وزارات ثقافت
ثقافت محکمے میں وزیر مملکت محترمہ میناکشی لیکھی نے جی 20 ثقافتی وزراء کی میٹنگ سے خطاب کیا
ترقی کے فروغ کے لئے ثقافتی اور تخلیقی شعبوں کو بروئے کار لانے کے ہندوستان کے اقدامات کو اجاگر کیا
Posted On:
31 JUL 2021 2:11PM by PIB Delhi
اہم خصوصیات:
- ثقافت کے محکمے میں وزیر مملکت محترمہ میناکشی لیکھی نے جی 20 ثقافتی وزراء کی میٹنگ میں شرکت کی۔
- محترمہ لکھی نے ثقافتی اور تخلیقی شعبوں کو ترقی کے وسیلے بنانے کے ہندوستان کے اقدامات کو اجاگر کیا۔
- ثقافتی ورثے کے تحفظ پر تبادلۂ خیا ل کیا گیا۔
- ثقافت کے وزراء نے جی 20 کلچر ورکنگ گروپ کی شرائط وضوابط کو منظوری دی۔
ثقافت کی وزیر مملکت محترمہ میناکشی لکھی نے 30 جولائی 2021 کو جی 20 کی ثقافتی وزراء کی میٹنگ میں شرکت کی جو جی 20، 2021 کی سربراہی کے دوران اٹلی کی میزبانی میں ہوئی۔
جو موضوعات زیر بحث آئے ان میں ثقافتی ورثے کی حفاظت ، ثقافت کے ذریعہ ماحولیاتی بحران کا ازالہ، ٹریننگ اور تعلیم کے ذریعہ صلاحیت سازی، ثقافت کے لئے ٹکنالوجیوں کی ڈیجیٹل ترسیل اور ثقافت اور تخلیقی شعبوں کو ترقی کے لئے ایک وسیلہ بنانے کے معاملے شامل ہیں۔
ثقافت کی وزیر مملکت نے میٹنگ کے شرکاء سے خطاب کیا اور ثقافت اور تخلیقی شعبوں کا ترقی کے لئے رول کے موضوع پر ہندوستان کا نکتۂ نظر پیش کیا۔ انھوں نے اقتصادی ترقی اور روزگار فراہم کرنے میں ثقافتی اور تخلیقی سیکٹر کی اہمیت پر روشنی ڈالی اور ان سیکڑوں خواتین، نوجوانوں اور مقامی برادریوں کو زیادہ سے زیادہ مواقع فراہم کرنے کے لئے بروئے کار لانے کی بات کی۔ یہ لوگ انتہائی مالا مال اور متنوع ثقافتی روایات رکھتے ہیں۔ انھوں نے کہا کہ پیداوار اور استعمال کے ایسے طریقے فروغ دیئے جائیں جو ماحولیات کے لئے سازگار ہیں، مثلاً ہینڈلوم، دستکاری اور کھادی وغیرہ۔ ان کی ہندوستان کے لئے بہت ہے۔
انھوں نے زور دے کر کہا کہ ثقافتی اور تخلیقی شعبے روزگار پیدا کرکے ، عدم مساوات کو کم کرکے، ٹھوس اور لگاتار ترقی اور عوام کو منفرد شناخت دے کر ترقی کا اہم وسیلہ بن سکتے ہیں۔
محترمہ لیکھی نے ثقافتی اور تخلیقی شعبوں کو فروغ دینے کے لئے ہندوستان کے اقدامات کے بارے میں بتایا جن میں ایک ضلع ایک پیداوار اسکیم، حکومت اترپردیش، ٹورزم سرکٹ ، یوگا اور آیوروید کے فروغ کے اقدامات شامل ہیں۔
وزیر مملکت نے ثقافت اور تخلیقی سیکٹروں سے متعلق معاملات سے نمٹنے کے لئے بین الاقوامی مذاکرات اور اشتراک کی ضرورت پر زور دیا اور اس سلسلے میں مناسب پبلک پالیسیوں کی ضرورت کو اجاگر کیا۔ انھوں نے ہندوستان کی جانب سے بین الاقوامی ثقافتی تعاون واشتراک کے تئیں عہد کا اعادہ کیا تاکہ معاشروں کے ثقافتی اور تخلیقی شعبوں ک مدد کی جائے اور ان کے لئے آسانیاں پیدا کرنے کی کوششوں کو مربوط کیا جاسکے۔
بات چیت کے آخر میں جی 20 کے وزراء ثقافت نے جی 20 کلچرورکنگ گروپ کے شرائط وضوابط کو منوری دی۔
ثقافت کے وزیروں نے وزارتی اعلانئے کو منظوری دی جو 2021 کے سربراہ اجلاس میں جی 20 رہنماؤں کو سونپا جائے گا تاکہ ثقافت کو جی 20 کے دائرے میں لایا جائے، کیونکہ قومی اور بین الاقوامی سطح پر اس کے زبردست اقتصادی اور سماجی اثرات ہوتے ہیں۔
****
ش ح۔ رف ۔ س ا
U. No: 7294
(Release ID: 1741189)
Visitor Counter : 235