মন্ত্রীমন্দল

এপারেল/গার্মেন্তশিং অমসুং মেদ-অপশিং এক্সপোর্ত তৌবদা রিবেত ওফ স্তেত এন্দ সেন্ত্রেল তেক্সেস এন্দ লেবিস(আর.ও.এস.সি.তি.এল.) মখাতানা লৈহন্নবা সরকারনা অয়াবা পীখ্রে

হৌজিক লৈরিবা চাং অসিদা আর.ও.এস.সি.তি.এল. ২০২৪গী মার্চ ৩১ ফাওবা শাংদোক্লগনি

স্তেবল ওইবা অমসুং প্রেদিক্তেবল পোলিসী রিজিম অমা লৈহল্লগনি

গ্লোবেল্লী কম্পিতিতিব ইন্দিয়ন তেক্সতাইলশিং এক্সপোর্ত তৌবা হেনগৎহল্লগনি

স্তার্তঅপশিং অমসুং এন্তরপ্রিনরশিংনা এক্সপোর্ত তৌবা হেনগৎহল্লগনি

থবক লাখ কয়া ফংহল্লগনি অমসুং ইকোনোমিক গ্রোথ লৈহল্লগনি

Posted On: 14 JUL 2021 3:56PM by PIB Imphal

প্রধান মন্ত্রী শ্রী নরেন্দ্র মোদী জিনা থৌবুরেল ওইদুনা ফমখিবা য়ুনিয়ন কেবিনেতনা এপারেল/গার্মেন্তশিং(চেপ্তর-৬১ অমসুং ৬২) অমসুং মেদ-অপশিং(চেপ্তর-৬৩) রিমিসন ওফ দ্যুতীস এন্দ তেক্সেস ওন এক্সপোর্তেদ প্রদক্স(আর.ও.দি.তি.ই.পি.) স্কিমগী মনুং চলহন্দনা এক্সপোর্ত তৌনবা তেক্সতাইল মন্ত্রালয়না ২০১৯গী মার্চ ৮দা থোকখিবা নোতিফিকেসন অদুগী মতুং ইন্না রিবেত ওফ স্তেত এন্দ সেন্ত্রেল তেক্সেস এন্দ লেবিস (আর.ও.এস.সি.তি.এল.) মমাংগী মতমদা লৈরম্লিবা রেত অদু থমদুনা মখা চত্থনবা অয়াবা পীখ্রে৷ স্কিম অসি ২০২৪গী মার্চ ৩১ ফাওবা শাংদোক্লগনি৷ হিরম অসিগী মতাংদা খঙহল্লকদৌরিবা নুমিৎ অদুদগী হৌদুনা কম্মর্স দিপার্তমেন্তনা ফাইনেলাইস তৌখ্রবা অতোপ্পা প্রদক্তশিং অদুগা লোইননা আর.ও.এস.সি.তি.এল.গী মনুং চন্দনা আর.ও.দি.তি.ই.পি.গী মখাদা লৈরিবা অতোপ্পা তেক্সতাইল প্রদক্তশিংনা (চেপ্তর-৬১, ৬২ অমসুং ৬৩ য়াওদনা) কান্নবা অসি লৌবা য়ারগনি৷

এপারেল/গার্মেন্তশিং অমসুং মেদ-অপশিংগীদমক আর.ও.এস.সি.তি.এল. মখা চত্থরকপা অসিনা মেকানিজম অমা হেক্তদা হৌজিক হৌজিক হন্দোক্তনা লৈরিবা এম্বেদেদ তেক্সশিং/লেবিস পুম্নমক হন্দোক্তুনা প্রদক্তশিং অসি গ্লোবেল্লী কম্পিতিতিব ওইহল্লগনি হায়না পানরি৷ মসিনা স্তেবল অমসুং প্রেদিক্তেবল পোলিসী রিজিম অমা ওইহল্লগনি অমসুং ইন্দিয়ন তেক্সতাইল এক্সপোর্তরশিংদা লেবেল প্লেইং ফিল্দ অমা ফংহল্লগনি৷ মখাতানা, মসিনা স্তার্তঅপশিং অমসুং এন্তরপ্রিনরশিংনা প্রদক্তশিং এক্সপোর্ত তৌবা হেনগৎহল্লগনি অমসুং থবক লাখ কয়া ফংহল্লগনি৷

এক্সপোর্তেদ প্রদক্তশিং তেক্স রিফন্দ তৌবা

এক্সপোর্তরশিংগী মালেমগী মার্কেৎতা লেবেল প্লেইং ফিল্দ অমা লৈহন্নবা তেক্সশিং অমসুং দ্যুতীশিং এক্সপোর্ত তৌরোইদবনি হায়বসি মালেম অসিনা য়ানরবা ৱাফম্নি৷ অসিগীসু মথক্তা,  হান্না রিফন্দ তৌখ্রবা দ্যুতীশিং অমসুং জি.এস.তি. ইম্পোর্ত তৌননবা,  এক্সপোর্তরশিংদা  রিফন্দ তৌদ্রিবা কেন্দ্র, রাজ্য অমসুং লোকেল গভর্মেন্তনা লৌবা অতোপ্পা তোঙান তোঙানবা তেক্সশিং/দ্যুতীশিং লৈ৷ হায়রিবা তেক্সশিং অমসুং লেবিসশিং অসি এক্সপোর্ত তৌগদৌরিবা প্রদক্ত অদুগী মমলদা হাপচিল্লি৷ অসিগুম্বা তেক্সশিং অমসুং লেবিসশিং হাপচিল্লকপা অসিনা ইন্দিয়ন এপারেল অমসুং মেদ-অপশিংগী মমল ৱাংখৎহল্লে অমসুং পোত্থোকশিং অসি মালেমগী মার্কেৎতা কম্পিত তৌবা মতমদা অরুবা ফিভম অমদা লৈহল্লে৷

তেক্সশিং অমসুং লেবিসশিং রিফন্দ তৌদ্রিবা অমসুং দাইরেক্লী অমসুং ইন্দাইরেক্লী তেক্সকী মনুং চল্লিবা দ্যুতীশিং, সেসশিং অদুদি মখাদা পীরি:-

    ১.  পোৎ-চৈশিং পুথোক-পুশিন তৌবদা, পৱার পুথোকপদা অমসুং ফার্ম সেক্তরদা শিজিন্নরিবা ফ্যুলদা লৌরিবা সেন্ত্রেল অমসুং স্তেত তেক্সেস, দ্যুতীশিং অমসুং সেসশিং৷

    ২.  মন্দি তেক্স

    ৩.  প্রদক্সন চেনগী লেবেল পুম্নমক্কী ইলেক্ত্রিসিতী চার্জতা দ্যুতী লৌবা

    ৪.  স্তাম্প দ্যুতী

    ৫.  ইম্প্যুত খুদম ওইনা তিল হিদাকশিং, হারনচিংবদা থিরিবা জি.এস.তি.৷

    ৬.  অনরেজিস্তর দিলরনচিংবদগী পোৎ-চৈ লৈবদা থিরিবা জি.এস.তি.৷

    ৭.  কোইলাদা নত্রগা অতোপ্পা প্রদক্তশিংদা লৌরিবা সেস

লৌরিবা তেক্সশিং, সেসশিং অমসুং দ্যুতীশিং অসি রিফন্দ তৌবগী তঙাই ফদবা অদু খঙলদুনা, তেক্সতাইল মন্ত্রালয়না ২০১৬তা রিবেত ওফ স্তেত লেবিস(আর.ও.এস.এল.) হায়না মমিং লৌবা স্কিম অমা লোঞ্চ তৌখি৷ স্কিম অসিদা, তেক্সতাইল মন্ত্রালয়গী বদজেৎ অদু শিজিন্নদুনা এপারেল, গার্মেন্ত অমসুং মেদ-অপশিংগী এক্সপোর্তরশিংদা লৈরিবা তেক্সশিং অমসুং লেবিসশিং অদু রিফন্দ তৌখ্রে৷ ২০১৯দা, তেক্সতাইল মন্ত্রালয়না রিবেত ওফ স্তেত এন্দ সেন্ত্রেল তেক্সেস এন্দ লেবিস(আর.ও.এস.সি.তি.এল.) হায়না মমিং থোনবা অনৌবা স্কিম অমা ফোংখি৷ মসিগী স্কিম অসিগী মখাদা, এক্সপোর্তেদ প্রদক্তা য়াওরিবা তেক্সশিং অমসুং লেবিসশিংগী ভেল্যুগীদমক এক্সপোর্তরশিংদা দ্যুতী ক্রেদিৎ স্ক্রিপ অমা ইসু তৌখি৷ এক্সপোর্তরশিংনা ইক্ব্যুইপমেন্ত, মেছিনরী নত্রগা অতোপ্পা ইম্প্যুত ইম্পোর্ত তৌনবগী বেসিক কস্তম্স দ্যুতী থিবা মতমদা মসিগী স্ক্রিপ অসি শিজিন্নবা য়াগনি৷

আর.ও.এস.সি.তি.এল. লোঞ্চ তৌরবা চহি অমগী হেক মতুংদা, লাইনা-লাইচৎ লাকখ্রে অমসুং মসিনা মরম ওইদুনা এক্সপোর্তরশিংগীদমক স্তেবল পোলিসী রিজিম খরা ফংহনবগী তঙাই ফদবা লৈখ্রে৷ তেক্সতাইল ইন্দস্ত্রীদা, বাইয়রশিংনা লোঙ্গ তর্ম ওর্দরশিং তৌই অমসুং এক্সপোর্তরশিংনা মখোয় মখোয়গী থবক থৌরমশিং অদু মাংজৌননা প্লান তৌগদবনি, প্রদক্তশিং এক্সপোর্ত তৌনবগী লৈরিবা পোলিসী অসি স্তেবল ওইগদবনি৷ ৱাখল্লোন অসি থমদুনা, তেক্সতাইল মন্ত্রালয়না আর.ও.এস.সি.তি.এল. স্কিম অসি মখাতানা ২০২৪গী মার্চ ৩১ ফাওবা তোখায়না ইন্দিপেন্দেন্ত ওইবা স্কিম অমা ওইনা শাংদোক্নবা ৱারেপখি৷

আর.ও.এস.সি.তি.এল. স্কিম  মখা চত্থরকপা অসিনা অহেনবা ইনবেস্তমেন্তশিং লাকহনবদা মতেং পাংলগনি অমসুং মীওই কয়া অমদা মরু ওইনা নুপীশিংদা থবক লাখ কয়া দাইরেক্লী অমসুং ইন্দাইরেক্লী ফংহল্লগনি৷

******



(Release ID: 1735752) Visitor Counter : 31