വിദ്യാഭ്യാസ മന്ത്രാലയം
കേന്ദ്ര വിദ്യാഭ്യാസ സഹമന്ത്രി ശ്രീ സഞ്ജയ് ധോത്രെ നാളെ നടക്കുന്ന ബ്രിക്സ് വിദ്യാഭ്യാസ മന്ത്രിമാരുടെ യോഗത്തിൽ അധ്യക്ഷത വഹിക്കും
प्रविष्टि तिथि:
05 JUL 2021 4:44PM by PIB Thiruvananthpuram
ന്യൂഡൽഹി, ജൂലൈ 05, 2021
എട്ടാമത് ബ്രിക്സ് വിദ്യാഭ്യാസ മന്ത്രിമാരുടെ യോഗം നാളെ വെർച്വൽ ആയി നടക്കും. കേന്ദ്ര വിദ്യാഭ്യാസ സഹമന്ത്രി ശ്രീ സഞ്ജയ് ധോത്രെ യോഗത്തിൽ അധ്യക്ഷത വഹിക്കും. ഈ വർഷം ഇന്ത്യ ആതിഥേയത്വം വഹിക്കുന്ന 13-ാമത് ബ്രിക്സ് ഉച്ചകോടിയുടെ ഭാഗമായാണ് ഈ യോഗം നടക്കുന്നത്. അഞ്ച് ബ്രിക്സ് അംഗരാജ്യങ്ങളിൽ നിന്നുള്ള വിദ്യാഭ്യാസ മന്ത്രിമാർ മുതിർന്ന ഉദ്യോഗസ്ഥരോടൊപ്പം യോഗത്തിൽ പങ്കെടുക്കും.
ഇതിനുമുന്നോടിയായി, ബ്രിക്സ് നെറ്റ്വർക്ക് യൂണിവേഴ്സിറ്റികളുടെ ഇന്റർനാഷണൽ ഗവേണിംഗ് ബോർഡ് (IGB) ജൂൺ 29 ന് യോഗം ചേർന്നിരുന്നു. ഈ സംരംഭത്തിൽ അംഗരാജ്യങ്ങൾ ഇതുവരെ കൈവരിച്ച പുരോഗതി പരിശോധിക്കാനും അത് മുന്നോട്ട് കൊണ്ടുപോകാനുള്ള വഴികൾ ചർച്ചചെയ്യാനുമായിരുന്നു യോഗം ചേർന്നത്.
വെർച്വൽ രീതിയിൽ ഉൾപ്പെടെ ബ്രിക്സ് അംഗരാജ്യങ്ങൾക്കിടയിൽ അക്കാദമിക, ഗവേഷണ സഹകരണം വർദ്ധിപ്പിക്കുന്നതിനുള്ള സംവിധാനങ്ങളുടെ വികസനം പ്രോത്സാഹിപ്പിക്കേണ്ടതിന്റെ ആവശ്യകതയെക്കുറിച്ച് ഐ ജി ബി ഊന്നിപ്പറഞ്ഞു.
നാളെ നടക്കാനിരിക്കുന്ന ബ്രിക്സ് വിദ്യാഭ്യാസ മന്ത്രിമാരുടെ യോഗത്തിന് മുന്നോടിയായി ജൂലൈ 2-ന് ബ്രിക്സ് രാജ്യങ്ങളിൽ നിന്നുള്ള മുതിർന്ന വിദ്യാഭ്യാസ ഉദ്യോഗസ്ഥരും യോഗം ചേർന്നിരുന്നു.
RRTN/SKY
(रिलीज़ आईडी: 1733034)
आगंतुक पटल : 224