সিবিল এবিয়েসন মন্ত্রালয়
অৱাং নোংপোক ভারত্তা নোংথক্কী লম্বী মপাঙ্গল কনখৎহনবগী অনৌবা পন্দোল অমা ফংলে
উরানগী মখাদা ইম্ফাল – সিলোং লম্বীদা অহানবা দাইরেক্ত ফ্লাইত লমথাখ্রে
হৌজিক ফাওবদা উরানগী মখাদা লম্বী ৩৬১ মথৌ তৌবা হৌখ্রে
Posted On:
04 AUG 2021 10:21AM by PIB Imphal
ভারত লৈঙাক্কী আর.সি.এস.-উরান (রিজনেল কন্নেক্তিভিতী স্কিম – উরে দেস কা আম নাগরিক)গী মখাদা ঙরাং ইম্ফাল (মনিপুর) অমসুং সিলোং (মেঘালয়া)গী মরক্তা অহানবা দাইরেক্ত ফ্লাইত মথৌ তৌবা হৌখ্রে। লম্বী অসি মথৌ তৌবা হৌহনখিবা অসিনা অৱাং নোংপোক ভারত্তা নোংথক্কী লম্বী মপাঙ্গল কন্না থম্নবগী অখন্নবা মীৎয়েঙ চঙবগী ভারত লৈঙাক্কী পান্দমবু ফংহল্লি। সিভিল এভিএসন মন্ত্রালয় (এম.ও.সি.এ.ও) অমসুং এয়রপোর্ত ওথোরিতী ওফ ইন্দিয়াগী (এ.এ.আই.) ওফিসিএলশিং ফ্লাইত ওপরেসন হৌদোকপগী থৌরমদুদা শরুক য়াখি।
মনিপুর অমসুং মেঘালয়াগী কোনুং ময়োল্লমশিংগী মরক্তা নোংথক্কী লম্বীনা শমজিন্নবা অসি মফম অসিগী মীয়াম্না কুইনা পাম্নদুনা লাক্লবা ৱাফম অমনি। ফজরবা সিলোং ময়োল্লম অসি মায়কৈ মরিমক্তা চীংনা কোয়শিল্লি। মমীং লৈরবা মহৈ তম্ফমশঙ কয়া লৈবগীদমক মমীং চৎলিবা সিলোং অসি অৱাং-নোংপোক ভারত পুম্বগী মহৈ মশিং তম্ফমগী মকোন অমনি। ফজবা অমদি মহৈ মশিংগী মফম ওইবদগী হেন্দোক্তুনা সিলোং অসি, নোং কন্না চুবাও লৈনুংহুৎ, খ্বাইদগী ৱাংবা ৱাতরফোল, ফজরবা মফমশিং, অমদি ইনাক খুল্লবা নাৎ অমসুং চৎনবগীদমক মমীং চৎলিবা মেঘালয়দাগী হোজঙ অমসুনি। সিলোং অসি ইলিফেন্ত ফোল্স, সিলোং চীংদোল, উমিয়ম পাৎ, সোহপেতনেং চীংদোল, দোম বোস্কো ম্যুজিয়ম, লেতলম কেনয়নগীদমক মমীং চৎলি। মসিদসু নত্তনা সিলোং অসি আই-লীগতা শরুক য়াবা ফুতবোল ক্লব অনি মমীং ওইনা রোয়েল ৱাহিংদোহ এফ.সি. অমসুং সিলোং লাজোং এফ..সি. পুথোক্লিবা অৱাং নোংপোক ভারতকী অমত্তা ঙায়রবা কোনুং ময়োল্লম্নি। মসিগী মথক্তা সিলোং গোল্ফ কোর্স অসি লৈবাকসিগী খ্বাইদগী লিরবা গোল্ফ কোর্সশিংগী মরক্তা অমনি।
হকথেংননা মফমদুদা য়ৌবা য়াবা চত্থোক চৎশিনগী পাম্বৈ লৈতবনা মরম ওইরগা ইম্ফালদগী সিলোং য়ৌনবগীদমক মীয়াম্না পুং ১২গী শাংলবা লম্বীগী খোঙচৎ অমা চৎপা তাই নৎত্রগা লোকপ্রিয় গোপিনাথ বোর্দোলোই ইন্তরনেসনেল এয়রপোর্ত, গুৱাহাতি ফাওবা ফ্লাইত তোংলগা মফমদুদগী সিলোং ফাওবা বসতা চৎপা তারম্মি। ইম্ফালদগী সিলোং ফাওবা নৎত্রগা সিলোংদগী ইম্ফাল ফাওবা খোঙচৎ অসি চৎপদা নোংমা হেন্না চঙলি। হৌজিক্তি লমদমসিগী মীয়াম্না ইম্ফালদগী সিলোং ফাওবগী মিনত ৬০ চঙবা অমদি সিলোংদগী ইম্ফাল ফাওবগী মিনত ৭৫ চঙবা ফ্লাইত অমা তোংলগা ময়োল্লম অনিসিদা লায়না পাইবা য়ারগনি।
সিংলোং অসি উরান স্কিমগী মখাদা ইম্ফালগা শমজিন্নবা অনিসুবা ময়োল্লম্নি। এয়রলাইন এম/এস ইন্দিগোদা উরান ৪ নিলাম লাউবদা ইম্ফাল-সিলোংগী লম্বীসি পীখিবনি। এয়রলাইন অসি উরান স্কিমগী মখাদা ভরা মমল হোঙহন্নবা অমদি মীচম মীয়ামদা লায়না চত্থোক চৎশিন ঙমহন্নবগীদমক ভাইএবিলিতী গেপ ফন্দিং (ভি.জি.এফ.) পীরি। এয়রলাইন অসিনা চয়োল অমদা ফ্লাইত মরি পাইগনি অমদি মখোয়গী ৭৮-সীতর এ.তি.আর. এয়রক্রাফ্ত শীজিন্নগনি। হৌজিক্কী ওইনা এম/এস ইন্দিগো এয়রলাইন্সগী উরান লম্বী ৬৬ মথৌ তৌরি।
ঙসি ফাওবদা উরান স্কিমগী মখাদা লম্বী ৩৬১ অমদি এয়রপোর্ত ৫৯ (হেলিপোর্ত ৫ অমসুং ঈশিংগী এরোদ্রোম ২ য়াওরগা) মথৌ তৌরি। স্কিম অসিনা লৈবাকসিগী হান্না শম্নরমদবা স্তেত অমসুং য়ু.তি. খুদিংমক্তা নোংথক্কী লম্বী মপাঙ্গল কনখৎহন্দুনা ভারতকী এভিএসন মার্কেত্তা অনৌবা রিজনেল সেগমেন্ত অমগী য়ুম্ফম থোল্লি।
ফ্লাইত সিদ্যুল মখাদা পীরি:
ফ্লাইত নম্বর
|
লমথাবা
|
লমথুংবা
|
লমথাবগী মতম
|
লমথুংবগী মতম
|
৭৯৫৯
|
ইম্ফাল
|
সিলোং
|
০৯:৫৫
|
১০:৫৫
|
৭৯৬১
|
সিলোং
|
ইম্ফাল
|
১১:১৫
|
১২:৩০
|
*******
(Release ID: 1742214)
Visitor Counter : 231