নিতি আয়োগ অমসুং দোনর মন্ত্রালয়না ওগস্ত ২৬, ২০২১দা নোর্থ ইস্তর্ন রিজন দিস্ত্রিক্ত এস.দি.জি. ইন্দেক্স রিপোর্ত অহানবা খুৎনম অমসুং দেসবোর্দ ২০২১-২২ ফোঙগদৌরি‍। খুৎনম অসিনা লৈবাকসিগী ওইনা রিজন পুম্বগী ওইবা দিস্ত্রিক্ত এস.দি.জি. ইন্দেক্স মখল অহানবা ওইগদৌরি অমদি অরুনাচল প্রদেশ, অসাম, মনিপুর, মেঘালয়া, মিজোরম, নগালেন্দ, সিক্কিম অমসুং ত্রিপুরা হায়রিবা স্তেত ৮সিগী দিস্ত্রিক্ত ১২০দা সস্তেনেবল দেভেলপমেন্ত গোল (এস.দি.জি.) লোকেলাইজ তৌনবগী খোঙথাঙগী পন্দোল অমা ওইগদৌরিবনি‍। দোক্তর রজিব কুমার, ভাইস চেয়রমেন, নিতি আয়োগ; শ্রী জি. কিসন রেদ্দী, দোনর, তুরিজম অমসুং কলচরগী কেন্দ্র মন্ত্রী, অমসুং শ্রী বি.এল. বর্মা, দোনর অমসুং কোওপরেসনগী কেন্দ্রগী রাজ্য মন্ত্রীনা ইন্দেক্স অমসুং দেসবোর্দ অসি শ্রী অমিতাব কান্ত, সি.ই.ও., নিতি আয়োগ; দোক্তর ইন্দর জিত সিংহ, সেক্রেতরী, দোনর মন্ত্রালয় অমসুং মিস নাদিয়া রসীদ, রেসিদেন্ত রিপ্রজেন্তেতিব (আই/সি), য়ু.এন.দি.পি. ইন্দিয়ানা শরুক য়াবা থৌরম অমদা পুথোক্কনি‍। এন.ই.আর. দিস্ত্রিক্ত এস.দি.জি. ইন্দেক্স অমসুং দেসবোর্দ অসি নিতি আয়োগ অমসুং দোনর মন্ত্রালয়না খুৎশম্নদুনা য়ু.এন.দি.পি.গী তেক্নিকেল সপ্পোর্তকা লোয়ননা শেম্বনি‍। মসিনা অৱাং নোংপোক লমদমগী স্তেত নিপানগী দিস্ত্রিক্তশিংনা এস.দি.জি.গী মতাঙদা লৈরিবা মখোয়গী পর্ফোর্মেন্সশিং অমসুং মখোয়গী লৈরিবা পান্দমশিং ওন্দুনা হায়রিবশিংদুদা য়ুম্ফম ওইরগা দিস্ত্রিক্তশিং অসিগী রেঙ্ক খায়দোক্লি‍। ইন্দেক্স অসি নিতি আয়োগকী এস.দি.জি. ইন্দিয়া ইন্দেক্স – লৈবাক্কী অমসুং স্তেত/য়ুনিয়ন তেরিতরীগী থাক্তা এস.দি.জি.গী খোঙজেল য়েংশিন্নবগী মরুওইবা অমদি ওফিসিএল তুল অসিদা য়ুম্ফম ওইবনি অমদি দিস্ত্রিক্তশিংগী মরক্তা হিদান্নবগী ফীভম পুরক্নবা এস.দি.জি.গী বেঞ্চমার্কিং পর্ফোর্মেন্স অমসুং রেঙ্কিংগী কম্মন ইথোস লৈ‍।

এন.ই.আর. দিস্ত্রিক্ত এস.দি.জি. ইন্দেক্স অমসুং দেসবোর্দ ২০২১-২২: চাউরকপা শক্তাক ৱারোল অমা

এন.ই.আর. দিস্ত্রিক্ত এস.দি.জি. ইন্দেক্স এন্দ দেসবোর্দ: বেজলাইন রিপোর্ত ২০২১-২২ অসি ভারতকী এস.দি.জি.গী নোদেল এজেন্সী ওইরিবা নিতি আয়োগনা তার্গেত ৫০দা মালেমগী লৈরিবা পান্দম ১৫ কোনশিনবা ইন্দিকেতর ৮৪ শীজিন্নদুনা শেম্বনি‍। ইন্দেক্স শেমবা অমদি শীজিন্নরিবা মেথোদোলোজী অসিদা দিস্ত্রিক্তশিংগী এস.দি.জি. পর্ফোরমেন্স ওন্দুনা রেঙ্কিং শেম্বা; স্তেতশিংদা হেন্না মীৎয়েঙ চঙবা মথৌ তাবা হীরমশিং খঙদোক্নবা ঙাক্লৌ পীবা; মখোয় মশেলগী মরক্তা অফবা মওংদা হিদান্নবগী ফীভম য়োকখৎনবগী নুংগী ওইপা পান্দমশিং য়াওরি‍। এন.ই.আর. দিস্ত্রিক্ত এস.দি.জি. ইন্দেক্স এন্দ দেসবোর্দ অসিগী ইন্দিকেতর অমসুং কম্প্যুতেসন মেথোদোলোজী খনবগী মরী লৈনবা ৱাফম খুদিংমক্তা লমদমসিগী স্তেত নিপানমক্কা মচা খায়না তাথোক তাশিন তৌখি‍। লমদম-লমদমদুগী ওইবা মীৎয়েঙ অমসুং ফীল্দ এক্সপিরিএন্স য়াওরবা ফীদবেক প্রোসেস লৈহন্দুনা ইন্দেক্স অসি শেম্বদা স্তেতশিংনা মরুওইবা থৌদাং য়াখি‍।

ইন্দেক্স অসিনা মরুওইবা গেপশিং খঙদোকপদা অমদি লমদমসিদা এস.দি.জি. ফংনবগীদমক খোঙজেল থুনা থবক পায়খৎনবা মরম খঙনা ইন্তরভেন্সন তৌবদা মতেং ওইরগনি অমদি হকশেল, মহৈ মশিং, জেন্দর, শেন্মিৎলোন চাউখৎপা, ইন্সতিত্যুসন, ক্লাইমেত চেঞ্জ অমসুং এনভাইরনমেন্ত অমদি অতৈ মালেমগী পান্দমশিং ফংনবগী থৌওংগী দিস্ত্রিক্তশিংদা লৈরিবা খোঙজেল ওন্ননবগী শেম শাদুনা লৈরবা খুৎপায় অমা ওইরগনি‍।

নোর্থ ইস্তর্ন রিজন দিস্ত্রিক্ত এস.দি.জি. ইন্দেক্স অসি এস.দি.জি.বু ‘গ্লোবেলদগী নেসনেল, অদুদগী লোকেল’দা পুরক্নবগী নিতি আয়োগকী থৌরাংগী পন্দোল অমনি‍।

***