نئی اور قابل تجدید توانائی کی وزارت نے ہندوستانی شہروں کو شمسی توانائی سے جوڑنے پر عالمی بینک کے تعاون سے ایک ویبنار منعقد کیا۔ اس کے علاوہ، ڈسکام کے اہلکاروں اور شمسی توانائی کے سفیروں کے ذریعے کل زمینی سطح پر منعقد مہم کے ساتھ ساتھ آن لائن تربیتی اجلاس کا بھی انعقاد کیا گیا۔ نئی اور قابل تجدید توانائی کی وزارت ’’آزادی کا امرت مہوتسو‘‘ منانے کے لیے 23 سے 27 اگست، 2021 تک چلنے والی مختلف سرگرمیوں کی میزبانی کر رہی ہے۔

وزیر اعظم نریندر مودی نے خواہش ظاہر کی تھی کہ ہر ایک ریاست میں کم از کم ایک شہر شمسی توانائی سے لیس ہونا چاہیے، جہاں پر بجلی کی تمام ضروریات پوری طرح سے شمسی توانائی یا قابل تجدید توانائی کے دیگر ذرائع سے پوری ہوتی ہوں۔ شمسی توانائی والے شہروں کو بجلی کی کم لاگت، کم اخراج اور کم کاربن ڈائی آکسائڈ نکلنے سے کافی حد تک فائدہ ہوگا۔

ویبنار کے دوران نئی اور قابل تجدید توانائی کی وزارت کے سکریٹری جناب امتیش سنہا نے معلومات فراہم کرتے ہوئے بتایا کہ اب تک 22 ریاستوں اور مرکز کے زیر انتظام علاقوں نے شمسی توانائی والے شہروں کی شکل میں تیار کیے گئے جانے والے کئی شہروں کی شناخت کی ہے۔ انہوں نے بتایا کہ اس مقصد کو پورا کرنے کے لیے متعدد اسکیمیں بنائی گئی ہیں، جن کے نفاذ کے لیے شہر میں بنے گھروں کی چھتوں پر دستیاب زیادہ سے زیادہ جگہ کا استعمال کرنا ہوگا۔ ان اسکیموں میں روف ٹاپ سولر پینل کی تنصیب، فضلے کے انتظام سے پاور پلانٹس کا قیام، دستیاب صلاحیت کے مطابق بادی، چھوٹے ہائیڈرو اور بائیو ماس جیسے توانائی کے دیگر ذرائع کی دریافت اور شمسی اسٹریٹ لائٹ اور شمسی درختوں کی تنصیب جیسے غیر مرکوزی تجربات کا استعمال کرنا ہوگا۔ عالمی بینک کے نمائندہ نے شہروں کو شمسی توانائی سے جوڑنے کی اہم پہل اور نظریات پر ایک تفصیلی پیشکش دی۔

اس کے بعد ایک باہم متعامل عوامی اجلاس منعقد کیا گیا، جس میں شرکت کرنے والے ملک بھر کے ایسے شہری جنہوں نے اپنے احاطہ کی چھتوں پر شمسی توانائی کے نظام کو قائم کیا ہے، انہوں نے روف ٹاپ سولر سسٹم سے متعلق اپنے تجربات اور فوائد کا اشتراک کیا۔ ’’شمسی شہر کے نفاذ اور اس کے آگے کی راہ کو شیئر کرنے‘‘ پر ماہرین کے ایک پینل کا مذاکرہ بھی منعقد کیا گیا، جس میں بہار، اوڈیشہ، مدھیہ پردیش اور گجرات کے سینئر افسران سمیت کئی پینلسٹوں نے شمسی شہر پروجیکٹ کو عمل میں لانے کے لیے اپنے مشوروں، حصولیابیوں، پروگراموں اور آگے کی اسکیموں کے بنیادی نکات شیئر کیے۔

*****

ش  ح –  ق ت –  ت  ع

U:8219