نئی دہلی ، 30؍جولائی 2021

ہندوستان میں کووڈ – 19 کی ٹیکہ کاری مہم کے تحت کل تک 45.60 کروڑ سے زیادہ افراد کے ٹیکے لگائے جاچکے ہیں ۔ آج صبح 8 بجے تک  دستیاب عبوری رپورٹ کے مطابق 5450378 سیشنز کے دوران  مجموعی طور پر456033754 افراد کے ٹیکے لگائے جاچکے ہیں۔گزشتہ 24 گھنٹوں کے دوران 5183180 ٹیکے لگائے گئے۔

کووڈ – 19 سے بچاؤ کی عام ٹیکہ کاری کا نیا مرحلہ 21 جون 2021 سے شروع ہوا تھا ۔ مرکزی حکومت اس کی رفتار کو مزید تیز کرنے اور ملک بھر میں کووڈ - 19 کی ٹیکہ کاری کے دائرہ میں توسیع دینے کے تئیں پر عزم ہے۔

اس عالمی وبا کے آغاز کے بعد سے اس وائرس سے متاثر ہونے والے افراد میں سے30743972افراد پہلے ہی کووڈ – 19 سے صحت یاب ہو چکے ہیں ، جب کہ گزشتہ 24 گھنٹوں کے دوران ہی42360 مریض شفایاب ہوئے ہیں ۔ اس طرح شفایاب ہونےوالے افراد کی مجموعی شرح 97.38 فیصد ہو گئی ہے۔

گزشتہ 24 گھنٹے میں ہندوستان بھر سے44230 نئے کیس سامنے آئے ہیں۔

گزشتہ 33دن سے 50000 سے کم یومیہ نئے کیس درج ہورہے ہیں۔ مرکز اور ریاستوں نیز مرکز کے زیر انتظام علاقوں کے ذریعے پائیدار اور مشترکہ کوشش کی وجہ سے ایسا ہوا ہے۔

ہندوستان میں آج زیرعلاج مریضوں کی تعداد405155 ہے، جوکہ ملک میں مجموعی طور پرمتاثرہ معاملے کے 1.28 فیصد پر مشتمل ہے۔

ملک بھر میں طبی جانچ کی صلاحیت میں خاطرخواہ اضافہ کیا گیا ہے، اور گزشتہ 24 گھنٹوں کے دوران پورے ملک میں مجموعی طور پر1816277 ٹیسٹ کئے گئے ہیں۔بھارت میں مجموعی طور پر اب تک46 کروڑ سے زیادہ (464650723) ٹیسٹ کئے جاچکے ہیں۔

اب جب کہ ملک بھر میں جانچ کی صلاحیت میں اضافہ کیا جا چکا ہے، ہفتہ وار متاثرپائے جانے والےافراد کی شرح 2.43 فیصد ہے، جب کہ ایک دن میں اس وائرس سے متاثر پائےجانے والے افراد کی شرح شرح آج 2.44فیصد رہی۔ یومیہ متاثرہ افراد کی شرح مسلسل53 ویں دن بھی اس وقت 5 فیصد سے نیچے ہے۔

 (ش ح۔ف ا۔م ش)

U-7216