ਭਾਰਤ ਸਰਕਾਰ ਨੇ ਸਮੂਹਿਕ ਵਿਕਾਸ ਵਿੱਚ ਇੱਕ ਨਵਾਂ ਮਿਆਰ ਕਾਇਮ ਕੀਤਾ ਹੈ, ਜਿਸ ਦੇ ਬੁਨਿਆਦੀ ਅਸੂਲਾਂ ਨੂੰ  'ਅੰਨਤੋਦਿਆ' ਦੇ ਦੁਆਲੇ ਸਥਾਪਤ ਕੀਤਾ ਜਾ ਰਿਹਾ ਹੈ, ਜਿਸਦਾ ਮੁੱਖ ਫਲਸਫਾ 'ਸਬਕਾ ਸਾਥ, ਸਬਕਾ ਵਿਕਾਸ, ਸਬਕਾ ਵਿਸ਼ਵਾਸ,  ਸਬਕਾ ਪ੍ਰਯਾਸ' ਹੈ। ਔਰਤਾਂ ਦੇ ਸਸ਼ਕਤੀਕਰਨ ਅਤੇ ਉੱਦਮਤਾ ਨੂੰ ਉਤਸ਼ਾਹਤ ਕਰਨਾ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦੀ ਅਗਵਾਈ ਵਿੱਚ ਸਰਕਾਰ ਦੇ ਮੁੱਖ ਫ਼ੋਕਸ ਖੇਤਰ ਰਹੇ ਹਨ ਅਤੇ ਇਸ ਦਿਸ਼ਾ ਵਿੱਚ ਕਈ ਪਰਿਵਰਤਨਸ਼ੀਲ ਕਦਮ ਚੁੱਕੇ ਗਏ ਹਨ। ਇਨ੍ਹਾਂ ਵਿੱਚ ਗਰੀਬਾਂ ਨੂੰ ਵਿਆਜ ਰਹਿਤ ਕਰਜ਼ਾ ਦੇਣ ਦੀ ਮੁੱਦਰਾ ਯੋਜਨਾ, ਉੱਜਵਲਾ ਸਕੀਮ ਸ਼ਾਮਲ ਹੈ, ਜਿਸ ਦੇ ਤਹਿਤ ਔਰਤਾਂ ਨੂੰ ਧੂੰਏਂ ਵਿੱਚ ਖਾਣਾ ਪਕਾਉਣ ਤੋਂ ਰਾਹਤ ਮਿਲੀ; ਲੜਕੀਆਂ ਨੂੰ ਸਿੱਖਿਆ ਦੇਣ ਲਈ ਬੇਟੀ ਬਚਾਓ ਬੇਟੀ ਪੜ੍ਹਾਓ, ਔਰਤਾਂ ਨੂੰ ਸਨਮਾਨ ਦੇਣ ਲਈ ਤਿੰਨ ਤਲਾਕ ਨੂੰ ਖਤਮ ਕੀਤਾ ਗਿਆ।

ਸਟਾਰਟਅੱਪ ਇੰਡੀਆ ਅਤੇ ਇਨਵੈਸਟ ਇੰਡੀਆ ਪ੍ਰੋਗਰਾਮਾਂ ਰਾਹੀਂ ਸਟਾਰਟਅੱਪ ਅਤੇ ਉੱਦਮੀਆਂ ਨੂੰ ਉਤਸ਼ਾਹਿਤ ਕਰਨਾ ਸਰਕਾਰ ਦੇ ਮੁੱਖ ਖੇਤਰ ਰਹੇ ਹਨ। ਔਰਤਾਂ ਅੱਜ ਜੀਵਨ ਦੇ ਹਰ ਖੇਤਰ, ਓਲੰਪਿਕ ਵਿੱਚ ਤਗਮੇ ਜਿੱਤਣ ਤੋਂ ਲੈ ਕੇ ਤਕਨੀਕ ਅਧਾਰਤ ਨਵੀਨਤਾਕਾਰੀ ਹੱਲ ਬਣਾਉਣ ਵਿੱਚ ਮਿਸਾਲੀ ਤੌਰ 'ਤੇ ਮੋਹਰੀ ਹਨ। ਭਾਰਤੀ ਆਈਟੀ ਸੈਕਟਰ ਨੇ ਵੀ ਲਿੰਗ ਸਮਾਨਤਾ ਵਿੱਚ ਮੁੱਖ ਭੂਮਿਕਾ ਨਿਭਾਈ ਹੈ। ਨੈਸਕੌਮ ਦੇ ਅਨੁਮਾਨ ਅਨੁਸਾਰ, ਕੁੱਲ ਆਈਟੀ ਕਰਮਚਾਰੀਆਂ ਵਿੱਚੋਂ ~ 35 % ਔਰਤਾਂ ਹਨ। ਸੌਫਟਵੇਅਰ ਉਤਪਾਦਾਂ 'ਤੇ ਰਾਸ਼ਟਰੀ ਨੀਤੀ, 2019 ਦੇ ਤਹਿਤ, ਸਰਕਾਰ ਔਰਤਾਂ ਦੀ ਅਗਵਾਈ ਵਾਲੀ ਉੱਦਮਤਾ ਨੂੰ ਅੱਗੇ ਵਧਾਉਣ ਅਤੇ ਮਾਨਤਾ ਦਿਵਾਉਣ 'ਤੇ ਵਿਸ਼ੇਸ਼ ਜ਼ੋਰ ਦੇ ਰਹੀ ਹੈ।

ਇਸ ਵੱਲ, ਮੀਟੀ-ਨੈਸਕੌਮ ਵੁਮੈਨ ਸਟਾਰਟਅੱਪ ਉੱਦਮੀ ਪੁਰਸਕਾਰ ਵਿੱਚ ਉੱਦਮੀ ਭਾਵਨਾ ਨੂੰ ਪਛਾਣਨ ਅਤੇ ਉਸ ਨੂੰ ਵਿਕਸਤ ਕਰਨ ਦਾ ਪਹਿਲਾ ਕਦਮ ਹੈ ਅਤੇ ਔਰਤਾਂ ਦੀ ਅਗਲੀ ਪੀੜ੍ਹੀ ਨੂੰ ਭਾਰਤੀ ਡਿਜੀਟਲ ਯੁੱਗ ਦੀ ਅਗਵਾਈ ਕਰਨ ਲਈ ਪ੍ਰੇਰਿਤ ਕਰਦੀ ਹੈ ਤਾਂ ਜੋ ਮਾਰਗਦਰਸ਼ਕ ਰੋਲ ਮਾਡਲ ਵਜੋਂ ਸੇਵਾ ਕੀਤੀ ਜਾ ਸਕੇ;  ਉਨ੍ਹਾਂ ਉੱਨਤ ਉੱਦਮੀਆਂ ਨੂੰ ਉਤਸ਼ਾਹਿਤ ਕਰਨਾ ਜੋ ਨਾ ਸਿਰਫ ਦੇਸ਼ ਦੀ ਆਰਥਿਕਤਾ ਵਿੱਚ ਬਲਕਿ ਸਮਾਜਿਕ ਭਾਈਚਾਰੇ ਵਿੱਚ ਵੀ ਯੋਗਦਾਨ ਪਾਉਂਦੇ ਹਨ; ਅਤੇ ਲੀਡਰਸ਼ਿਪ ਪ੍ਰਦਾਨ ਕਰਨਾ ਅਤੇ ਉੱਭਰ ਰਹੇ ਅਤੇ ਨੌਜਵਾਨ ਭਵਿੱਖ ਦੇ ਉੱਦਮੀਆਂ ਲਈ ਮਾਰਗਦਰਸ਼ਕ ਉਦਾਹਰਣਾਂ ਵਜੋਂ ਕੰਮ ਕਰਨਾ ਹੈ।

ਇਨ੍ਹਾਂ ਪੁਰਸਕਾਰਾਂ ਦੇ ਨਤੀਜੇ 17 ਅਗਸਤ, 2021 ਨੂੰ 'ਆਜਾਦੀ ਕਾ ਅਮ੍ਰਿਤ ਮਹੋਤਸਵ' ਮਨਾਉਣ ਦੇ ਲਈ ਆਯੋਜਿਤ ਇੱਕ ਵਿਸ਼ੇਸ਼ ਸਮਾਗਮ ਵਿੱਚ ਘੋਸ਼ਿਤ ਕੀਤੇ ਗਏ ਸਨ। ਇਹ ਪੁਰਸਕਾਰ ਤਕਨੀਕੀ ਸਟਾਰਟਅੱਪ ਵਾਲੀਆਂ ਮਹਿਲਾ ਉੱਦਮੀਆਂ ਦੀ ਭਾਗੀਦਾਰੀ ਲਈ ਖੁੱਲ੍ਹੇ ਸਨ ਅਤੇ 159 ਅਰਜ਼ੀਆਂ ਦੀ ਪ੍ਰਾਪਤੀ ਦੇ ਨਾਲ ਦੇਸ਼ ਭਰ ਵਿੱਚ ਭਰਵਾਂ ਹੁੰਗਾਰਾ ਮਿਲਿਆ। ਉੱਦਮੀ ਯਾਤਰਾ, ਵਿੱਤੀ ਕਾਰਗੁਜ਼ਾਰੀ, ਰਣਨੀਤਕ ਦਿਸ਼ਾ, ਨਵੀਨਤਾ ਅਤੇ ਵਿਘਨ, ਬਾਜ਼ਾਰ ਵਿਕਾਸ, ਵਪਾਰਕ ਵਿਵਹਾਰਕਤਾ ਅਤੇ ਸਥਿਰਤਾ, ਕਾਰੋਬਾਰੀ ਮਾਡਲ ਸਕੇਲੇਬਿਲਟੀ, ਕਾਰਪੋਰੇਟ ਸਮਾਜਿਕ ਜ਼ਿੰਮੇਵਾਰੀ, ਉਤਪਾਦ, ਕਾਰੋਬਾਰ, ਮਾਰਕੀਟ ਅਤੇ ਟੈਕਨੋਲੋਜੀ ਉੱਤਮਤਾ ਦੇ ਅਧਾਰ 'ਤੇ ਵਿਸਥਾਰਤ ਵਿਚਾਰ-ਵਟਾਂਦਰੇ ਅਤੇ ਸਮੀਖਿਆ ਦੇ ਬਾਅਦ, ਇੱਕ ਉੱਘੀ ਜਿਊਰੀ, ਜਿਸ ਵਿੱਚ ਮੀਟੀ, ਯੂਐੱਨ ਵੁਮੈਨ,  ਸਨਅਤ ਅਤੇ ਅਕਾਦਮਿਕ ਦੇ ਨੇਤਾਵਾਂ ਨੇ 12 ਮਹਿਲਾ ਉੱਦਮੀਆਂ ਨੂੰ ਜੇਤੂ ਵਜੋਂ ਚੁਣਿਆ, ਜਦ ਕਿ 2 ਮਹਿਲਾ ਉੱਦਮੀਆਂ ਨੂੰ ਜਿਊਰੀ ਚੁਆਇਸ ਅਵਾਰਡੀ ਐਲਾਨਿਆ ਗਿਆ ਅਤੇ ਇੱਕ ਮਹਿਲਾ ਉੱਦਮੀ ਨੂੰ ਵਿਸ਼ੇਸ਼ ਜ਼ਿਕਰ ਵਜੋਂ ਸਨਮਾਨਿਤ ਕੀਤਾ ਗਿਆ। ਹਰੇਕ ਵਿਜੇਤਾ ਅਤੇ ਜਿਊਰੀ ਚੁਆਇਸ ਅਵਾਰਡੀ ਨੂੰ 2 ਲੱਖ ਰੁਪਏ ਦਾ ਇਨਾਮ ਦਿੱਤਾ ਗਿਆ।

ਸੌਫਟਵੇਅਰ ਦੀ ਵਰਤੋਂ ਕਰਦਿਆਂ ਇੱਕ ਵਿਲੱਖਣ ਅਧਾਰਤ ਕਾਰੋਬਾਰੀ ਪਹੁੰਚ ਮਾਡਲ ਵਿਕਸਤ ਕਰਨ ਤੋਂ ਲੈ ਕੇ, ਅਗਲੀ ਪੀੜ੍ਹੀ ਦੇ ਡਿਜੀਟਲ ਉਤਪਾਦਾਂ ਨੂੰ ਹਰ ਅਕਾਰ ਦੀਆਂ ਸੰਸਥਾਵਾਂ ਨੂੰ ਪ੍ਰਦਾਨ ਕਰਨ, ਏਆਰ/ਵੀਆਰ ਹੱਲ ਵਿਕਸਤ ਕਰਨ, ਵੇਸਟ ਸਟ੍ਰੀਮ ਨੂੰ ਸੰਭਾਲਣ ਤੱਕ, ਇਹ 15 ਚੈਂਪੀਅਨ ਔਰਤਾਂ ਲਈ ਇੱਕ ਨਵੀਂ ਪੀੜ੍ਹੀ ਦੇ ਰੋਲ ਮਾਡਲਾਂ ਦੀ ਸ਼ੁਰੂਆਤ ਕਰ ਰਹੇ ਹਨ ਜੋ ਕਿਸੇ ਤੋਂ ਪਿੱਛੇ ਨਹੀਂ ਹਨ, ਜਦੋਂ ਤਕਨੀਕੀ ਅਧਾਰਤ ਹੱਲਾਂ ਦੀ ਗੱਲ ਆਉਂਦੀ ਹੈ।

ਇਲੈਕਟ੍ਰੌਨਿਕਸ ਅਤੇ ਆਈਟੀ, ਸੰਚਾਰ ਅਤੇ ਰੇਲਵੇ ਮੰਤਰੀ, ਸ਼੍ਰੀ ਅਸ਼ਵਿਨੀ ਵੈਸ਼ਣਵ ਨੇ ਵਿਕਸਤ ਸ਼ਾਨਦਾਰ ਉਤਪਾਦਾਂ ਲਈ ਸਾਰੇ ਭਾਗੀਦਾਰਾਂ ਅਤੇ ਜੇਤੂਆਂ ਨੂੰ ਵਧਾਈ ਦਿੱਤੀ ਅਤੇ ਕਿਹਾ, "ਮੈਂ ਸਮਝਦਾ ਹਾਂ ਕਿ ਤੁਹਾਡੇ ਦੁਆਰਾ ਵਿਕਸਤ ਕੀਤੀਆਂ ਬਹੁਤ ਸਾਰੀਆਂ ਧਾਰਨਾਵਾਂ ਉਤਪਾਦ ਪੜਾਅ ਵਿੱਚ ਹਨ। ਮੈਨੂੰ ਲਗਦਾ ਹੈ ਕਿ ਇਹੀ ਸਫਲਤਾ ਦੀ ਅਸਲ ਨਿਸ਼ਾਨੀ ਹੈ। ਮੈਨੂੰ ਉਮੀਦ ਹੈ ਕਿ ਇਸ ਸਾਲ ਵੀ, ਅਸੀਂ ਵੇਖਾਂਗੇ ਕਿ ਬਹੁਤ ਸਾਰੇ ਭਾਗੀਦਾਰ ਆਪਣੇ ਸੰਕਲਪਾਂ ਨੂੰ ਉਤਪਾਦਾਂ ਵਿੱਚ ਬਦਲਦੇ ਹਨ। ਮੀਟੀ ਹਮੇਸ਼ਾ ਤੁਹਾਡਾ ਸਹਿਯੋਗੀ ਰਹੇਗਾ ਅਤੇ ਸਫਲ ਉੱਦਮੀ ਬਣਨ ਦੀ ਤੁਹਾਡੀ ਯਾਤਰਾ ਵਿੱਚ ਸਹਾਇਤਾ ਪ੍ਰਦਾਨ ਕਰੇਗਾ। ”

ਮਹਿਲਾ ਉਦਮੀਆਂ ਨੂੰ ਇੱਕ ਉਤਸ਼ਾਹ ਦਿੰਦੇ ਹੋਏ, 33 ਔਰਤਾਂ ਨੂੰ ਮੀਟੀ-ਨੈਸਕੌਮ ਟੈੱਕ ਮਹਿਲਾ ਉੱਦਮੀ ਐਕਸੇਲਰੇਟਰ ਪ੍ਰੋਗਰਾਮ ਲਈ ਵੀ ਚੁਣਿਆ ਗਿਆ ਹੈ ਤਾਂ ਜੋ ਉਨ੍ਹਾਂ ਨੂੰ ਨੈਟਵਰਕ, ਕਨੈਕਟਸ, ਸਿੱਖਣ ਅਤੇ ਸਰੋਤਾਂ ਤੱਕ ਪਹੁੰਚ ਦਿੱਤੀ ਜਾ ਸਕੇ, ਜੋ ਸਕੇਲੇਬਲ, ਲਾਭਦਾਇਕ ਅਤੇ ਵਿਸ਼ਵਵਿਆਪੀ ਕਾਰੋਬਾਰਾਂ ਦੇ ਨਿਰਮਾਣ ਲਈ ਲੋੜੀਂਦੇ ਹਨ।

ਨੈਸਕੌਮ ਦੀ ਪ੍ਰਧਾਨ, ਸ਼੍ਰੀਮਤੀ ਦੇਬਜਾਨੀ ਘੋਸ਼ ਨੇ ਕਿਹਾ, “ਵਿਗਿਆਨ, ਟੈਕਨੋਲੌਜੀ ਅਤੇ ਡਰਾਈਵ ਇਨੋਵੇਸ਼ਨ ਵਿੱਚ ਔਰਤਾਂ ਨੂੰ ਵੇਖਣ ਤੋਂ ਜ਼ਿਆਦਾ ਸ਼ਕਤੀਸ਼ਾਲੀ ਅਤੇ ਆਕਰਸ਼ਕ ਹੋਰ ਕੁਝ ਨਹੀਂ ਹੈ। ਜੇ ਮਹਾਮਾਰੀ ਲਈ ਉਮੀਦ ਦੀ ਕਿਰਨ ਹੈ, ਇਸਨੇ ਸਾਨੂੰ ਉਹ ਪਲ ਦਿੱਤਾ ਹੈ ਅਤੇ ਇਸ ਬਾਰੇ ਸੋਚਣ ਦਾ ਮੌਕਾ ਦਿੱਤਾ ਹੈ ਕਿ ਅਸੀਂ ਭਵਿੱਖ ਨੂੰ ਕਿਵੇਂ ਬਣਾਉਣਾ ਚਾਹੁੰਦੇ ਹਾਂ। ਮੈਨੂੰ ਲਗਦਾ ਹੈ ਕਿ ਸਾਡੇ ਕੋਲ ਇਹ ਸੋਚਣ ਦਾ ਇੱਕ ਸ਼ਾਨਦਾਰ ਮੌਕਾ ਹੈ ਕਿ ਜਦੋਂ ਅਸੀਂ ਦੁਬਾਰਾ ਬਣਾਉਂਦੇ ਹਾਂ ਤਾਂ ਸਾਨੂੰ ਕੀ ਬਦਲਣ ਦੀ ਜ਼ਰੂਰਤ ਹੈ। ਸਮਰੱਥਾਵਾਂ ਹਨ ਅਤੇ ਟੈਕਨੋਲੌਜੀ ਸਾਨੂੰ ਸਭ ਤੋਂ ਵੱਡੀਆਂ ਸਮੱਸਿਆਵਾਂ ਨੂੰ ਹੱਲ ਕਰਨ ਦੇ ਯੋਗ ਬਣਾਉਂਦੀ ਹੈ। ਸਾਨੂੰ ਪੁਰਸ਼ਾਂ ਅਤੇ ਔਰਤਾਂ ਨੂੰ ਮਿਲ ਕੇ ਕੰਮ ਕਰਨ ਅਤੇ ਸੱਚਮੁੱਚ ਸੰਮਲਿਤ ਭਵਿੱਖ ਬਣਾਉਣ ਦੀ ਜ਼ਰੂਰਤ ਹੈ। ”

ਆਜ਼ਾਦੀ ਦੇ ਅੰਮ੍ਰਿਤ ਮਹੋਤਸਵ ਦੇ ਇਸ ਵਿਸ਼ੇਸ਼ ਮੌਕੇ 'ਤੇ, ਭਾਰਤ ਦੀ ਆਜ਼ਾਦੀ ਦੇ 75ਵੇਂ ਸਾਲ, ਇਲੈਕਟ੍ਰੌਨਿਕਸ ਅਤੇ ਸੂਚਨਾ ਟੈਕਨੋਲੋਜੀ ਮੰਤਰਾਲੇ ਦੇ ਅਧੀਨ ਮਾਈਗੋਵ, ਅਤੇ ਸੰਯੁਕਤ ਰਾਸ਼ਟਰ ਮਹਿਲਾ ਨੇ ਸਾਂਝੇ ਤੌਰ 'ਤੇ ਮਹਿਲਾ ਉਦਮੀਆਂ ਦੁਆਰਾ ਵਿਕਸਤ ਟੈਕਨੋਲੋਜੀ ਹੱਲਾਂ ਨੂੰ ਉਤਸ਼ਾਹਤ ਕਰਨ ਲਈ, ਅਮ੍ਰਿਤ ਮਹੋਤਸਵ ਸ਼੍ਰੀ ਸ਼ਕਤੀ ਇਨੋਵੇਸ਼ਨ ਚੈਲੇਂਜ 2021 ਦੀ ਸ਼ੁਰੂਆਤ ਕੀਤੀ, ਜੋ ਔਰਤਾਂ ਦੀ ਸੁਰੱਖਿਆ ਅਤੇ ਸ਼ਕਤੀਕਰਨ ਦੀ ਸਹੂਲਤ ਦਿੰਦਾ ਹੈ। ਇਸ ਚੈਲੇਂਜ ਦਾ ਉਦੇਸ਼ 'ਨਾਰੀ ਸ਼ਕਤੀਕਰਨ' ਹੈ,  ਔਰਤਾਂ ਨੂੰ ਉਨ੍ਹਾਂ ਦੀ ਪੂਰੀ ਸਮਰੱਥਾ ਪ੍ਰਾਪਤ ਕਰਨ ਵਿੱਚ ਸਹਾਇਤਾ ਕਰਨ ਲਈ ਉਨ੍ਹਾਂ ਨੂੰ ਸਮਰੱਥ ਬਣਾਉਣਾ ਹੈ।

ਸਬੂਤ ਦਰਸਾਉਂਦੇ ਹਨ ਕਿ ਸਸ਼ਕਤੀਕਰਨ ਅਤੇ ਵਿਕਾਸ ਵਿੱਚ ਸਭ ਤੋਂ ਵੱਡੀ ਰੁਕਾਵਟ ਔਰਤਾਂ ਵਲੋਂ ਲਗਭਗ ਸਾਰੀਆਂ ਥਾਵਾਂ ਪ੍ਰਾਈਵੇਟ, ਜਨਤਕ, ਕੰਮਕਾਜ ਸਥਾਨਾਂ ਅਤੇ ਸਾਈਬਰ 'ਤੇ ਮਹਿਸੂਸ ਕੀਤੀ ਹਿੰਸਾ ਹੈ। ਅਮ੍ਰਿਤ ਮਹੋਤਸਵ ਸ਼੍ਰੀ ਸ਼ਕਤੀ ਚੈਲੇਂਜ 2021 ਔਰਤਾਂ ਦੀ ਸੁਰੱਖਿਆ ਅਤੇ ਸ਼ਕਤੀਕਰਨ ਲਈ ਟੈਕਨੋਲੋਜੀ ਹੱਲ ਲੱਭਣ ਲਈ ਮਹਿਲਾ ਉਦਮੀਆਂ ਅਤੇ ਔਰਤਾਂ ਦੀ ਅਗਵਾਈ ਵਾਲੇ ਸਟਾਰਟ-ਅੱਪ ਨੂੰ ਸਮਰਥਨ ਅਤੇ ਉਤਸ਼ਾਹਤ ਕਰੇਗਾ।

ਉੱਦਮੀਆਂ ਨੂੰ ਚੁਣੌਤੀ ਵਿੱਚ ਹਿੱਸਾ ਲੈਣ ਲਈ ਉਤਸ਼ਾਹਿਤ ਕਰਦੇ ਹੋਏ, ਮਾਣਯੋਗ ਮੰਤਰੀ, ਇਲੈਕਟ੍ਰੌਨਿਕਸ ਅਤੇ ਆਈਟੀ, ਸੰਚਾਰ ਅਤੇ ਰੇਲਵੇ ਸ਼੍ਰੀ ਅਸ਼ਵਿਨੀ ਵੈਸ਼ਣਵ ਨੇ ਕਿਹਾ, “ਸਰਕਾਰ ਸ਼ੁਰੂਆਤੀ ਜੋਖਮ ਦੇ ਪੜਾਅ ਵਿੱਚ ਸਭ ਤੋਂ ਮੁਸ਼ਕਲ ਪੜਾਅ ਵਿੱਚ, ਸਟਾਰਟਅੱਪ ਅਤੇ ਉੱਦਮੀਆਂ ਦੀ ਸਹਾਇਤਾ ਕਰੇਗੀ। 100 ਵਿੱਚੋਂ, ਭਾਵੇਂ 20 ਉੱਦਮੀ ਅਗਲੇ ਪੱਧਰ ਤੱਕ ਵਧਦੇ ਹਨ, ਇਹ ਦੇਸ਼ ਲਈ ਇੱਕ ਮਹਾਨ ਯਾਤਰਾ ਹੋਵੇਗੀ ਅਤੇ ਅਸੀਂ ਲੱਖਾਂ ਹੋਰ ਫੁੱਲਾਂ ਦੇ ਖਿੜਣ, ਇੱਕ ਲੱਖ ਹੋਰ ਉੱਦਮੀ ਹੋਰ ਨੌਕਰੀਆਂ ਪੈਦਾ ਕਰਨ, ਆਪਣੀ ਪਛਾਣ ਬਣਾਉਣ ਲਈ ਦੇਖ ਰਹੇ ਹਾਂ। ”

ਮੀਟੀ ਦੇ ਸਕੱਤਰ, ਸ਼੍ਰੀ ਅਜੈ ਸਾਹਨੀ ਨੇ ਕਿਹਾ, “ਔਰਤਾਂ ਵਿੱਚ ਇੱਕ ਵਿਸ਼ੇਸ਼ ਸੂਝ ਹੁੰਦੀ ਹੈ ਕਿ ਉਹ ਕੀ ਕੰਮ ਕਰ ਸਕਦੀ ਹੈ। ਉਹ ਕਿਤੇ ਜ਼ਿਆਦਾ ਕੇਂਦ੍ਰਿਤ ਹਨ ਅਤੇ ਮਲਟੀਟਾਸਕਿੰਗ ਉਨ੍ਹਾਂ ਲਈ ਕੁਦਰਤੀ ਤੌਰ 'ਤੇ ਹੁੰਦੀ ਹੈ। ਇਹ ਦੇਖ ਕੇ ਖੁਸ਼ੀ ਹੁੰਦੀ ਹੈ ਕਿ ਅੰਮ੍ਰਿਤ ਮਹੋਤਸਵ ਸ਼੍ਰੀ ਸ਼ਕਤੀ ਚੈਲੇਂਜ 2021 ਔਰਤਾਂ ਦੀ ਸੁਰੱਖਿਆ ਅਤੇ ਸਸ਼ਕਤੀਕਰਨ ਦੇ ਤਕਨੀਕੀ ਸਮਾਧਾਨਾਂ 'ਤੇ ਧਿਆਨ ਕੇਂਦਰਤ ਕਰ ਰਿਹਾ ਹੈ। ਇਹ ਬਹੁਤ ਮਹੱਤਵਪੂਰਨ ਹੈ ਕਿਉਂਕਿ ਔਰਤਾਂ ਨੂੰ ਪਤਾ ਹੋਵੇਗਾ ਕਿ ਸਮੱਸਿਆ ਕੀ ਹੈ ਅਤੇ ਇੱਕ ਸਮਰੱਥਕਰਤਾ ਦੇ ਰੂਪ ਵਿੱਚ ਟੈਕਨੋਲੋਜੀ ਦੇ ਨਾਲ ਸਮੱਸਿਆ ਦਾ ਹੱਲ ਕਰੇਗੀ। ”

ਮਾਈਗੋਵ ਪਲੇਟਫਾਰਮ 'ਤੇ ਆਯੋਜਿਤ, 'ਅਮ੍ਰਿਤ ਮਹੋਤਸਵ ਸ਼੍ਰੀ ਸ਼ਕਤੀ ਚੈਲੇਂਜ 2021' 17 ਸਤੰਬਰ, 2021 ਤੱਕ ਇੰਦਰਾਜ਼ਾਂ ਨੂੰ ਸਵੀਕਾਰ ਕਰੇਗਾ। 10 ਨਾਮਜ਼ਦ ਵਿਅਕਤੀਆਂ ਨੂੰ ਇੱਕ ਮੈਂਟਰਸ਼ਿੱਪ ਪ੍ਰੋਗਰਾਮ ਰਾਹੀਂ ਸ਼ਾਰਟਲਿਸਟ ਕੀਤਾ ਜਾਵੇਗਾ ਅਤੇ ਸਮਰਥਨ ਕੀਤਾ ਜਾਵੇਗਾ ਅਤੇ ਹਰੇਕ ਨਾਮਜ਼ਦ ਵਿਅਕਤੀ ਨੂੰ ਉਨ੍ਹਾਂ ਦੇ ਵਿਚਾਰਾਂ ਦੀ ਧਾਰਨਾ ਦਾ ਪਰੂਫ ਆਫ ਕੰਨਸੈਪਟ ਕਰਨ ਲਈ 1,00,000 ਰੁਪਏ ਦੀ ਗ੍ਰਾਂਟ ਦਿੱਤੀ ਜਾਵੇਗੀ। ਇੱਕ ਸਖਤ ਸਕ੍ਰੀਨਿੰਗ ਪ੍ਰਕਿਰਿਆ ਦੇ ਬਾਅਦ, ਨਵੰਬਰ 2021 ਵਿੱਚ ਇੱਕ ਜਿਊਰੀ ਵਲੋਂ ਪੰਜ ਜੇਤੂਆਂ ਦੀ ਚੋਣ ਕੀਤੀ ਜਾਵੇਗੀ। ਜੇਤੂਆਂ ਨੂੰ ਉਨ੍ਹਾਂ ਦੇ ਹੱਲ ਵਿਕਸਤ ਕਰਨ, ਮਾਰਕੀਟ ਕਰਨ ਅਤੇ ਲਾਗੂ ਕਰਨ ਲਈ ਹਰੇਕ ਨੂੰ 5,00,000 ਰੁਪਏ ਦਾ ਇਨਾਮ ਦਿੱਤਾ ਜਾਵੇਗਾ।

ਭਾਰਤ ਵਿੱਚ ਸੰਯੁਕਤ ਰਾਸ਼ਟਰ ਦੀ ਮਹਿਲਾ ਪ੍ਰਤੀਨਿਧੀ ਸੁਜ਼ਨ ਫਰਗੂਸਨ ਨੇ ਕਿਹਾ, “ਸ਼੍ਰੀ ਸ਼ਕਤੀ ਚੈਲੇਂਜ ਔਰਤਾਂ ਦੀ ਅਗਵਾਈ ਵਾਲੇ ਸਮਾਧਾਨਾਂ ਨੂੰ ਉਤਸ਼ਾਹਤ ਕਰਨ ਲਈ ਇੱਕ ਬਹੁਤ ਹੀ ਲੋੜੀਂਦਾ ਪਲੇਟਫਾਰਮ ਪ੍ਰਦਾਨ ਕਰਦਾ ਹੈ ਜੋ ਔਰਤਾਂ ਦੀ ਸੁਰੱਖਿਆ ਵਿੱਚ ਸੁਧਾਰ ਕਰ ਸਕਦਾ ਹੈ, ਆਰਥਿਕ ਲਾਭ ਪ੍ਰਾਪਤ ਕਰ ਸਕਦਾ ਹੈ ਅਤੇ ਹਜ਼ਾਰਾਂ ਹੋਰ ਔਰਤਾਂ ਨੂੰ ਲਾਭ ਪਹੁੰਚਾ ਸਕਦਾ ਹੈ ਜਿਵੇਂ ਕਿ ਅਸੀਂ ਕੋਵਿਡ -19 ਤੋਂ ਵਾਪਸ ਆ ਰਹੇ ਹਾਂ।”

“ਅਮ੍ਰਿਤ ਮਹੋਤਸਵ ਸ਼੍ਰੀ ਸ਼ਕਤੀ ਇਨੋਵੇਸ਼ਨ ਚੈਲੇਂਜ ਇੱਕ ਪਲੇਟਫਾਰਮ ਹੈ, ਜਿੱਥੇ ਮਹਿਲਾ ਤਕਨੀਕੀ ਉੱਦਮੀ ਅਤੇ ਸਟਾਰਟ-ਅੱਪ ਔਰਤਾਂ ਦੁਆਰਾ ਤਿਆਰ ਕੀਤੇ ਆਪਣੇ ਉਤਪਾਦਾਂ ਦਾ ਪ੍ਰਦਰਸ਼ਨ ਕਰ ਸਕਦੀਆਂ ਹਨ। ਮਾਈਗੌਵ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ, ਸ਼੍ਰੀ ਅਭਿਸ਼ੇਕ ਸਿੰਘ ਨੇ ਕਿਹਾ ਕਿ ਇਹ ਚੈਲੇਂਜ ਔਰਤਾਂ ਦੀ ਸੁਰੱਖਿਆ ਅਤੇ ਸ਼ਕਤੀਕਰਨ ਨਾਲ ਜੁੜੇ ਨਵੀਨਤਾਕਾਰੀ ਹੱਲ ਪੇਸ਼ ਕਰੇਗਾ।”

2020 ਵਿੱਚ ਆਯੋਜਿਤ ਕੀਤੇ ਗਏ ਪਹਿਲੇ ਸ਼੍ਰੀ ਸ਼ਕਤੀ ਚੈਲੇਂਜ ਨੂੰ ਭਰਪੂਰ ਹੁੰਗਾਰਾ ਮਿਲਿਆ, ਜਿਸ ਵਿੱਚ ਦੇਸ਼ ਭਰ ਦੀਆਂ ਮਹਿਲਾ ਉਦਮੀਆਂ, ਵਿਗਿਆਨੀਆਂ ਅਤੇ ਪਰਿਵਰਤਨ ਨਿਰਮਾਤਾਵਾਂ ਸਮੇਤ ਕੁੱਲ 1,265 ਐਂਟਰੀਆਂ ਅਤੇ 10 ਫਾਈਨਲਿਸਟ ਸ਼ਾਮਲ ਸਨ, ਜਿਨ੍ਹਾਂ ਨੇ ਕੋਵਿਡ -19 ਨਾਲ ਨਜਿੱਠਣ ਲਈ ਨਵੀਨਤਾਕਾਰੀ ਹੱਲ ਪੇਸ਼ ਕੀਤੇ ਸਨ।

ਭਾਰਤ ਸਰਕਾਰ ਨੇ ਆਪਣੀ ਪਹਿਲ ਆਜਾਦੀ ਕਾ ਅੰਮ੍ਰਿਤ ਮਹੋਤਸਵ ਦੁਆਰਾ ਪ੍ਰਗਤੀਸ਼ੀਲ ਭਾਰਤ ਦੇ 75 ਸਾਲਾਂ ਅਤੇ ਇਸਦੇ ਲੋਕਾਂ, ਸੱਭਿਆਚਾਰ ਅਤੇ ਪ੍ਰਾਪਤੀਆਂ ਦੇ ਸ਼ਾਨਦਾਰ ਇਤਿਹਾਸ ਦਾ ਜਸ਼ਨ ਮਨਾਉਣਾ ਸ਼ੁਰੂ ਕੀਤਾ ਹੈ, ਜੋ ਕਿ ਭਾਰਤ ਦੇ ਲੋਕਾਂ ਨੂੰ ਸਮਰਪਿਤ ਹੈ, ਜਿਨ੍ਹਾਂ ਨੇ ਨਾ ਸਿਰਫ ਭਾਰਤ ਲਿਆਉਣ ਵਿੱਚ ਸਹਾਇਤਾ ਕੀਤੀ ਹੈ ਬਲਕਿ ਆਪਣੀ ਵਿਕਾਸਵਾਦੀ ਯਾਤਰਾ ਵਿੱਚ ਬਹੁਤ ਦੂਰ, ਆਤਮਨਿਰਭਰ ਭਾਰਤ ਦੀ ਭਾਵਨਾ ਦੁਆਰਾ ਪ੍ਰੇਰਿਤ ਪ੍ਰਧਾਨ ਮੰਤਰੀ ਮੋਦੀ ਦੇ ਭਾਰਤ 2.0 ਨੂੰ ਸਰਗਰਮ ਕਰਨ ਦੇ ਦ੍ਰਿਸ਼ਟੀਕੋਣ ਨੂੰ ਸਮਰੱਥ ਕਰਨ ਦੀ ਸ਼ਕਤੀ ਅਤੇ ਸਮਰੱਥਾ ਹੈ।

ਅਜ਼ਾਦੀ ਕਾ ਅਮ੍ਰਿਤ ਮਹੋਤਸਵ ਭਾਰਤ ਦੀ ਸਮਾਜਿਕ-ਸੱਭਿਆਚਾਰਕ, ਰਾਜਨੀਤਿਕ ਅਤੇ ਆਰਥਿਕ ਪਛਾਣ ਬਾਰੇ ਪ੍ਰਗਤੀਸ਼ੀਲ ਹਰ ਚੀਜ਼ ਦਾ ਪ੍ਰਤੀਕ ਹੈ। ਵਧ ਰਹੇ ਮੌਕਿਆਂ ਦੇ ਨਾਲ, ਔਰਤਾਂ ਦੀ ਵਧਦੀ ਗਿਣਤੀ ਕਾਰਪੋਰੇਟ ਜੀਵਨ ਤੋਂ ਵੱਖ ਹੋ ਰਹੀ ਹੈ ਅਤੇ ਉੱਦਮੀ ਕਾਰਜਕਾਲਾਂ ਦੇ ਬਦਲ ਵਜੋਂ ਉੱਦਮੀ ਕਰੀਅਰ ਨੂੰ ਅਪਣਾ ਰਹੀ ਹੈ। ਬਹੁਤੇ ਦੇਸ਼ ਕਿਸੇ ਵੀ ਦੇਸ਼ ਦੇ ਆਰਥਿਕ ਵਿਕਾਸ ਵਿੱਚ ਮਹਿਲਾ ਉੱਦਮੀਆਂ ਦੇ ਸੰਭਾਵੀ ਯੋਗਦਾਨ ਨੂੰ ਸਮਝਦੇ ਹਨ। ਔਰਤਾਂ ਉੱਦਮੀ ਵਜੋਂ, ਇੱਕ ਨਵਾਂ ਕਾਰਪੋਰੇਟ ਸੱਭਿਆਚਾਰ ਲਚਕਦਾਰ ਸਮਾਂ,  ਕੰਮ  ਦੀ ਸਾਂਝ, ਸਹਿ-ਕਾਰਜਕਾਰੀ, ਦੂਰੀ ਤੇ ਕੰਮ ਕਰਨ ਆਦਿ ਵੱਲ ਧਿਆਨ ਦੇ ਨਾਲ ਅਮਲ ਵਿੱਚ ਲਿਆਉਂਦੀਆਂ ਹਨ ਅਤੇ ਉਨ੍ਹਾਂ ਵਿੱਚ ਸਫਲਤਾ ਲਈ ਲਗਨ ਅਤੇ ਦ੍ਰਿੜ ਇਰਾਦਾ ਹੈ।

ਅਮ੍ਰਿਤ ਮਹੋਤਸਵ ਸ਼੍ਰੀ ਸ਼ਕਤੀ ਚੈਲੇਂਜ 2021 ਨੂੰ ਮਲਟੀ-ਪਾਰਟਨਰ ਟਰੱਸਟ ਫੰਡ (ਕੋਵਿਡ -19) ਪ੍ਰੋਗਰਾਮ ਅਧੀਨ ਲਾਗੂ ਕੀਤਾ ਜਾ ਰਿਹਾ ਹੈ। ਵਧੇਰੇ ਜਾਣਕਾਰੀ, ਰਜਿਸਟ੍ਰੇਸ਼ਨ ਵੇਰਵੇ ਅਤੇ ਅਰਜ਼ੀ ਦਿਸ਼ਾ ਨਿਰਦੇਸ਼ਾਂ ਲਈ, 17 ਅਗਸਤ 2021 ਤੋਂ  https://innovateindia.mygov.in/amrit-mahotsav-shri-shakti-challenge-2021/  'ਤੇ ਮਾਈਗੌਵ 'ਤੇ ਜਾਉ।

ਮੀਟੀ-ਨੈਸਕੌਮ ਤਕਨੀਕ ਲਈ ਜੇਤੂਆਂ, ਜਿਊਰੀ ਚੋਣ ਪੁਰਸਕਾਰ ਅਤੇ ਮਹਿਲਾ ਉੱਦਮੀਆਂ ਦੀ ਸੂਚੀ ਔਰਤਾਂ ਦੇ ਉੱਦਮੀ ਪ੍ਰਵੇਗਕ ਪ੍ਰੋਗਰਾਮ ਨੂੰ ਅਨੁਬੰਧ - I, https://static.pib.gov.in/WriteReadData/specificdocs/documents/2021/aug/doc202181711.pdf

  ਅਨੁਬੰਧ- II 

https://static.pib.gov.in/WriteReadData/specificdocs/documents/2021/aug/doc202181721.pdf

ਅਤੇ ਅਨੁਬੰਧ-III

https://static.pib.gov.in/WriteReadData/specificdocs/documents/2021/aug/doc202181731.pdf

 ਵਿੱਚ ਰੱਖਿਆ ਗਿਆ ਹੈ।

***

ਆਰਕੇਜੇ/ਐੱਮ