ਖਣਿਜ ਖੇਤਰ ਵਿੱਚ ਆਰਥਿਕ ਸੰਭਾਵਨਾਵਾਂ ਨੂੰ ਸਾਹਮਣੇ ਲਿਆਉਣ ਲਈ ਮੁੱਖ ਨਿਯੰਤਰਣ ਸੁਧਾਰ ।
ਖੁਦਾਈ ਦੀ ਗਤੀ ਵਿੱਚ ਤੇਜ਼ੀ ਅਤੇ ਨਵੇਂ ਰੋਜ਼ਗਾਰ ਮੌਕੇ ਪੈਦਾ ਕਰਗੀ ।
ਸਕੀਮ ਨਵੇਂ ਉੱਦਮੀਆਂ ਨੂੰ ਉਤਸ਼ਾਹਿਤ ਕਰੇਗੀ ।

 

ਖਾਣ ਮੰਤਰਾਲੇ ਨੇ ਨੈਸ਼ਨਲ ਐਕਰੀਡੀਟੇਸ਼ਨ ਬੋਰਡ ਫੋਰ ਐਜੂਕੇਸ਼ਨ ਐਂਡ ਟਰੇਨਿੰਗ ਆਫ ਕੁਆਲਿਟੀ ਕੌਂਸਲ ਆਫ ਇੰਡੀਆ (ਕਿਉ ਸੀ ਆਈ — ਐੱਨ ਏ ਬੀ ਈ ਟੀ) ਦੁਆਰਾ ਵਿਕਸਿਤ ਨਿਜੀ ਖੁਦਾਈ ਏਜੰਸੀਆਂ ਲਈ ਮਾਣਤਾ ਦੀ ਸਕੀਮ ਨੂੰ ਅਪਣਾਇਆ ਹੈ ।
ਕਿਉ ਸੀ ਆਈ — ਐੱਨ ਏ ਬੀ ਈ ਟੀ ਸਕੀਮ ਦੀਆਂ ਪ੍ਰਕਿਰਿਆਵਾਂ ਅਤੇ ਮਾਣਕਾਂ ਦੇ ਅਨੁਸਾਰ ਖਣਿਜਾਂ ਦੇ ਭਵਿੱਖਤ ਸੰਚਾਲਨਾਂ ਨੂੰ ਹੱਥ ਵਿੱਚ ਲੈਣ ਵਾਲੀਆਂ ਨਿਜੀ ਖੁਦਾਈ ਏਜੰਸੀਆਂ ਨੂੰ ਮਾਣਤਾ ਦੇਵੇਗੀ । ਚਾਹਵਾਨ ਨਿਜੀ ਖੁਦਾਈ ਏਜੰਸੀਆਂ ਨੂੰ ਸਕੀਮ ਅਨੁਸਾਰ ਮਾਣਤਾ ਹਾਸਲ ਕਰਨ ਦੀ ਲੋੜ ਹੋਵੇਗੀ ਅਤੇ ਉਸ ਤੋਂ ਬਾਅਦ ਐਕਟ ਦੇ ਸੈਕਸ਼ਨ 4 ਦੇ ਸਬ ਸੈਕਸ਼ਨ 1 ਤਹਿਤ ਉਹਨਾਂ ਲਈ ਨੋਟੀਫਿਕੇਸ਼ਨ ਜਾਰੀ ਕਰਨ ਲਈ ਮੰਤਰਾਲੇ ਨੂੰ ਅਰਜ਼ੀ ਦੇਣੀ ਹੋਵੇਗੀ । ਮੰਤਰਾਲੇ ਨੇ ਇਸ ਲਈ ਵਿਸਥਾਰਪੂਰਵਕ ਪ੍ਰਕਿਰਿਆ , ਨਿਯਮ ਅਤੇ ਸ਼ਰਤਾਂ ਸਹਿਤ ਨੋਟੀਫਿਕੇਸ਼ਨ ਲਈ ਖੁਦਾਈ ਏਜੰਸੀਆਂ ਨੂੰ ਵਿਚਾਰ ਕਰਨ ਲਈ ਦਿਸ਼ਾ ਨਿਰਦੇਸ਼ ਬਣਾਏ ਹਨ । ਖਾਣ ਮੰਤਰਾਲੇ ਨੇ ਮੰਤਰਾਲੇ ਦੀ ਸਰਕਾਰੀ ਵੈੱਬਸਾਈਟ ਤੇ ਨਿਜੀ ਖੁਦਾਈ ਏਜੰਸੀਆਂ ਦੀ ਮਾਣਤਾ ਲਈ ਨੋਟੀਫਿਕੇਸ਼ਨ ਸੰਬੰਧੀ ਦਿਸ਼ਾ ਨਿਰਦੇਸ਼ ਅਤੇ ਮਾਣਤਾ ਸਕੀਮ ਨੂੰ ਪ੍ਰਕਾਸਿ਼ਤ ਕੀਤਾ ਹੈ ।(www.mines.gov.in). https://www.mines.gov.in/writereaddata/UploadFile/orderdated12aug2021enclosures.pdf 

ਖਾਣਾਂ ਅਤੇ ਖਣਿਜ  (ਵਿਕਾਸ ਤੇ ਨਿਯੰਤਰਣ) ਐਕਟ 1957 , ਐੱਮ ਐੱਮ ਡੀ ਆਰ ਐਕਟ ਨੂੰ ਹਾਲ ਹੀ ਵਿੱਚ ਐੱਮ ਐੱਮ ਡੀ ਆਰ ਸੋਧ ਐਕਟ 2021 ਰਾਹੀਂ ਸੋਧਿਆ ਗਿਆ ਸੀ , ਲਾਗੂ 28—03—2021 । ਜਿਸ ਵਿੱਚ ਕੇਂਦਰ ਸਰਕਾਰ ਨੂੰ ਨਿਜੀ ਇਕਾਈਆਂ ਸਮੇਤ ਇਕਾਈਆਂ ਨੂੰ ਨੋਟੀਫਾਈ ਕਰਨ ਦੀਆਂ ਸ਼ਕਤੀਆਂ ਦਿੱਤੀਆਂ ਗਈਆਂ ਹਨ । ਇਹ ਉਹ ਇਕਾਈਆਂ ਹਨ ਜੋ ਭਵਿੱਖਤ ਸੰਚਾਲਨ ਕੇਂਦਰ ਸਰਕਾਰ ਵੱਲੋਂ ਨਿਰਧਾਰਿਤ ਸ਼ਰਤਾਂ ਅਤੇ ਨਿਯਮਾਂ ਅਨੁਸਾਰ ਕਰ ਸਕਦੀਆਂ ਹਨ ।
ਦੇਸ਼ ਵਿੱਚ ਖੁਦਾਈ ਦੀ ਗਤੀ ਨੂੰ ਤੇਜ਼ ਕਰਨ ਦੇ ਮੱਦੇਨਜ਼ਰ ਅਤੇ ਖਣਿਜਾਂ ਦੀ ਖੁਦਾਈ ਵਿੱਚ ਆਧੁਨਿਕ ਤਕਨਾਲੋਜੀ ਨੂੰ ਲਿਆਉਣ ਲਈ ਐੱਮ ਐੱਮ ਡੀ ਆਰ ਐਕਟ ਦੇ ਸੈਕਸ਼ਨ 4 (1) ਦੀ ਦੂਜੀ ਵਿਵਸਥਾ ਤਹਿਤ ਭਵਿੱਖਤ ਸੰਚਾਲਨਾਂ ਨੂੰ ਚਲਾਉਣ ਵਾਲੀਆਂ ਨਿਜੀ ਖੁਦਾਈ ਏਜੰਸੀਆਂ ਨੂੰ ਨੋਟੀਫਾਈ ਕਰਨ ਦਾ ਫੈਸਲਾ ਕੀਤਾ ਗਿਆ ਹੈ ।
ਇਸ ਵੇਲੇ ਕੇਵਲ ਸਰਕਾਰੀ ਏਜੰਸੀਆਂ ਖੁਦਾਈ ਵਿੱਚ ਲੱਗੀਆਂ ਹੋਈਆਂ ਹਨ ਅਤੇ ਖੁਦਾਈ ਦੀ ਗਤੀ ਉਹਨਾਂ ਦੀ ਸਮਰੱਥਾ ਮੁਤਾਬਿਕ ਸੀਮਤ ਹੈ । ਸਰਕਾਰ ਦਾ ਮੌਜੂਦਾ ਇਹ ਕਦਮ ਖਣਿਜ ਖੇਤਰ ਵਿੱਚ ਇੱਕ ਮੁੱਖ ਨਿਯੰਤਰਣ ਸੁਧਾਰ ਹੈ , ਜਿਸ ਦਾ ਮਕਸਦ ਖੇਤਰ ਵਿੱਚ ਆਰਥਿਕ ਸੰਭਾਵਨਾਵਾਂ ਨੂੰ ਪੈਦਾ ਕਰਨਾ ਅਤੇ ਖਣਿਜਾਂ ਦੀ ਖੁਦਾਈ ਵਿੱਚ ਹੋਰ ਏਜੰਸੀਆਂ ਨੂੰ ਲਿਆਉਣਾ ਹੈ । ਇਹ ਖੁਦਾਈ ਦੀ ਗਤੀ ਨੂੰ ਤੇਜ਼ ਕਰੇਗੀ , ਖੇਤਰ ਵਿੱਚ ਨਵੇਂ ਰੋਜ਼ਗਾਰ ਦੇ ਮੌਕੇ ਪੈਦਾ ਕਰੇਗੀ ਅਤੇ ਨਿਲਾਮੀ ਲਈ ਹੋਰ ਖੁਦਾਈ ਦੇ ਬਲਾਕ ਲਿਆਵੇਗੀ । ਸਕੀਮ ਸੈਕਟਰ ਵਿੱਚ ਮੁਹਾਤਰ ਤੇ ਨਵੀਂ ਤਕਨਾਲੋਜੀ ਲਿਆਉਣ ਦੇ ਨਾਲ ਨਾਲ ਖੁਦਾਈ ਦੇ ਖੇਤਰ ਵਿੱਚ ਨਵੇਂ ਉੱਦਮੀਆਂ ਨੂੰ ਉਤਸ਼ਾਹਿਤ ਕਰਨ ਵਿੱਚ ਵੀ ਮਦਦ ਕਰੇਗੀ ।
 

*****************

ਐੱਸ ਐੱਸ / ਆਰ ਕੇ ਪੀ