ വിവരങ്ങൾ ശേഖരിക്കാനുള്ള അംഗീകൃത ഏജൻസിയായി ആരോഗ്യമന്ത്രാലയം ചുമതലപ്പെടുത്തിയത് ഐസിഎംആർ-നെയാണ്. ഇത്തരത്തിൽ 11,349 പേരുടെ വിവരങ്ങളാണ് ICMR, മന്ത്രാലയത്തിന് കൈമാറിയത്. കോവിഷിൽഡ്, കൊവാക്സിൻ പരീക്ഷണങ്ങളിൽ പങ്കെടുത്ത വ്യക്തികൾക്കുള്ള ഡിജിറ്റൽ വാക്സിനേഷൻ സർട്ടിഫിക്കറ്റുകൾ Co-WIN പ്ലാറ്റ്ഫോമിലൂടെ നിലവിൽ വിതരണം ചെയ്യുന്നുണ്ട്.
പരീക്ഷണങ്ങളിൽ പങ്കെടുത്തവർക്ക് Co-WIN പോർട്ടൽ, ആരോഗ്യ സേതു, ഡിജിലോക്കർ, UMANG ആപ്ലിക്കേഷൻ എന്നിവ വഴിയായി തങ്ങളുടെ സർട്ടിഫിക്കറ്റുകൾ ഡൗൺലോഡ് ചെയ്യാവുന്നതാണ്.
( റിലീസ് ഐ.ഡി: 1748789)
സന്ദര്‍ശക കൗണ്ടര്‍ : 398