প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলদা ইন্তরনেস্নেল সাইন্তিফিক অমসুং তেক্নোলোজীদা চুংশিন্নবগী লৈরিবা ফ্রেমৱর্ক্কী মনুংদা মরী চেৎশিনহন্নবা অমসুং নাকল অনিমক্কী য়াইফনবা লমশিংদা মতেং পীন্ননবা ভারতকী ইন্দিয়ন কাউন্সিল ওফ মেদিকেল রিসর্চ (আই.সি.এম.আর.) অমসুং স্বীতজর্লেন্দগী জি.এ.আর.দি.পি. ফাউন্দেসন ওন এন্তিমাইক্রোবিএল রেজিস্তেন্স রিসর্চ এন্দ ইনোভেসনগী মরক্তা তৌনখিবা মেমোরেন্দম ওফ অন্দর্স্তেন্দিং অয়াবা পীখ্রে। এম.ও.য়ু. অসি মার্চ’২০২১দা ভারতনা খুৎয়েক পীখিবনি।

কান্নবশিং:

এম.ও.য়ু. অসিনা ইন্তর-নেস্নেল সাইন্তিফিক অমসুং তেক্নোলোজীগী ওইনা কো-ওপরেসনগী ফ্রেমৱর্ক মনুংদা নাকল অনিমক্তা কান্নগদবা লমশিংদা ভারত অমসুং স্বীতজর্লেন্দগী মরক্তা লৈরিবা মরীশিং হেন্না চেৎশিনহল্লগনি।

শেল-থুমগী ওইবা ৱাফমশিং:

আই.সি.এম.আর.-জি.এ.আর.দি.পি.গী চুংশিন্নবা অসিদা অপুনবগী ওইবা পান্দমশিং মাই পাকপা ঙম্নবা পার্তী অনিমক্না শেল-থুমগী ওইবা অমসুং ইন-কাইন্দ কন্ত্রিব্যুসনশিংগী লালোং অমা অমসুং মোদেলিতীশিং শেম্বা য়াওগনি। ফন্দ অসি অতোপ্পা পার্তীডা নত্ত্রগা প্রোজেক্ত অসিদা য়াওরিবা থর্দ পার্তীশিংদা হকথেংননা পীগনি। শেল-থুমগী ওইবা অমসুং ইন-কাইন্দ কন্ত্রিব্যুসন পুম্নমক তোখাইবা আইনগী ওইবা এগ্রীমেন্তশিংগী মখাদা পীথগনি।

বেকগ্রাউন্দ:

আই.সি.এম.আর.না ইন্ত্রাম্যুরেল অমসুং এক্সত্রাম্যুরেল রিসর্চকী খুত্থাংদা লৈবাক অসিদা বাইওমেদিকেল রিসর্চ থৌগৎলি। জি.এ.আর.দি.পি. অসি মখোয়গী তুংকোইনা এক্সেস তৌবা ফংনবা হোৎনবগা লোইননা অনৌবা নত্ত্রগা ফগৎলগা এন্তিবোদী ত্রীৎমেন্তশিং দিবেলপ তৌদুনা অমসুং ফংহনদুনা মালেমগী পব্লিক হেল্থকী মথৌ তাবশিং থুংহল্লিবা নোৎ-ফোর-প্রোফিৎ রিসর্চ এন্দ দিবেলপমেন্ত ওর্গনাইজেসন অমনি।

*********