কোবিদ-১৯গী অনিশুবা ৱেবনা মরু ওইনা হেল্থকিয়র সেক্তরদা থোকহনখিবা অপনবশিং অসি য়েংলগা প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দল মীফমনা হেল্থ/মেদিকেল ইনফ্রাস্ত্রকচরগা মরী লৈনবা ব্রাউনফিল্দ চাউথোকপা অমসুং গ্রীনফিল্দ প্রোজেক্তশিংগী ফাইনান্সিএল গরেন্তী কভর পীনবা লুপা করোর ৫০,০০০গী মখাদা লোন গরেন্তী স্কিম ফোর কোবিদ এফেক্তেদ সেক্তরস (এল.জি.এস.সি.এ.এস.)দা ফন্দিং তৌবদা অয়াবা পীখ্রে।

মন্ত্রী-মন্দলনা হেল্থকিয়র ফগৎহন্নবা মরী লৈনবশিং য়াওনা অতৈ সেক্তরশিং/লেন্দরশিংগীদমক স্কিম অমা চৎনহনবদা অয়াবা পীখ্রে। ওইরক্লিবা ফীভম অসিগী মখা পোন্না মতম খরগী মনুংদা অকুপ্পা মরোল য়াওবা মোদেলিতীশিংগী অরোইবা ৱারেপ লৌরগনি।

মসিগী মথক্ত মন্ত্রী-মন্দলনা ইমর্জেন্সী ক্রেদিৎ লাইন গরেন্তী স্কিম (ই.সি.এল.জি.এস.)গী মখাদা লুপা করোর ১,৫০,০০০ ফাওবগী অহেনবা ফন্দিং তৌবদসু অয়াবা পীখ্রে।

পান্দমশিং:

এল.জি.এস.সি.এ.এস.: ৩১.০৩.২০২২ ফাওবা সেঙ্কসন তৌখিবা নত্ত্রগা লুপা করোর ৫০,০০০গী শেনফম ফাওবা সেঙ্কসন তৌখিবা ইলিজিবল লোন পুম্নমক্তা, অহানবা অমদা স্কিম অসি চৎনগনি।

ই.সি.এল.জি.এস.: মসি হৌজিক চত্থরিবা স্কিম অমনি। গরেন্তী ইমর্জেন্সী ক্রেদিৎ লাইন (জি.ই.সি.এল.)গী মখাদা ৩০.০৯.২০২১ ফাওবদা নত্ত্রগা জি.ই.সি.এল.গী মখাদা লুপা করোর লাখ লিশিং য়াংখৈ ফাওবগী শেনফম সেঙ্কসন তৌখি ইলিজিবল ওইনা সেঙ্কসন তৌখিবা লোন পুম্নমক্তা, অহানবা অমদা, স্কিম অসি চৎনগনি।

কান্নবা:

এল.জি.এস.সি.এ.এস.: কোবিদ-১৯গী অনিশুবা ৱেব থোরকপা অসিদা হেল্থ ইনফ্রাস্ত্রকচরগী অৱাৎপা লৈরকপনা মরম ওইরগা লৈবাক অসিদা অমুক্তা থোকখিদ্রিবা ফীভম অমা উবা ফংলকপদা অখন্নবা রেস্পোন্স ওইনা এল.জি.এস.সি.এ.এস. অসি শেমখি। অয়াবা পীখ্রবা স্কিম অসিনা অহেনবা থবক্কী খুদোংচাবশিং পীবগা লোইননা হেল্থকিয়র ইনফ্রাস্ত্রকচরগী মথৌ তাবশিং থুংহনবদা লৈবাক অসিগী মতেং ওইরগনি হায়না পান্নরি। এল.জি.এস.সি.এ.এস.গী মপুং ওইবা পান্দমদি ক্রেদিৎ রিস্ক খরা মখৈদা ওইরবসু হন্থহনবা (মপুং ওইনা কনস্ত্রক্সন রিস্ক) অমসুং খ্বাইদগী অনেম্বা শেন্দোইগী চাংশিংদা বেঙ্ক ক্রেদিৎ ফংহনবা অসিনি।

ই.সি.এল.জি.এস.: মসি হৌজিক চত্থরিবা স্কিম অমনি অমসুং হন্দক্তা শেন্মীৎলোনগী তোঙান তোঙানবা সেক্তরশিংদা লৈরিবা বিজিনেসশিংদা কোবিদ-১৯ লাইচৎকী অনিশুবা ৱেব অসিনা থোকহনবা অপনবশিং অসি য়েংলগা সরকারনা ই.সি.এল.জি.এস.কী স্কোপ চাউথোকহনখি। চাউথোকহনবা অসিনা অতাবা শেনফমদা লুপা করোর লাখ ১.৫ ফাওবগী অহেনবা ক্রেদিৎ তৌবা য়ান্নবা ইন্সতিত্যুসনশিংদা ইনসেন্তিভাইজ তৌদুনা শেম্মীৎলোনগী তোঙান তোঙানবা সেক্তরশিংদা মথৌ তাবা তেংবাং পীরবা য়াই হায়না পান্নরি, অসুম তৌবনা বিজিনেস ইন্তরপ্রাইসশিংনা মখোয়গী চল্লাইনবগী লাইএবিলিতীশিং থুংহনবা অমসুং মখোয়গী বিজিনেসশিং মখা চত্থবা ঙমহল্লি। হৌজিক ওইরিবা অমুক্তা থোকখ্রিদ্রিবা ফীভম অসিদা মখা তানা মথৌ তৌনবা এম.এস.এম.ই.শিংদা মতেং পাংবগী মথক্তা স্কিম অসিনা শেন্মীৎলোন অমসুং মসি হিংগৎহনবদা অফবা শাফু অমা পীরগনি হায়নসু পান্নরি।

বেকগ্রাউন্দ:

এল.জি.এস.সি.এ.এস.: কোবিদ-১৯গী অনিশুবা ৱেবনা থোকহনবা কোবিদ-১৯ লাইচৎনা মরম ওইদুনা থোকহনবা খুদোংথিবা অসি মায়োক্ননবা সরকারনা তোঙান তোঙানবা থৌরাংশিং পাইখৎখি। হন্দক্কী ৱেব অসিনা হেল্থ ফেসিলিতীশিং লোইননা সেক্তর কয়াদা লৈরিবা হিংনবগী পাম্বৈশিং অমসুং বিজিনেস ইন্তরপ্রাইসশিংদা চাউনা শাফু পীখি। হন্দক্কী ৱেব অসিনা হেল্থ সেক্তরদা পব্লিক অমসুং প্রাইবেৎ ইনভেস্তমেন্ত তৌবা হেনগৎহনবগী মথৌ তাবা অদু মবেক শেংনা তাকখি। মসি লৈবাক শিনবা থুংনা মেত্রো সহরশিংদগী তায়র V অমসুং VI তাউনশিং ফাওবা লোইননা খুঙ্গংগী মফমশিংদা মথৌ তাই। মথৌ তারিবশিং অসিদা অহেনবা হোস্পিতাল বেদশিং, আই.সি.য়ু.শিং, দাইগ্নোস্তিক সেন্তরশিং, ওক্সিজেন ফেসিলিতীশিং, তেলিফোন নত্ত্রগা ইন্তরনেৎতা য়ুম্ফম ওইবা মেদিকেলগী ওইবা পাউতাক অমসুং সুপরভিজন, তেস্তিং ফেসিলিতীশিং অমসুং সপ্লাইশিং, ভেক্সিনশিংগী কোল্দ চেন ফেসিলিতীশিং, হীদাক-লাংথকশিং অমসুং ভেক্সিনশিংগী মোদেম ৱেয়রহাউসিং, ত্রাইএজকী আইসোলেসন ফেসিলিতীশিং, সীরিঞ্জশিং অমসুং ভাইলশিং অসিনচিংবা এন্সিলরী সো্লাইশিংগী প্রদক্সন হেনগৎহনবা য়াওরি। প্রপোজ তৌখিবা এল.জি.এস.সি.এ.এস. অসিনা লৈবাক অসিদা মেদিকেল ইনফ্রাস্ত্রকচর ফগৎহনবদা পান্দম থমখি মরু ওইনা খুদোংচাবা ফংদ্রিবা মফমশিংদা তার্গেৎ তৌরি। এল.জি.এস.সি.এ.এস.না মেত্রোপিলিতেন তায়র ১ সহরশিং (ক্লাস X সহরশিং)গী মথক্তা অর্বান নত্ত্রগা রুরেলগী মফমশিং লিংখৎপা লুপা করোর ১০০ ফাওবগী লোন সেঙ্কসন তৌখিবা ব্রাউনফিল্দ প্রোজেক্তশিংগী চাদা ৫০ অমসুং গ্রীনফিল্দ প্রোজেক্তশিংদা চাদা ৭৫ গী গরেন্তী অমা পীগনি। এস্পিরেস্নেল দিস্ত্রিক্তশিংগী ওইনা ব্রাউনফিল্দ চাউথোকপা অমসুং গ্রীনফিল্দ প্রোজেক্তশিং অনিমক অসিগী ওই চাদা ৭৫ গরেন্তী কভর তৌগনি।

ই.সি.জি.এস.: হৌখিবা চয়োল খরদা ভারত্তা কোবিদ-১৯ লাইচৎ অমুক হন্না হেনগৎলকপা অমসুং মসিগা মরী লৈননা লোকেল/রিজনেল থাক্তা লাকশিন্নবা লৌখৎপা খোঙথাংশিংনা নৌনা শিংনবশিং থোকহল্লকখ্রে অমসুং ফীফম ফগৎলক্লবা শেন্মীৎলোন্দা চাওনা চৈথেং পীখি। মসিগী ইনভাইরনমেন্ত অসিদা খ্বাইদগী শোকহল্লিবা বোরোৱরশিংগী কাংলুপতি ইন্দিবিজ্যুল বোরোৱরশিং, অপীকপা ললোল ইতিকশিং অমসুং এম.এস.এ.ই.শিংনা ওইবনা মসিগীদমক জি.ও.আই.না তার্গেতেদ পোলিসী রেস্পোন্স অমা ওইনা ই.সি.এ.জি.এস. হৌদোকখি। ই.সি.এ.জি.এস.কী দিজাইন্দা মথৌ তারিবশিংদা থুনা রেস্পোন্স পীবগী ফ্লেক্সিবিলিতী অসি লুপা লাখ করোর ৩গী হেদরুমগী মনুং চনবা ই.সি.এ.জি.এস. ২.০, ৩.০ অমসুং ৪.০ হৌদোকপগা লোইননা ৩০.০৫.২০২১দা লাউথোকখিবা অহোংবশিংনা মশক তাক্লি। হৌজিক ফাওবগী ওইনা ই.সি.এ.জি.এস.গী মখাদা লুপা লাখ করোর ২.৬কী শেন্থংশিং কাইথখ্রে। হন্দক্তা ০৪.০৬.২০২১দা আর.বি.আই.না ৱান তাইম রিস্ত্রকচরগী লিমিৎ লুপা করোর ৫০দা হেনগৎনবা লাওথোকখিবা অহোংবশিং অসিনা মখাতানা মসি হেনগৎলকপা য়াই হায়না পানরি।

*******