ਮੁੱਖ ਬਿੰਦੂ:

• ਭਾਰਤ ਦੀ ਆਜ਼ਾਦੀ ਦੇ 75 ਸਾਲਾਂ ਦੇ ਮੌਕੇ ’ਤੇ, ਪਹਿਲਾਂ ਤੋਂ ਹੀ ਵਿਆਪਕ, ਆਕਰਸ਼ਕ ਟ੍ਰਾਈਬਸ ਇੰਡੀਆ ਕੈਟਾਲਾਗ ਵਿੱਚ ਟ੍ਰਾਈਫ਼ੈਡ ਦੁਆਰਾ 75 ਨਵੇਂ ਕਬਾਇਲੀ ਉਤਪਾਦ ਲਾਂਚ ਕੀਤੇ ਗਏ ਹਨ।

• ਟ੍ਰਾਈਫ਼ੈਡ ਜੀਆਈ ਮੂਵਮੈਂਟ ਨੇ ਆਦਿਵਾਸੀ ਮੂਲ ਜਾਂ ਸਰੋਤ ਦੇ 75 ਉਤਪਾਦਾਂ ਦੀ ਪਛਾਣ ਵੀ ਕੀਤੀ ਹੈ ਜੋ ਭੂਗੋਲਿਕ ਸੰਕੇਤ (ਜੀਆਈ) ਟੈਗ ਦੇ ਲਈ ਜੀਓਗਰਾਫਿਕਲ ਇੰਡੀਕੇਸ਼ਨਜ਼ ਆਫ਼ ਗੁਡਜ਼ (ਰਜਿਸਟ੍ਰੇਸ਼ਨ ਐਂਡ ਪ੍ਰੋਟੈਕਸ਼ਨ) ਐਕਟ, 1999, ਭਾਰਤ ਦੇ ਅਧੀਨ ਰਜਿਸਟਰਡ ਹੋਣਗੇ।

• ਭਾਰਤ ਦੇ 20 ਰਾਜਾਂ ਤੋਂ ਜੀਆਈ ਟੈਗਿੰਗ ਲਈ ਆਦਿਵਾਸੀ ਉਤਪਾਦਾਂ ਦੀ ਪਛਾਣ ਕੀਤੀ ਗਈ ਹੈ।

• 75 ਜੀਆਈ ਟ੍ਰਾਈਬਲ ਉਤਪਾਦਾਂ ਵਿੱਚੋਂ, 37 ਅਜਿਹੇ ਉਤਪਾਦ ਉੱਤਰ ਪੂਰਬ ਦੇ ਅੱਠ ਰਾਜਾਂ ਦੇ ਹਨ।

• ਕਬਾਇਲੀ ਰਾਜਾਂ ਤੋਂ, ਝਾਰਖੰਡ ਦੇ 7 ਉਤਪਾਦਾਂ ਅਤੇ ਮੱਧ ਪ੍ਰਦੇਸ਼ ਦੇ 6 ਉਤਪਾਦਾਂ ਦੀ ਵੀ ਜੀਆਈ ਟੈਗਿੰਗ ਲਈ ਪਛਾਣ ਕੀਤੀ ਗਈ ਹੈ।

ਜਿਵੇਂ ਕਿ ਭਾਰਤ ਆਪਣੀ ਆਜ਼ਾਦੀ ਦੇ 75 ਵੇਂ ਸਾਲ ਦਾ ਜਸ਼ਨ ਮਨਾ ਰਿਹਾ ਹੈ, ਆਤਮ ਨਿਰਭਰ ਭਾਰਤ ਦੀ ਭਾਵਨਾ ਦੁਆਰਾ ਪ੍ਰੇਰਿਤ ਅੰਮ੍ਰਿਤ ਮਹੋਤਸਵ ਦੇ ਜ਼ਰੀਏ ਇਸ ਇਤਿਹਾਸਕ ਦਿਨ ਨੂੰ ਮਨਾਉਣ ਲਈ ਕਈ ਤਰ੍ਹਾਂ ਦੀਆਂ ਪਹਿਲਕਦਮੀਆਂ ਕੀਤੀਆਂ ਜਾ ਰਹੀਆਂ ਹਨ ਅਤੇ ਸਮਾਗਮ ਆਯੋਜਿਤ ਕੀਤੇ ਜਾ ਰਹੇ ਹਨ।

ਆਤਮ ਨਿਰਭਰ ਭਾਰਤ ਇੱਕ ਮਿਸ਼ਨ ਹੈ ਜੋ ਟ੍ਰਾਈਫ਼ੈਡ ਲਗਾਤਾਰ ਕਬਾਇਲੀਆਂ ਦੀ ਆਮਦਨੀ ਅਤੇ ਰੋਜ਼ੀ-ਰੋਟੀ ਲਈ ਸਹਾਇਤਾ ਕਰਨ ਅਤੇ ਉਨ੍ਹਾਂ ਨੂੰ ਕਾਇਮ ਰੱਖਣ ਦੇ ਯਤਨਾਂ ਦੇ ਹਿੱਸੇ ਵਜੋਂ ਲਗਾਤਾਰ ਯਤਨਸ਼ੀਲ ਹੈ। ਕਬਾਇਲੀ ਕਾਰੀਗਰਾਂ ਦੀ ਕਾਰੀਗਰੀ ਨੂੰ ਪਛਾਣਨ ਅਤੇ ਉਨ੍ਹਾਂ ਦੀ ਰੋਜ਼ੀ-ਰੋਟੀ ਨੂੰ ਵਧਾਉਣ ਲਈ ਇੱਕ ਛੋਟੇ ਜਿਹੇ ਯੋਗਦਾਨ ਵਜੋਂ, ਟ੍ਰਾਈਫ਼ੈਡ ਆਪਣੇ ਟ੍ਰਾਈਬਸ ਇੰਡੀਆ ਰਿਟੇਲ ਆਪਣੇ ਆਫ਼ਲਾਈਨ ਅਤੇ ਆਨਲਾਈਨ ਨੈੱਟਵਰਕ ਦੇ ਜ਼ਰੀਏ ਕਬਾਇਲੀ ਕਲਾ ਅਤੇ ਸ਼ਿਲਪਕਾਰੀ ਵਸਤੂਆਂ ਦੀ ਖਰੀਦ ਅਤੇ ਮਾਰਕੀਟਿੰਗ ਕਰ ਰਿਹਾ ਹੈ।

ਜਿਵੇਂ ਕਿ ਭਾਰਤ ਨੇ ਆਜ਼ਾਦੀ ਦੇ 75 ਸਾਲਾਂ ਵਿੱਚ ਕਦਮ ਰੱਖਿਆ ਹੈ, ਟ੍ਰਾਈਫ਼ੈਡ ਦੁਆਰਾ ਪਹਿਲਾਂ ਤੋਂ ਹੀ ਵਿਆਪਕ, ਆਕਰਸ਼ਕ ਟ੍ਰਾਈਬਸ ਇੰਡੀਆ ਕੈਟਾਲਾਗ ਵਿੱਚ 75 ਨਵੇਂ ਕਬਾਇਲੀ ਉਤਪਾਦ ਸ਼ਾਮਲ ਕੀਤੇ ਗਏ ਹਨ। ਦੇਸ਼ ਭਰ ਤੋਂ ਪ੍ਰਾਪਤ ਕੀਤੇ ਗਏ ਉਤਪਾਦਾਂ ਵਿੱਚ ਸ਼ਾਨਦਾਰ ਅਤੇ ਆਕਰਸ਼ਕ ਵਸਤੂਆਂ ਜਿਵੇਂ ਕਿ ਧਾਤ ਦੀਆਂ ਮੂਰਤੀਆਂ, ਹੱਥ ਨਾਲ ਬਣਾਏ ਗਹਿਣੇ, ਸਜਾਵਟ ਜਿਵੇਂ ਲਟਕਣ ਵਾਲੀਆਂ ਵਸਤਾਂ; ਹੱਥ ਨਾਲ ਬਣਾਏ ਕੱਪੜੇ ਜਿਵੇਂ ਕਿ ਸ਼ਰਟ, ਕੁਰਤਾ, ਮਾਸਕ ਅਤੇ ਜੈਵਿਕ ਉਤਪਾਦ ਜਿਵੇਂ ਮਸਾਲੇ, ਪ੍ਰੋਸੈਸਡ ਜੂਸ ਅਤੇ ਹੋਰ ਹਰਬਲ ਪਾਊਡਰ ਸ਼ਾਮਲ ਹਨ।

ਇਸ ਤੋਂ ਇਲਾਵਾ, ਇੰਡੀਆ@75 -ਦਿ ਪੀਪਲਜ਼ ਮੂਵਮੈਂਟ ਦੇ ਉਦੇਸ਼ਾਂ ਦੇ ਅਨੁਕੂਲ ਟ੍ਰਾਈਫ਼ੈਡ ਨੇ ਆਦਿਵਾਸੀ ਮੂਲ ਜਾਂ ਸਰੋਤ ਦੇ 75 ਉਤਪਾਦਾਂ ਦੀ ਪਛਾਣ ਵੀ ਕੀਤੀ ਹੈ ਜੋ ਭੂਗੋਲਿਕ ਸੰਕੇਤ (ਜੀਆਈ) ਟੈਗ ਦੇ ਲਈ ਜੀਓਗਰਾਫਿਕਲ ਇੰਡੀਕੇਸ਼ਨਜ਼ ਆਫ਼ ਗੁਡਜ਼ (ਰਜਿਸਟ੍ਰੇਸ਼ਨ ਐਂਡ ਪ੍ਰੋਟੈਕਸ਼ਨ) ਐਕਟ, 1999, ਭਾਰਤ ਦੇ ਅਧੀਨ ਰਜਿਸਟਰਡ ਹੋਣਗੇ। ਭਾਰਤ ਜੀਆਈ ਟੈਗਿੰਗ ਦੇ ਲਈ ਭਾਰਤ ਦੇ 20 ਰਾਜਾਂ ਤੋਂ ਕਬਾਇਲੀ ਉਤਪਾਦਾਂ ਦੀ ਪਛਾਣ ਕੀਤੀ ਗਈ ਹੈ ਅਤੇ 75 ਪਛਾਣੇ ਗਏ ਕਬਾਇਲੀ ਉਤਪਾਦਾਂ ਵਿੱਚੋਂ, ਅਜਿਹੇ 37 ਉਤਪਾਦ ਉੱਤਰ ਪੂਰਬ ਦੇ ਅੱਠ ਰਾਜਾਂ ਦੇ ਹਨ। ਕਬਾਇਲੀ ਰਾਜਾਂ ਤੋਂ, ਝਾਰਖੰਡ ਦੇ 7 ਉਤਪਾਦਾਂ ਅਤੇ ਮੱਧ ਪ੍ਰਦੇਸ਼ ਦੇ 6 ਉਤਪਾਦਾਂ ਦੀ ਵੀ ਜੀਆਈ ਟੈਗਿੰਗ ਲਈ ਪਛਾਣ ਕੀਤੀ ਗਈ ਹੈ।

ਇਸ ਤੋਂ ਇਲਾਵਾ, ਟ੍ਰਾਈਫ਼ੈਡ ਵਿਸ਼ਵ ਭਰ ਦੇ 100 ਭਾਰਤੀ ਮਿਸ਼ਨਾਂ/ ਦੂਤਾਵਾਸਾਂ ਵਿੱਚ ਆਤਮ ਨਿਰਭਰ ਭਾਰਤ ਕਾਰਨਰ ਸਥਾਪਤ ਕਰਨ ਵਾਲਾ ਹੈ। ਕਾਰਨਰ ਜੀਆਈ ਟੈਗ ਕੀਤੇ ਕਬਾਇਲੀ ਕਲਾ ਅਤੇ ਸ਼ਿਲਪਕਾਰੀ ਉਤਪਾਦਾਂ ਤੋਂ ਇਲਾਵਾ ਕੁਦਰਤੀ ਅਤੇ ਜੈਵਿਕ ਉਤਪਾਦਾਂ ਨੂੰ ਉਤਸ਼ਾਹਤ ਕਰਨ ਲਈ ਇੱਕ ਵਿਸ਼ੇਸ਼ ਜਗ੍ਹਾ ਹੋਵੇਗੀ। ਕੈਟਾਲਾਗ ਅਤੇ ਬਰੋਸ਼ਰ ਜੋ ਆਦਿਵਾਸੀ ਉਤਪਾਦਾਂ ਦੀ ਅਮੀਰੀ ਅਤੇ ਵਿਭਿੰਨਤਾ ਨੂੰ ਪ੍ਰਦਰਸ਼ਤ ਕਰਦੇ ਹਨ, ਉਨ੍ਹਾਂ ਨੂੰ ਮਿਸ਼ਨਾਂ ਅਤੇ ਦੂਤਾਵਾਸਾਂ ਨਾਲ ਵੀ ਸਾਂਝਾ ਕੀਤਾ ਗਿਆ ਹੈ। ਜਿਨ੍ਹਾਂ ਮਿਸ਼ਨਾਂ ਅਤੇ ਦੂਤਾਵਾਸਾਂ ਨਾਲ ਸੰਪਰਕ ਕੀਤਾ ਗਿਆ, ਉਨ੍ਹਾਂ ਵਿੱਚੋਂ 42 ਜਮੈਕਾ, ਆਇਰਲੈਂਡ, ਤੁਰਕੀ, ਕੀਨੀਆ, ਮੰਗੋਲੀਆ, ਇਜ਼ਰਾਈਲ, ਫਿਨਲੈਂਡ, ਫ਼ਰਾਂਸ ਅਤੇ ਕਨੇਡਾ ਵਰਗੇ ਦੇਸ਼ਾਂ ਤੋਂ ਵਾਪਸ ਪਰਤ ਆਏ ਹਨ। ਟ੍ਰਾਈਫ਼ੈਡ ਕਾਰਨਰ ਦੇ ਲਈ ਆਦਿਵਾਸੀ ਉਤਪਾਦਾਂ ਦੇ ਪਹਿਲੇ ਸਮੂਹ ਨੂੰ ਭੇਜਣ ਦੀ ਪ੍ਰਕਿਰਿਆ ਵਿੱਚ ਹੈ।

ਦੱਬੇ-ਕੁਚਲੇ ਆਦਿਵਾਸੀ ਲੋਕਾਂ ਦੇ ਸਸ਼ਕਤੀਕਰਨ ਦੇ ਆਪਣੇ ਮਿਸ਼ਨ ਵਿੱਚ, ਭਾਰਤ ਭਰ ਵਿੱਚ ਆਪਣੇ ਭਾਈਚਾਰਿਆਂ ਦੀ ਆਰਥਿਕ ਭਲਾਈ ਨੂੰ ਉਤਸ਼ਾਹਤ ਕਰਕੇ (ਮਾਰਕੀਟਿੰਗ ਦੇ ਵਿਕਾਸ ਅਤੇ ਉਨ੍ਹਾਂ ਦੇ ਹੁਨਰਾਂ ਦੇ ਨਿਰੰਤਰ ਅਪਗ੍ਰੇਡ ਦੁਆਰਾ), ਟ੍ਰਾਈਫ਼ੈਡ ਆਪਣੇ ਟ੍ਰਾਈਬਸ ਇੰਡੀਆ ਨਾਮਕ ਰੀਟੇਲ ਆਉਟਲੇਟਸ ਦੇ ਨੈੱਟਵਰਕ ਦੁਆਰਾ ਆਦਿਵਾਸੀ ਕਲਾ ਅਤੇ ਸ਼ਿਲਪਕਾਰੀ ਵਸਤੂਆਂ ਦੀ ਖਰੀਦ ਅਤੇ ਮਾਰਕੀਟਿੰਗ ਕਰ ਰਿਹਾ ਹੈ। 1999 ਵਿੱਚ 9 ਮਹਾਦੇਵ ਰੋਡ, ਨਵੀਂ ਦਿੱਲੀ ਵਿਖੇ ਇੱਕ ਫਲੈਗਸ਼ਿਪ ਸਟੋਰ ਤੋਂ, ਹੁਣ ਪੂਰੇ ਭਾਰਤ ਵਿੱਚ 141 ਰੀਟੇਲ ਆਉਟਲੇਟਸ ਹਨ।

ਇਹ ਉਮੀਦ ਕੀਤੀ ਜਾਂਦੀ ਹੈ ਕਿ ਇਨ੍ਹਾਂ ਅਤਿਰਿਕਤ ਯਤਨਾਂ ਦੇ ਨਾਲ, ਇਨ੍ਹਾਂ ਵਿਲੱਖਣ ਕਬਾਇਲੀ ਉਤਪਾਦਾਂ ਨੂੰ ਅੰਤਰਰਾਸ਼ਟਰੀ ਅਤੇ ਰਾਸ਼ਟਰੀ ਬਾਜ਼ਾਰ ਮਿਲੇਗਾ ਅਤੇ “ਵੋਕਲ ਫਾਰ ਲੋਕਲ, ਖਰੀਦੋ ਕਬਾਇਲੀ” ਦੇ ਵਿਸ਼ਾਲ ਵਿਜ਼ਨ ਨੂੰ ਪ੍ਰਾਪਤ ਕੀਤਾ ਜਾ ਸਕਦਾ ਹੈ ਜੋ ਦੇਸ਼ ਦੇ ਆਦਿਵਾਸੀ ਲੋਕਾਂ ਦੀ ਸਥਾਈ ਆਮਦਨੀ ਪੈਦਾ ਕਰਨ ਅਤੇ ਰੁਜ਼ਗਾਰ ਦੇ ਖੇਤਰਾਂ ਵਿੱਚ ਸੱਚਮੁੱਚ ਪਰਿਵਰਤਨਸ਼ੀਲ ਸਿੱਧ ਹੋਵੇਗਾ। ਇਹ ਟ੍ਰਾਈਫ਼ੈਡ ਦੀ ਉਮੀਦ ਅਤੇ ਮਿਸ਼ਨ ਹੈ, ਅਸੀਂ ਟੀਮ ਟ੍ਰਾਈਫ਼ੈਡ ਵਜੋਂ ਭਾਰਤ ਦੇ 75 ਵੇਂ ਆਜ਼ਾਦੀ ਦਿਵਸ ’ਤੇ ਸਾਰਿਆਂ ਨੂੰ ਸ਼ੁਭਕਾਮਨਾਵਾਂ ਦਿੰਦੇ ਹਾਂ!

****

ਐੱਨਬੀ / ਐੱਸਕੇ