نائب صدر جمہوریہ جناب ایم وینکیا نائیڈو نے آج نوجوانوں میں مہارت کے فرق کو دور کرنے کی فوری ضرورت پر زور دیا تاکہ انھیں نئی مارکیٹ کے تقاضوں کے قابل بنایا جا سکے اور ہماری افرادی قوت کی پیداواری صلاحیت کو بہتر بنایا جا سکے۔ انھوں نے کہا کہ ’آنے والے برسوں میں ہندوستان کی معیشت کو تیز کرنے کے لیے ایسا کرنا ضروری ہے‘۔

اس سلسلے میں، جناب نائیڈو نے صنعت اور سماجی شعبے کے رہنماؤں سے مطالبہ کیا کہ وہ تربیت اور مہارت کی ترقی جیسے کوشل وکاس یوجنا، اڑان وغیرہ میں حکومت کی کوششوں کی تکمیل کریں۔ انھوں نے انڈسٹری پر زور دیا کہ وہ اسے ایک ”عظیم سماجی مشن“ کے طور پر لے۔ انھوں نے ہندوستانی کمپنیوں کی کاوشوں کو سراہا جو اپنی کارپوریٹ سماجی ذمہ داری کے ذریعہ ایسی پیشہ ورانہ تربیت دے رہی ہیں اور بہت سے غریب لوگوں کے لیے پائیدار معاش پیدا کر رہی ہیں۔ انھوں نے خواتین کو مالی اور سماجی طور پر بلند کرنے اور با اختیار بنانے میں ہنر مندی کے اہم کردار کا بھی ذکر کیا۔

حیدرآباد میں جی ایم آر وارالکشمی فاؤنڈیشن کے مرکز برائے امپاورمنٹ اینڈ لائیولیہڈ کا دورہ کرتے ہوئے، جناب نائیڈو نے عملہ اور مرکز میں تربیت حاصل کرنے والے شرکا سے بات چیت کی۔ انھوں نے تربیت حاصل کرنے والوں کو مشورہ دیا کہ وہ جدید ترین تکنیکی ترقی کے قدم بہ قدم چلیں۔

بعد ازاں، نائب صدر جمہوریہ نے جی ایم آر چنمیا ودیالیہ کا بھی دورہ کیا اور اساتذہ اور طلبا سے بات چیت کی۔ دورے کے دوران جی ایم آر گروپ کے بانی چیئرمین گرانڈھی ملیکارجن راؤ، جی ایم آر وارالکشمی فاؤنڈیشن کے عہدیدار اور عملہ اور دیگر موجود تھے۔

                                           **************

ش ح۔ ف ش ع-ک ا   

U: 7332