কোবিদ-১৯ ভেক্সিনশিং হেন্না পুথোক্নবা, সপ্লাই তৌনবা অমসুং নিংথিনা শিজিন্ননবা প্রধান মন্ত্রী নরেন্দ্র মোদীগী লুচিং মখাদা শেম্লিবা ভারত সরকারনা লেপ্পা-লৈতনা অমসুং চোকথবা নাইদনা হোৎনদুনা লাক্লি৷ ভেক্সিনেসনগী খোঙজেল অসি হেনগৎনবগী য়াম্না মরু ওইবা ইনিসিয়েতিব অমদা, কোবিদ-১৯ ভেক্সিনশিং কা-হেন্না পুথোক্নবা অমসুং হেন্না তেস্ত তৌননবগীদমক হকশেল অমসুং য়াইফ-য়ুম্বালগী কেন্দ্রগী মন্ত্রালয়না(এম.ও.ঐচ.এফ.দবল্যু.)না অহেনবা লেব অমা এপ্রুব তৌখ্রে৷

কোবিদ-১৯ ভেক্সিনশিং হেন্না পুথোক্নবা অমসুং তেস্ত তৌননবগীদমক নেস্নেল ইন্সতিত্যুত ওফ এনিমেল বাইওতেক্নোলোজীবু(এন.আই.এ.বি.) সেন্ত্রেল দ্রগ লেবোরেতরী(সি.দি.এল.) ওইনা মথৌ তৌননবা হকশেল অমসুং য়াইফ য়ুম্বাল মন্ত্রালয়না ওথোরাইস তৌখ্রে৷

ভারত্তা লৈরিবা কোবিদ-১৯ ভেক্সিনেসন দিস্ত্রিব্যুসনগী তোঙান তোঙানবা এস্পেক্তশিং অদু খন্ন-নৈননবগীদমক, কেবিনেত সেক্রেতরীগী লুচিং মখাদা মীফম অমা ২০২০গী নবেম্বর ১১দা পাংথোকখি৷ মীফম অদুদা, বাইওতেক্নোলোজী দিপার্তমেন্ত(দি.বি.তি.), সাইন্স অমসুং তেক্নোলোজী দিপার্তমেন্ত(দি.এস.তি.) অমসুং কাউন্সিল ওফ সাইন্তিফিক অমসুং ইন্দস্ত্রিয়েল রিসর্স(সি.এস.আই.আর.) অমসুং মন্ত্রালয়শিংনা করিগুম্বা মতমদা মখোয় মখোয়গী লৈরিবা লেবশিংগী মনুংদা অমা হেক্তা সি.দি.এল. ওইনা ওন্থোক্তুনা শিজিন্নবা য়ারগদি হকশেল মন্ত্রালয়দা তাকপিরক্নবা হায়জখি৷

নিংথিনা খন্ন-নৈনরবা মতুংদা, হিরম অসিগীদমক দি.বি.তি.না লেবোরেতরী অনি মমিং ওইনা হায়রবদা এন.আই.এ.বি. অমসুং নেস্নেল সেন্তর ফোর সেল সাইন্সেস(এন.সি.সি.এস.), পুনে পুথোকখি৷ লেবোরেতরী অনি অসি অপগ্রেদ তৌননবগীদমক প্রধান মন্ত্রী কেয়র্স ফন্দ ত্রস্ত(পি.এম.-কেয়র্স) ফন্দশিং কাইথখ্রে৷

· এন.আই.এ.বি., হাইদ্রবাদপু সি.দি.এল. লেবোরেতরী অমনি হায়না লাওথোক্নবা সেন্ত্রেল দ্রগস স্তেন্দর্দ কন্ত্রোল ওর্গনাইজেসন(সি.দি.এস.সি.ও.)না দ্রাফত নোতিফিকেসন অমা কেন্দ্রগী হকশেল মন্ত্রালয়দা পীশিনখ্রে অমসুং মসিগী মতুং ইন্না কেন্দ্রগী হকশেল মন্ত্রালয়না হৌজিক্তি এন.আই.এ.বি., হাইদ্রবাদপু সি.দি.এল. লেবোরেতরী অমা ওইরে হায়না লাওথোকখ্রে৷

পুনেগী এন.সি.সি.এস.পু সি.দি.এল. লেবোরেতরী অমনি হায়না হকশেল অমসুং য়াইফ য়ুম্বাল মন্ত্রালয়না ২০২১গী জুন ২৮দা মাংজৌননা লাওথোকখিবা অদুসু মরু ওইনা পনবা য়াই৷

হায়রিবা লেবোরেতরী অনি অসি সি.দি.এল. লেবোরেতরীশিংনি হায়না লাওথোকখিবা অসিনা ভেক্সিন পুথোকপগী চাং হেনগৎহল্লগনি অমসুং ভেক্সিনেসন কেম্পেন্দ হেন্না মাই পাক্না পাংথোকবা য়াহল্লগনি৷

*****