ہندستان کے صدر جمہوریہ جناب رام ناتھ کووند نے جمہوریہ کولمبیا، ارگوے، جمائیکا  اور ریپبلک آف آرمینیا کے سفریوں/ہائی کمشنروں کی اسناد آج (6جولائی 2021) کو ایک ورچوئل تقریب میں قبول کیں۔ جن لوگوں نے اپنی اسناد پیش کیں وہ ہیں : ۔

.1     عزت مآب محترمہ ماریانا پیچیکو مونٹیس، جمہوریہ کولمبیا کی سفیر

.2     عزت مآب البرٹو انٹونیو گانی امریلا ، ارگوئے کے سفیر

.3     عزت مآب جناب جین کیٹس میتھیو ہال، جمائکا کے ہائی کمشنر

.4     عزت مآب جناب یوری بابا کھنیان، جمہوریہ آرمینیا کے سفیر

اس موقع پر اظہار خیال کرتے ہوئے صدر جمہوریہ نے ان سفیروں کو انکے تقرر پر مبارک باد دی۔ انہوں نے کہا کہ ہندستان کے تمام ملکوں کے ساتھ گرمجوش اور دوستانہ تعلقات ہیں اور ہمارے تعلقات امن اور خوشحالی کے یکساں نظرئیے پر مبنی ہیں۔

صدر کو وند نے کہا کہ ہندستان کووڈ 19-عالمی وباء سے نمٹنے کی ایک فیصلہ کن اور مربوط کارروائی کی عالمی کوششوں میں پیش پیش ہے تاکہ ہماری اجتمائی صحت اور اقتصادی بہبود کو یقینی بنایا جا سکے ۔ انہوں نے مزید کہا کہ دنیا میں دواسازی کے مرکز کے طور پر ہندستان نے کووڈ کے خلاف عالمی لڑائی میں متعدد ملکوں کو مطلوبہ ادویات اور طبی آلوت فراہم کرکے ان کی مدد کی ہے۔

سفیروں/ہائی کمشنروں نے اپنی قیادت کی جانب سے نیک تمنائیں پیش کیں اور ہندستان کے ساتھ اپنے تعلقات مستحکم کرنے کے لیے مسلسل کام کرنے کا عزم ظاہر کیا ۔

*******

ش ح،ع س، ج

U.No. : 6253