ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਅਗਵਾਈ ਤਹਿਤ ਭਾਰਤ ਸਰਕਾਰ ਕੋਵਿਡ 19 ਟੀਕਿਆਂ ਦੇ ਪ੍ਰਸ਼ਾਸਨ , ਸਪਲਾਈ ਅਤੇ ਉਤਪਾਦਨ ਦੇ ਸੁਧਾਰ ਲਈ ਅਣਥੱਕ ਅਤੇ ਲਗਾਤਾਰ ਕੰਮ ਕਰ ਰਹੀ ਹੈ । ਟੀਕਾਕਰਣ ਨੂੰ ਤੇਜ਼ ਕਰਨ ਲਈ ਇੱਕ ਹੋਰ ਮਹੱਤਵਪੂਰਨ ਪਹਿਲਕਦਮੀ ਕਰਦਿਆਂ ਕੇਂਦਰੀ ਸਿਹਤ ਤੇ ਪਰਿਵਾਰ ਭਲਾਈ ਮੰਤਰਾਲਾ (ਐੱਮ ਓ ਐੱਚ ਐੱਫ ਡਬਲਯੁ) ਨੇ ਟੈਸਟਿੰਗ ਲਈ ਇੱਕ ਹੋਰ ਲੈਬਾਰਟਰੀ ਦੀ ਪ੍ਰਵਾਨਗੀ ਅਤੇ ਕੋਵਿਡ 19 ਟੀਕਿਆਂ ਦੇ ਲਾਟ ਜਾਰੀ ਕਰਨ ਲਈ ਪ੍ਰਵਾਨਗੀ ਦਿੱਤੀ ਹੈ ।
ਸਿਹਤ ਤੇ ਪਰਿਵਾਰ ਭਲਾਈ ਮੰਤਰਾਲਾ ਨੇ ਨੈਸ਼ਨਲ ਇੰਸਟੀਚਿਊਟ ਆਫ ਐਨੀਮਲ ਬਾਇਓ ਟੈਕਨੋਲੋਜੀ (ਐੱਨ ਆਈ ਏ ਬੀ) ਨੂੰ ਕੋਵਿਡ 19 ਟੀਕਿਆਂ ਦੇ ਲਾਟ ਜਾਰੀ ਕਰਨ ਅਤੇ ਟੈਸਟ ਕਰਨ ਲਈ ਕੇਂਦਰੀ ਡਰੱਗ ਲੈਬਾਰਟਰੀ ਵਜੋਂ ਅਧਿਕਾਰਤ ਕੀਤਾ ਹੈ । 
ਭਾਰਤ ਵਿੱਚ ਕੋਵਿਡ 19 ਟੀਕਾਕਰਣ ਵੰਡ ਦੇ ਵੱਖ ਵੱਖ ਪਹਿਲੂਆਂ ਤੇ ਵਿਚਾਰ ਵਟਾਂਦਰਾ ਕਰਨ ਲਈ ਕੈਬਨਿਟ ਸਕੱਤਰ ਦੀ ਪ੍ਰਧਾਨਗੀ ਹੇਠ 11 ਨਵੰਬਰ 2020 ਨੂੰ ਇੱਕ ਮੀਟਿੰਗ ਆਯੋਜਿਤ ਕੀਤੀ ਗਈ ਸੀ । ਮੀਟਿੰਗ ਵਿੱਚ ਮੰਤਰਾਲਿਆਂ ਅਤੇ ਵਿਭਾਗਾਂ ਜਿਵੇਂ ਡਿਪਾਰਟਮੈਂਟ ਆਫ ਬਾਇਓ ਤਕਨਾਲੋਜੀ (ਡੀ ਬੀ ਟੀ) , ਵਿਗਿਆਨ ਤੇ ਤਕਨਾਲੋਜੀ ਵਿਭਾਗ (ਡੀ ਐੱਸ ਟੀ) ਅਤੇ ਵਿਗਿਆਨਕ ਤੇ ਉਦਯੋਗਿਕ ਖੋਜ ਕੌਂਸਲ (ਸੀ ਐੱਸ ਆਈ ਆਰ) ਨੂੰ ਆਖਿਆ ਗਿਆ ਸੀ ਕਿ ਉਹ ਸਿਹਤ ਮੰਤਰਾਲੇ ਨੂੰ ਅਜਿਹੀਆਂ ਲੈਬਾਰਟਰੀਆਂ ਬਾਰੇ ਦੱਸਣ ਜਿਹਨਾਂ ਨੂੰ ਸੀ ਡੀ ਐੱਲ ਵਜੋਂ ਵਰਤਣ ਲਈ ਬਦਲਿਆ ਜਾ ਸਕਦਾ ਹੈ ।
ਪੂਰੇ ਵਿਚਾਰ ਵਟਾਂਦਰੇ ਤੋਂ ਬਾਅਦ ਡੀ ਬੀ ਟੀ ਨੇ ਦੋ ਲੈਬਾਰਟਰੀਆਂ — ਐੱਨ ਆਈ ਏ ਬੀ ਅਤੇ ਨੈਸ਼ਨਲ ਸੈਂਟਰ ਫਾਰ ਸੈੱਲ ਸਾਇੰਸੇਜ਼ (ਐੱਨ ਸੀ ਸੀ ਐੱਸ) , ਪੁਨੇ ਨੂੰ ਇਸ ਮਕਸਦ ਲਈ ਤਜਵੀਜ਼ ਕੀਤਾ ਸੀ । ਪ੍ਰਧਾਨ ਮੰਤਰੀ ਕੇਅਰਜ਼ ਫੰਡ ਟਰਸਟ (ਪੀ ਐੱਮ ਕੇਅਰਜ਼) ਅਲਾਟ ਕੀਤੇ ਗਏ ਫੰਡਾਂ ਨਾਲ ਇਹਨਾਂ ਦੋਹਾਂ ਲੈਬਾਰਟਰੀਆਂ ਨੂੰ ਅਪਗ੍ਰੇਡ ਕੀਤਾ ਗਿਆ ਸੀ ।
ਸੈਂਟਰਲ ਡਰੱਗਸ ਸਟੈਂਡਰਡ ਕੰਟਰੋਲ ਆਰਗਨਾਈਜੇਸ਼ਨ (ਸੀ ਡੀ ਐੱਸ ਸੀ ਓ) ਨੇ ਕੇਂਦਰੀ ਸਿਹਤ ਮੰਤਰਾਲੇ ਨੂੰ ਇੱਕ ਮਸੌਦਾ ਨੋਟੀਫਿਕੇਸ਼ਨ ਦਿੱਤਾ ਹੈ ਤਾਂ ਜੋ ਐੱਨ ਆਈ ਏ ਬੀ ਹੈਦਰਾਬਾਦ ਨੂੰ ਸੀ ਡੀ ਐੱਲ ਲੈਬਾਰਟਰੀ ਵਜੋਂ ਨੋਟੀਫਾਈ ਕੀਤਾ ਜਾ ਸਕੇ । ਇਸ ਤੇ ਕਾਰਵਾਈ ਕਰਦਿਆਂ ਕੇਂਦਰੀ ਸਿਹਤ ਮੰਤਰਾਲੇ ਨੇ ਐੱਨ ਆਈ ਏ ਬੀ ਹੈਦਰਾਬਾਦ ਨੂੰ ਸੀ ਡੀ ਐੱਲ ਲੈਬਾਰਟਰੀ ਵਜੋਂ ਹੁਣ ਨੋਟੀਫਾਈ ਕਰ ਦਿੱਤਾ ਹੈ ।
ਇੱਥੇ ਇਹ ਦੱਸਣਾ ਵੀ ਜ਼ਰੂਰੀ ਹੈ ਕਿ ਐੱਨ ਸੀ ਸੀ ਐੱਸ ਪੁਨੇ ਪਹਿਲਾਂ ਹੀ ਐੱਮ ਓ ਐੱਚ ਐੱਫ ਡਬਲਯੁ ਦੁਆਰਾ ਜੂਨ 28, 2021 ਨੂੰ ਸੀ ਡੀ ਐੱਲ ਲੈਬਾਰਟਰੀ ਵਜੋਂ ਨੋਟੀਫਾਈ ਕੀਤੀ ਜਾ ਚੁੱਕੀ ਹੈ ।
ਇਹਨਾਂ ਦੋਹਾਂ ਲੈਬਾਰਟਰੀਆਂ ਦੇ ਸੀ ਡੀ ਐੱਲ ਲੈਬਾਰਟਰੀਆਂ ਵਜੋਂ ਨੋਟੀਫਾਈ ਹੋਣ ਨਾਲ ਵੈਕਸੀਨ ਉਤਪਾਦਨ ਵਿੱਚ ਸੁਧਾਰ ਆਵੇਗਾ ਅਤੇ ਅੰਤ ਇਹ ਵੈਕਸੀਨੇਸ਼ਨ ਮੁਹਿੰਮ ਨੂੰ ਮਜ਼ਬੂਤ ਕਰਨਗੀਆਂ ।
 

*****************

ਐੱਮ ਵੀ / ਏ ਐੱਲ
ਐੱਚ ਐੱਫ ਡਬਲਯੁ / ਐੱਚ ਐੱਫ ਐੱਮ — ਐੱਨ ਆਈ ਏ ਬੀ / 16 ਅਗਸਤ 2021 / 4