PIB Headquarters
पत्र सूचना कार्यालयाचे कोविड-19 संबंधित बातमीपत्र
Posted On:
28 JUL 2021 8:52PM by PIB Mumbai
नवी दिल्ली/मुंबई 28 जुलै 2021
- राष्ट्रव्यापी लसीकरण अभियानाअंतर्गत आतापर्यंत लसीच्या 44.61 कोटी मात्रा देण्यात आल्या.
- देशात आतापर्यंत एकूण 3,06,63,147 कोरोनामुक्त
- रुग्ण बरे होण्याचा सध्याचा दर 97.39%
- गेल्या 24 तासात 41,678 जण कोरोनातून बरे झाले
- गेल्या 24 तासात देशात 43,654 नव्या रुग्णांची नोंद
- देशात उपचाराधीन रुग्णांची संख्या 3,99,436
- उपचाराधीन रुग्ण, एकूण रुग्णांच्या 1.27%
- साप्ताहिक पॉझीटीव्हिटी दर 5% पेक्षा कमी, सध्या हा दर 2.36%
- दैनंदिन पॉझीटीव्हिटी दर 2.51%, हा दर 5% पेक्षा कमी राहिला आहे
- चाचण्यांच्या क्षमतेत वाढ, एकूण 46.09 कोटी चाचण्या करण्यात आल्या
आरोग्य मंत्रालयाची कोविड-19 घडामोडींवरील माहिती
भारतात कोरोना प्रतिबंधक एकूण लसीकरण 44.61 कोटीपेक्षा जास्त झाले आहे. आज सकाळी 8 वाजेपर्यंत प्राप्त अहवालानुसार एकूण 53,73,439 सत्रांद्वारे 44,61,56,659 मात्रा देण्यात आल्या आहेत.गेल्या 24 तासात 40,02,358 मात्रा देण्यात आल्या.
21 जून 2021 पासून कोविड-19 सार्वत्रिक लसीकरणाचा नवा टप्पा सुरु झाला आहे. देशभरात कोविड लसीकरणाचा वेग आणि व्याप्ती वाढवण्यासाठी केंद्र सरकार कटीबद्ध आहे.
महामारीच्या सुरवातीपासून कोरोनाची लागण झालेल्यांपैकी एकूण 3,06,63,147 रुग्ण कोरोना मुक्त झाले आहेत. गेल्या 24 तासात 41,678 रुग्ण कोरोना मुक्त झाले आहेत. कोरोनातून बरे होण्याचा दर 97.39% आहे.
गेल्या 24 तासात 43,654 नव्या दैनंदिन रुग्णांची नोंद झाली.
सलग 31 दिवस 50,000 पेक्षा कमी नव्या दैनंदिन रुग्णांची नोंद होत असून केंद्र आणि राज्य सरकार/केंद्र शासित प्रदेश यांच्या समन्वित प्रयत्नांचा हा परिणाम आहे.
देशात उपचाराधीन रुग्णांची संख्या 3,99,436 असून उपचाराधीन रुग्ण, एकूण पॉझिटीव्ह रुग्णांच्या 1.27% आहेत.
चाचण्या करण्याच्या क्षमतेत वाढ करत देशात गेल्या 24 तासात 17,36,857 चाचण्या करण्यात आल्या. भारताने आतापर्यंत 46 कोटीहून अधिक (46,09,00,978) चाचण्या केल्या आहेत.
साप्ताहिक पॉझीटीव्हिटी दर सध्या 2.36% आणि दैनंदिन पॉझीटीव्हिटी दर आज 2.51% आहे. दैनंदिन पॉझीटीव्हिटी दर सलग 51 व्या दिवशी 5% पेक्षा कमी आहे.
इतर अपडेट्स :
- आयुष मंत्रालया अंतर्गत पुण्याच्या राष्ट्रीय निसर्गोपचार केंद्राने, (एनआयएन) सौम्य ते तीव्र लक्षणे असलेल्या कोविड-19 रुग्णासाठी, डॉ बिस्वरूप रॉय चौधरी यांच्या एन आय सी ई नियमांची शिफारस केल्याचे वृत्त नुकतेच काही माध्यमातून आले आहे. हे वृत्त पूर्णपणे चुकीचे आहे असे स्पष्ट करण्यात येत आहे. एन आय सी ई ने केलेल्या असत्य दाव्याच्या आधारावर आधारित हे वृत्त असावे. नेटवर्क ऑफ इन्फल्युएन्झा केअर एक्स्पर्ट, एन आय सी ईने विकसित केलेल्या नियमांना आयुष मंत्रालयाची मान्यता नाही असे पुण्याच्या एनआयएन ने स्पष्ट केले आहे.
- केंद्र सरकारने आतापर्यंत सर्व स्त्रोताद्वारे 46.23 कोटींपेक्षा जास्त (46,23,27,530) लसींच्या मात्रा राज्ये/केंद्रशासित प्रदेशांना पुरवल्या आहेत. आणखी 1,20,70,820 मात्रा पुरवठ्याच्या मार्गावर आहेत. आज सकाळी 8 वाजेपर्यंत उपलब्ध माहितीनुसार, वाया गेलेल्या मात्रांसह एकूण 44,29,95,780 मात्रा देण्यात आल्या आहेत.
- केंद्र सरकारने सर्व राज्ये तसेच केंद्रशासित प्रदेशांना भारतीय वैद्यक संशोधन परिषदेबरोबर (ICMR) विचारविनिमय करून आपापल्या राज्यात सिरो सर्वेक्षण करण्याचा सल्ला दिला आहे. अशा सर्वेक्षणाचा जिल्हा निहाय डेटा तयार करावा, जेणेकरून सार्वजनिक आरोग्यासंबंधी उपाय योजना निश्चित करण्यासाठी अशा प्रकारची स्थानिक माहिती महत्त्वपूर्ण ठरेल. केंद्रीय आरोग्य सचिवांनी सर्व राज्यांचे अतिरिक्त मुख्य सचिव किंवा मुख्य सचिव किंवा आरोग्य सचिव यांना एका पत्राद्वारे ही सूचना केली आहे.
- कोविड बीईईपी म्हणजेच कोविड बीप ची मोठ्या प्रमाणात निर्मिती करण्यासाठी केंद्र सरकार पाऊले उचलत असल्याचे केंद्रीय विज्ञान आणि तंत्रज्ञान राज्य मंत्री (स्वतंत्र कार्यभार ) डॉ जितेंद्र सिंह यांनी आज लोकसभेत एका प्रश्नाच्या उत्तरादाखल पटलावर ठेवलेल्या माहितीमध्ये नमूद केले आहे. कोविड बीप ही कोविड रुग्णांच्या तब्बेतीच्या मापदंडावर देखरेख ठेवणारी भारताची पहिली स्वदेशी, किफायतशीर आणि वायररहित प्रणाली असल्याचे त्यांनी म्हटले आहे. हैदराबादच्या ईएसआयसी वैद्यकीय महाविद्यालयाने,इलेक्ट्रोनिक्स कॉर्पोरेशन ऑफ इंडिया आणि अणु उर्जा विभागाच्या सहकार्याने कोविड बीप विकसित केले आहे.
M.Chopade/P.Malandkar
सोशल मिडियावर आम्हाला फॉलो करा: 
@PIBMumbai 
/PIBMumbai 
/pibmumbai 
pibmumbai[at]gmail[dot]com
(Release ID: 1740084)
Visitor Counter : 163