نئی دہلی، 11؍اگست2021: بھارت نےمجموعی طور پر 51.90 کروڑ لوگوں کی کووڈ-کی 19 ٹیکہ کاری کرکے امتیازی مقام حاصل کرلیا ہے۔ آج صبح 7 بجے تک موصولہ عبوری رپورٹ کے مطابق 519080524لوگوں کو کووڈ کے ٹیکے لگائے گئے جس کے لیے مجموعی طور پر5957616سیسنز کا انعقاد کیا گیا۔گذشتہ 24 گھنٹوں میں4138646افراد کوکووڈ کی  خوراکیں دی گئیں۔

اس تعلق سے  مندرجہ ذیل اعداد و شمار  اور اس کی پوری تفصیلات پیش کی جارہی ہیں:

کووڈ-19 ٹیکہ کاری کے ہمہ گیرمہم کے نئےمرحلے یعنی سب کو ویکسین کا آغاز21 جون 2021 کو کیا گیاتھا۔مرکزی حکومت پورے ملک میں کووڈ-19 ٹیکہ کاری کی رفتار کو بڑھانے اور اس کے دائرہ کار میں وسعت لانے کے لئے پابند عہد ہے۔

ایک اور مثبت پیش رفت میں ، ہندوستان میں کووڈ-19 سے شفا پانے والوں کی شرح پچھلے 24 گھنٹوں میں 97.45 فیصد تک پہنچ گئی ہے۔ یہ وبائی مرض کے آغاز کے بعد سے ہندوستان کی طرف سے اب تک کی سب سے بہتر شرح ہے۔

وبائی مرض کے آغاز سے متاثرہ افراد میں سے31220981افراد کووڈ-19 سے پہلے ہی شفایاب ہوچکے ہیں اور گذشتہ 24 گھنٹوں 40013مریض شفایاب ہوئے ہیں۔

گذشتہ 24 گھنٹوں میں بھارت میں38353نئے معاملے درج ہوئے ہیں۔

مسلسل45دنوں سے روزانہ50 ہزار سے بھی کم نئے معاملے درج ہورہے ہیں۔ ایسا مرکز اور ریاستوں/ مرکز کے زیر انتظام علاقوں کی پائیدار اور مشترکہ کوششوں کے نتیجے میں ممکن ہوا ہے۔

آج کی تاریخ میں بھارت میں زیر علاج مریضوں کی تعداد386351ہے  یہ گزشتہ 140 دنوں میں سب سے کم ترین شرح ہے۔مارچ 2020 سے لے کر اب تک  ایکٹیو کیسیز کی مجموعی شرح صرف1.21 فیصد ہے۔

ملک بھر میں جانچ میں خاطر خواہ اضافہ ہوا ہے، گذشتہ 24 گھنٹوں میں ملک بھر میں مجموعی طور پر1777962افراد کی جانچ کی گئیں۔مجموعی طور پر بھارت میں اب تک 48.50 کروڑ سے زیادہ (485056507) افراد کی جانچ کی جاچکی ہیں۔

اب جبکہ ایک طرف ملک بھر میں جانچ کی صلاحیت میں اضافہ درج ہورہا ہے،تومتاثرہ افراد کی ہفتہ واری تعداد میں بھی کمی مسلسل سامنے آرہی ہے۔ متاثرہ افراد کی ہفتہ واری شرح فی الحال2.34فیصد ہےجبکہ متاثرین کی یومیہ شرح آج2.16 فیصدہوگئی۔ متاثرہ افراد کی یومیہ شرح لگاتار 16دنوں سے3 فیصد سے بھی کم ہے، اور 65 دنوں سے لگاتار یہ شرح 5 فیصد سے بھی نیچے ہے۔

****************

ش ح  - س ک  -  ف ر

U. NO. 7709