প্রধানমন্ত্রীগী লোইশঙ
প্রধান মন্ত্রীনা জুলাই ১৩দা তোকিও ওলেম্পিক্সকী ইন্দিয়ন শান্নরোয় কন্তিজেন্তশিংগা উনগনি
Posted On:
11 JUL 2021 3:42PM by PIB Imphal
প্রধান মন্ত্রী, শ্রী নরেন্দ্র মোদীনা জুলাই ১৩গী নুমিদাং পুং ৫ তাবা মতমদা ভিদিও কনফরেন্সকী খুত্থাংদা তোকিও ওলেম্পিক্সকী ইন্দিয়ন শান্নরোয় কন্তিজেন্তশিংগা উনগনি।
প্রধান মন্ত্রীগা উনগদৌরিবা অসি শান্নরোয়শিং অসিবু মখোয়না মশান্নশিং অসি শরুক য়ান্নবা খোঙশানবা অসিদা পুক্নিং থৌগৎপনি। মহাক্না হন্দক্তা তোকিও-২০২০দা ভারতকী কন্তিজেন্তগী ফেসিলিতেসনগী শেম-শাবশিং য়েংশিনখিবনি। মহাক্না মনকী বাত্তা শান্নরোয় খরদা পুক্নিং থৌগৎপা খোঙচৎকীদমক ৱারী শাখি, মসিদা নত্তনা লৈবাক পুম্বা থোক্লতুনা মখোয়বু থৱায় য়াওনা শৌগৎননবা তকশিনখি।
থৌরম অসি য়ুথ এফিয়র্স অমসুং স্পোর্তকী মিনিস্তর শ্রী আনুরাগ থাকুর, য়ুথ এফিয়র্স অমসুং স্পোর্তকী এম.ও.এস. নিশিথ প্রমানিক অমসুং লো মিনিস্তর শ্রী কিরেন রিজিজুসু শরুক য়াখি।
ইন্দিয়ন কন্তিজেন্তগী মরমদা
ভারত্তগী তোকিওদা খোঙশানগদৌরিবা অসিদা পুন্না মশান্না ১৮গী শান্নরোয় ১২৬ য়াওরি। হায়রিবা অসি ভারতনা ওলেম্পিক্সতা থাবা খ্বায়দগী য়াম্বনি। মশান্না ১৮দা ইভেন্ত ৬৯ য়াওদুনা ভারতনা শরুক য়াগদৌরিবা অসি লৈবাক অসিগী খ্বায়দগী য়াম্বা ওইরি।
শরুক য়াগদৌরিবা অসিদা অহানবা মনা ফংবা য়াবা কয়া অমা য়াওরি। পুৱারীগী ওইনা অহানবা, ভারত্তগী ফেন্সর (ভাবানি দেবী)না ওলেম্পিক্স গেম্সতা ক্বালিফাইদ ওইরি। নেথ্রা কুমানান অসিসু নুপী মরক্তগী অহানবা ওলেম্পিক্স গেম্সতা ক্বালিফাইদ ওইরি। সাজন প্রকাশ অমসুং শ্রীহারি নাতারাজনা ভারত্তগী অহানবা ওইনা শ্বিমিংদা “এ” ফংদুনা ওলেম্পিক্স গেম্সতা ক্বালিফাইদ ওইরি।
*****
(Release ID: 1734658)
Visitor Counter : 166
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam