এন.ই.পি. ২০২০ চৎনখিবা চহি অমা মপুং ফারকপা অসি নিংশিংনবগীদমক, মহৈ-মশিং মন্ত্রালয়গী স্কুল এজুকেসন অমসুং লিতরেসী দিপার্তমেন্তনা এন.ই.পি. চৎনখিবা চহি অমা মপুং ফারকপদা ফংখিবা এচিবমেন্তশিং অদুগী মতাংদা লাইরিক মচা অমা শেমখ্রে৷ লাইরিক মচা অদু ২০২১গী ওগস্ত ২৪দা মহৈ-মশিংগী কেন্দ্রগী মন্ত্রী শ্রী ধর্মেন্দ্র প্রধাননা ভর্চুএল্লী ওইনা লোঞ্চ তৌরগনি৷

লাইরিক মচা অসিগী মথক্তা, এন.ই.পি. ২০২০গী অচৌবা ইনিসিয়েতিব খরসু মহৈ-মশিং মন্ত্রীনা লোঞ্চ তৌরগনি৷ মসিগী মনুং চল্লিবশিং অদুদি: নিপুন ভারত চৎননবগীদমক ওজাশিং অমসুং রাজ্যশিং/য়ু.তি.শিংদা খঙহন্নবা অমসুং মতেং পাংননবা দিক্সাগী মখাদা শেমগৎখিবা এফ.এল.এন. রিসোর্সশিংগী তোখায়বা ভর্তিকেল অমা ওইরিবা দিক্সাগী রিসোর্সশিং অমসুং নিপুন ভারত এফ.এল.এন. তুলশিং; ভর্চুএল লাইব ক্লাসরুমশিং অমসুং ভর্চুএল লেবশিংগী খুৎথাংদা এদভান্স ওইরবা দিজিতেল লর্নিং প্লেতফোর্মশিং ফংহন্নবগীদমক এন.আই.ও.এস.কী ভর্চুএল স্কুল; সিল্লেবস নত্রগা লাইরিক্তগী লৌথোক্লবা চেপ্তরশিং, লর্নিং আউতকমশিং অমসুং থীমশিং অসিগা মরী লৈননা নুংঙাইবা অমসুং চেলেঞ্জিং ওইবা এক্তিবিতীশিংগী চয়োল-চয়োলগী ওইবা প্লান য়াওবা এন.সি.ই.আর.তি.গী অল্তর্নেত একাদেমিক কেলেন্দর ২০২১-২২ থম্বা অসিনি৷

অঙাংশিংনা চহি নৌরিবা মতম অদুদদগী হৌদুনা অঙাংশিংদা এসেসিবিলিতীগী কন্সেপ্ত অমসুং মরু ওইবা অদু খঙহন্নবগীদমক নাম্না শোইরবা মীওইশিংদা হেন্না শক্তি পীনবগী লৈরিবা দিপার্তমেন্তগা খুৎশম্নদুনা সোসিএল জস্তিস অমসুং এম্পৱার্মেন্তগী মন্ত্রীগা লোইননা মহৈ-মশিংগী কেন্দ্রগী মন্ত্রীনা এন.সি.ই.আর.তি.না শেমজরিবা লাইরিক মচা ‘প্রিয়া’ লোঞ্চ তৌরগনি৷

নেস্নেল এজুকেসন পোলিসী ২০২০ অসিনা স্তেজ পুম্নমক্তা লৈরিবা এজুকেসন সিস্তেম পুম্নমক্তা অহোংবা পুরক্নবা হোৎনরিবনা, স্কুল এজুকেসন অমসুং লিতরেসী দিপার্তমেন্তনা মিসন মোদ ওইবা মওংদা এন.ই.পি. ২০২০ চৎনখি অমসুং ফ্লেক্সিবল, ইন্তরেক্তিব, ইন্দিকেতিব অমসুং ইনক্লুসিব এন.ই.পি. ইমপ্লিমেন্তেসন প্লান, এস.এ.আর.তি.ঐচ.এ.ক্বু. শেমখ্রে৷ দিপার্তমেন্ত অসিনা চহি অমা অসিদা অচৌবা মাইলস্তোন ৬২ ফংবা ঙমখ্রে অমসুং মসিনা স্কুল এজুকেসন সেক্তর অসি ত্রান্সফোর্ম তৌরগনি৷ মসিগী মনুং চল্লিবশিং অদুদি: ফাউন্দেস্নেল লিতরেসী অমসুং ন্যুমরেসীদা নিপুন ভারত মিসন, সমগ্র শিক্সা স্কিমনা এন.ই.পি. ২০২০দা সপোর্ত তৌবা, বিদ্য প্রভেশ- থা অহুমগী স্কুল প্রিপরেসন মোদ্যুল, নেস্নেল দিজিতেল এজুকেসন আর্কিতেকচর(এন.দি.ই.এ.আর.)গী ব্লু প্রিন্ত, নিস্থাগী মখাদা সেকেন্দরী ওজাশিংগী কেপাসিতী হেনগৎহনবা, এসেস্মেন্ত রিফোর্মশিং, দিক্সাদা য়াওরিবা দিজিতেল কন্তেন্ত অসিনচিংবনি৷

থৌরম অসি রাজ্য অমসুং য়ু.তি. পুম্নমক্কী লৈরিবা স্কুল এজুকেসন দিপার্তমেন্তগী সেনিয়র ওফিসরশিং, ওতোনোমস ইন্সতিত্যুসনশিংগী হেদশিং অমসুং দিপার্তমেন্ত অসিগী সেনিয়র ওফিসিয়েলশিং শরুক য়ারগনি অমসুং এস.সি.ই.আর.তি.শিংনা নিপুন ভারত মিসন অসি মাই পাকহন্নবগী লম্বীদা পুশিল্লক্নবা রাজ্যশিং অমসুং য়ু.তি.শিং অসিগা লোইননা ৱার্কশোপ অমা মখাতানা শিল্লগনি৷

*****