राष्ट्रपती कार्यालय
चार देशांच्या राजदूतांनी व्हिडिओ कॉन्फरन्सच्या माध्यमातून राष्ट्रपतींना परिचय - पत्र सादर केली
Posted On:
06 JUL 2021 9:25PM by PIB Mumbai
नवी दिल्ली, 6 जुलै 2021
राष्ट्रपती राम नाथ कोविंद यांनी आज (6 जुलै 2021) एका आभासी समारंभात कोलंबिया प्रजासत्ताक, उरुग्वे, जमैका आणि आर्मेनिया प्रजासत्ताकचे राजदूत / उच्चायुक्त यांची परिचय - पत्र स्वीकारली. पुढील राजदूत/उच्चायुक्तांनी परिचय - पत्र सादर केली -
1. महामहिम मारियाना पचेको मोंटेस, कोलंबियाच्या राजदूत
2. महामहिम अल्बर्टो एंटोनियो गुआनी अमरिला, उरुग्वेचे राजदूत
3. महामहिम जेसन कीट्स मैथ्यू हॉल, जमैकाचे उच्चायुक्त
4. महामहिम यूरी बाबाखानयन, आर्मेनियाचे राजदूत
![](https://static.pib.gov.in/WriteReadData/userfiles/image/RA4_0400ICBJ.JPG)
![](https://static.pib.gov.in/WriteReadData/userfiles/image/RA4_0408YO6Z.JPG)
![](https://static.pib.gov.in/WriteReadData/userfiles/image/RA4_0414B4YA.JPG)
![](https://static.pib.gov.in/WriteReadData/userfiles/image/RA4_0417305R.JPG)
यावेळी बोलताना राष्ट्रपतींनी त्यांच्या नियुक्तीबद्दल राजदूतांना शुभेच्छा दिल्या. ते म्हणाले की, भारताचे सर्व देशांशी मैत्रीपूर्ण संबंध आहेत आणि आमचे संबंध शांतता व समृद्धीच्या समान दृष्टिकोनातून खोलवर रुजले आहेत.
राष्ट्रपती कोविंद यांनी नमूद केले की सामूहिक आरोग्य व आर्थिक कल्याण सुनिश्चित करण्यासाठी कोविड -19 रोगाला निर्णायक व समन्वित प्रतिसाद देण्याच्या जागतिक प्रयत्नात भारत आघाडीवर आहे. ते पुढे म्हणाले की, ‘फार्मसी ऑफ द वर्ल्ड’ म्हणून भारताने कोविडविरूद्धच्या जागतिक लढाईत अनेक देशांना आवश्यक औषधे आणि उपकरणे पुरवून मदत केली आहे.
राजदूतांनी /उच्चायुक्तांनी आपापल्या नेत्यांच्या वतीने शुभेच्छा दिल्या आणि भारताशी असलेले संबंध दृढ करण्यासाठी काम करण्याच्या बांधिलकीचा पुनरुच्चार केला.
M.Chopade/S.Kane/P.Malandkar
सोशल मिडियावर आम्हाला फॉलो करा:
@PIBMumbai
/PIBMumbai
/pibmumbai
pibmumbai[at]gmail[dot]com
(Release ID: 1733210)
Visitor Counter : 219