প্রধানমন্ত্রীগী লোইশঙ

প্রধান মন্ত্রীনা নেস্নেল এজুকেসন পোলিসী ২০২০গী অহানবা কুমওন পালন তৌবদা এজুকেসন কম্ম্যুনিতীদা ৱা ঙাংখ্রে

থৌরম অসি পালন তৌবা ওইনা মরু ওইবা থৌরাং কয়া হৌদোকখ্রে

এন.ই.পি. অসি লৈবাক অসি খুমাং চাউশিনবগী ‘মহায়াগ্যা’দা মপুং ওইবা ফেক্তর অমনি: পি.এম.

অনৌবা এজুকেসন পোলিসীনা ঐখোয়গী নহারোলশিংদা লৈবাক অসিনা মখোয়গীদমক অমসুং মখোয়গী অনীংবশিংগীদমক লেপ্লি হায়না থাজবা পীখ্রে: পি.এম.

পুম্নমক য়াওহনবা অমসুং প্রেসর লৈতবা অসিনা অনৌবা এজুকেসন পোলিসীগী মপুং ওইবা মওং-মতৌনি: পি.এম.

রাজ্য ৮গী ইঞ্জিনীয়রিং কোলেজ ১৪না ভারতকী লোল ৫দা এজুকেসন পীবা হৌরে: পি.এম.

ইমা লোলবু মীদিয়ম ওফ ইনস্ত্রক্সন ওইহনবনা লায়রবা, খুঙ্গং অমসুং ত্রাইবেল বেকগ্রাউন্দগী মহৈরোইশিংদা মশানা মশাবু থাজবা পোকহল্লগনি: পি.এম.

Posted On: 29 JUL 2021 6:26PM by PIB Imphal

প্রধান মন্ত্রী, শ্রী নরেন্দ্র মোদীনা লৈবাক অসিদা লৈরিবা এজুকেসন অমসুং স্কিল দিবেলপমেন্তগী লমদা লৈরিবা পোলিসী মেকরশিং, মহৈরোইশিং অমসুং ওজাশিংদা নেস্নেল এজুকেসন পোলিসী ২০২০গী মখাদা অওনবা পুরকপা চহি অমা মপুং ফাবগী পালন তৌবা ওইনা ভিদিও কনফরেন্সিংগী থোংদা ৱা ঙাংখ্রে। মহাক্না এজুকেসন সেক্তরদা থৌরাং কয়াসু হৌদোকখ্রে।

অনৌবা এজুকেসন পোলিসীনা চহি অমা মপুং ফারকপদা ইরৈবাকচাশিং অমসুং মহৈরোইশিংদা নুংঙাইবা ফোঙদোক্লদুনা প্রধান মন্ত্রীনা ওজাশিং, প্রোফেসরশিং, পোলিসী মেকরশিংনা কন্না হোৎন্দুনা অনৌবা এজুকেসন পোলিসী অসি কোবিদ-১৯গী ৱারবা মতম অসিগী মনুংদা মঙফাওনবা ঙমহনবগীদমক থাগৎপা ফোঙদোকখ্রে। ‘অজাদি কা অমৃত মহোৎসব’কী চহি অসিগী মরু ওইবা অদু থম্লদুনা প্রধান মন্ত্রীনা অনৌবা এজুকেসন পোলিসী অসিনা মরু ওইবা মতম অসিদা অচৌবা থৌদাং অমা লৌরগনি হায়না ফোঙদোকখ্রে। প্রধান মন্ত্রীনা হায় ঐখোয়গী তুংলমচৎনা খুমাং চাউশিনবা অমসুং চাউখৎপা হায়বা অসি ঙসি ঐখোয়গী নহারোলশিংদা ঐখোয়না পীরিবা এজুকেসনগী থাক অমসুং পুরিবা মাইকৈ অসিগী মখা পোল্লি। “মসি লৈবাক অসি খুমাং চাউশিনবগী ‘মহায়াগ্যা’দা মপুং ওইবা ফেক্তর অমনি” হায়না প্রধান মন্ত্রীনা ফোঙদোকখ্রে।

প্রধান মন্ত্রী লাইচৎ অসিনা পুরকপা অহোংবশিং অমদি ওনলাইন এজুকেসন অসিনা করম্না মহৈরোইশিংদা নোর্মেল ওইরকপা হায়বগী মতাংদা ফোঙদোকখ্রে। দিক্ষা পোর্তেলদা করোর চামা ২৩ হেলকপা অসিনা দিক্ষা অমসুং স্বায়মগুম্বা পোর্তেল শিজিন্নৈ হায়বগী শাখি ওইরি।

প্রধান মন্ত্রীনা অপীকপা শহরশিংদগী লাকপা নহারোলশিংনা শীংথানীংঙাই ওইবা থবক তৌরকপগী মতাংদা পনখ্রে। মহাক্না অসিগুম্বা শহরশিংগী নহারোলশিংনা তোকিও ওলিম্পিক্সতা ফিদম্নীংঙাই ওইবা পর্ফোর্মেন্স উৎখিবা অদু খুদম ওইনা পীখি। মহাক্না রোবোতিক্স, এ.আই., স্তার্ত-অপশিং অসিগুম্বা লমশিংদা নহারোলশিংনা হোৎনখিবা অমসুং ইন্দস্ত্রী ৪.০দা মখোয়না লুচিংলিবা অসিগীদমক থাগৎপা ফোঙদোকখ্রে। মহাক্না হায় করিগুম্বা নহারোলশিংনা মখোয়গী মঙলানগা চুনবা ফীভম অমা ফংলবদি মখোয়না খুমাং চাউশিনবদা পনখৈ লৈরোই। মহাক্না ঙসিগী নহারোলশিংনা মখোয়গী অনীংবা-অপাম্বগী মতুং ইন্না মখোয়গী ওইবা সিস্তেমশিং অমসুং মখোয়গী ওইবা মালেম শেমগৎচবা পাম্মি হায়না ফোঙদোকখ্রে। মখোয়দা এক্সপোজর মথৌ তাই অমসুং য়োৎলিং অমসুং অথিংবশিং অসিদগী নীংতম্বা মথৌ তাই। অনৌবা এজুকেসন পোলিসী অসিনা ঐখোয়গী নহারোলশিংদা লৈবাক অসিনা মখোয়গীদমক অমদি মখোয়গী অনীংবশিংগীদমক মপুং ফানা শৌগৎলি হায়না থাজবা পীখ্রে। ঙসি হৌদোকখিবা আর্তিফিসিএল ইন্তেলিজেন্স প্রোগ্রাম অসিনা মহৈরোইবু ফ্যুচর ওরিয়েন্তেদ ওইহনগনি অমদি এ.আই.-দ্রিবন ইকনোমীগী লম্বী য়াৎলগনি। মসিগা মান্নবা মওংদা, নেস্নেল দিজিতেল এজুকেসন আর্কিতেকচর, (এন.দি.ই.এ.আর.) অমসুং নেস্নেল এজুকেসন তেক্নোলোজী ফোরম (এন.ই.তি.এফ.)না লৈবাক পুম্বদা দিজিতেল অমসুং তেক্নোলোজিকেল ফ্রেমরক অমা পীবদা চাউনা কান্নরগনি হায়না প্রধান মন্ত্রীনা ফোঙদোকখ্রে।

প্রধান মন্ত্রীনা অনৌবা এজুকেসন পোলিসীদা পুম্নমক য়াওহনবা অমসুং প্রেসর লৈহনদবা য়াওই হায়না ফোঙদোকখ্রে। মহাক্না হায় পোলিসী লেবেলদা পুম্নমক য়াওহনবা য়াহল্লি অমসুং পুম্নমক য়াওহনবা হায়বা অসি মহৈরোইশিংদা ফংহল্লিবা ওপ্সনশিং অসিদসু উবা ফংই। মল্তিপল এন্ত্রী অমসুং এগজিৎ অসিগুম্বা ওপ্সনশিং অসিনা মহৈরোইশিংবু ক্লাস অমদা অমসুং কোর্স অমদা পন্দুনা লৈরম্বা অদুদগী মনীংতমহল্লনি। মসিগা মান্নবা মওংদা মোদর্ন তেক্নোলোজীদা য়ুম্ফম ওইবা একাদেমিক বেঙ্ক ওফ ক্রেদিৎ সিস্তেম অসিনা অচৌবা অহোংবা অমা পুরক্লগনি। মসিনা মহৈরোইশিংদা স্ত্রীম অমসুং সবজেক্ত খনবদা থজবা পোকহল্লগনি। ‘স্ত্রকচর্দ এসেসমেন্ত ফোর এনলাইজিং লর্নিং লেবেলস’ এস.এ.এফ.এ.এল.না এগজামিনেসনগী অকীবা অদু লৌথোকখ্রগনি। প্রধান মন্ত্রী অনৌবা প্রোগ্রামশিং অসিনা ভারতকী লাইবক্তা অহোংবা পুরকপা ঙম্বগী মতিক ময়াই চেল্লি হায়না নৌহৌনা ফোঙদোকখ্রে।

মহাত্মা গান্ধীবু পল্লদুনা প্রধানমন্ত্রীনা লমদম অসিগী লোলশিংবু মীদিয়ম ওফ ইনস্ত্রকচসন ওইহনবগী মরু ওইবা অদু ফোঙদোকখ্রে। প্রধান মন্ত্রীনা রাজ্য ৮দা ইঞ্জিনীয়িং কোলেজ ১৪না ভারতকী লোল ৫দা – হিন্দী, তামিল, তেলেগু, মরাথী অমসুং বাংলাদা ইঞ্জিনীয়রিং তম্বীবা হৌরে হায়না ফোঙদোকখ্রে। ইঞ্জিনীয়রিং কোর্স অসি ভারতকী লোল ১১দা হন্দোক্নবগীদমক তুল অমসু দিবেলপ তৌখ্রে। ইমা লোলবু মীদিয়ম ওফ ইনস্ত্রক্সন ওইহনবনা লায়রবা, খুঙ্গং অমসুং ত্রাইবেল বেকগ্রাউন্দগী মহৈরোইশিংদা মশানা মশাবু থাজবা পোকহল্লগনি। ইলিমেন্তরী এজুকেসনদসু ইমা লোল অসি থৌগৎলি অমসুং ঙসি হৌদোকখিবা বিদ্যা প্রভেশ প্রোগ্রাম অসিনা মসিদা অচৌবা থৌদাং অমা লৌরগনি। মহাক্না হায় অহানবা ওইনা ভারতকী সাইন লেংগ্বেজ অসি লোলগী হীরম অমা হায়বদি সবজেক্ত অমগী থাক অদু পীখ্রে। মহৈরোইশিংনা মসি লোল অমা ওইনা পাবা ঙম্লগনি। মখোয়গী এজুকেসনগীদমক সাইন লেংগ্বেজ মথৌ তাবআ মহৈরোই লাখ ৩ হেন্না লৈ। মসিনা ভারতকী সাইন লেংগ্বেজতা অচৌবা ইনোৎ অমা পীরগনি, ঐখোয়গী হকচাংগী ফীভমদা মীমান্নদ্রবা মরুপশিংদা মতেং য়াম্না ওইরগনি হায়না প্রধান মন্ত্রীনা ফোঙদোকখ্রে।

ওজাশিংগী মরু ওইবা থৌদাংপু পল্লদুনা প্রধান মন্ত্রীনা হায় ইমপ্লিমেন্তেসন অসিগী ফোর্ম্যুলেসন স্তেজতগী হৌরগা ওজাশিংনা অনৌবা এজুকেসন পোলিসী অসিদা চাউনা শরুক য়াখি। নিশথা ২.০ ঙসি হৌদোকপা অসিনা ওজাশিংদা মখোয়গী মথৌ তাবশিংগী মতুং ইন্না ত্রেনিং পীরগনি অমসুং মসিদা মখোয়না দিপার্তমেন্তদা মখোয়গী ৱাখল্লোনশিং ফোঙদোকপসু য়ারগনি।

প্রধান মন্ত্রীনা হায়র এজুকেসনদা মহৈরোইশিংদা মল্তিপল এন্ত্রী অমসুং এগজিৎ য়াহন্নবা; ইঞ্জিনীয়রিং প্রোগ্রামশিংগী ফার্স্ত ইয়রদা রিজনেল লোলশিং লৈহন্নবা অমসুং হায়র এজুকেসনগী ইন্তর্নেসনেলাইজেসনগী গাইদলাইনশিং পীনবা একাদেমিক বেঙ্ক ওফ ক্রেদিৎ হৌদোকখ্রে। হৌদোক্কদবা থৌরাংশিংদা বিদ্যা প্রভেশ, গ্রেদ ১ মহৈরোইশিংগী স্কুল প্রিপরেসন মোদ্যুলদা য়ুম্ফম ওইবা থা অহুমগী প্লে; সেকেন্দরী লেবেলদা ভারতকী সাইন লেংগ্বেজ অসি সবজেক্ত অমা ওইনা তম্বা; নিশথা ২.০, এন.সি.ই.আর.তি.না দিজাইন তৌবা ওজা ত্রেনিং পীনবা ইন্তিগ্রেতেদ প্রোগ্রাম অমা; এস.এ.এফ.এ.এল. (স্ত্রকচর্দ এসেসমেন্তফোর এনলাইজিং লর্নিং লেবেলস), সি.বি.এস.ই. স্কুলশিংগী গ্রেদ ৩, ৫, অমসুং ৮কী কম্পিতেন্সী বেজ এসেসমেন্ত ফ্রেমৱর্ক অমা; অমসুং আর্তিফিসিএল ইন্তেলিজেন্সকী দেদিকেতেদ ৱেবসাইত অমা য়াওখি। থৌরম অসিদা নেস্নেল দিজিতেল এজুকেসন আর্কিতেকচর, (এন.দি.ই.এ.আর.) অমসুং নেস্নেল এজুকেসন তেক্নোলোজী ফোরম (এন.ই.তি.এফ.) হৌদোকপসু উবা ফংখি।

*****



(Release ID: 1740552) Visitor Counter : 99