নিতি আয়োগনা অসিগুম্বা ইন্সতিত্যুসনশিংদা লৈরিবা ইনফোর্মেসন গেপ অসি লৈহনদনবা অমসুং লম অসিদা অফবা পোলিসীমেকিংগী খুদোংচাবা লৈহন্নবা মাইকৈদা চংশিনবা খোঙথাং অমা ওইনা  লৈবাক অসিদা লৈরিবা নোৎ-ফোর-প্রোফিৎ হোস্পিতাল মোদেলগী মতাংদা পুম্নমক শুনা য়াওরবা স্তদী অমা ঙসি ফোঙখ্রে।

নিতি আয়োগকী মেম্বর (হেল্থ) ওইরিবা দা. ভি.কে. পোলনা হায়, “প্রাইবেৎ দোমেনদা হেল্থ সেক্তর চাউথোক্নবা শেল থাদবগী চাং অসি য়াম্না নেম্মি। ঙরাং লাউথোকখিবা স্তিম্যুলস অদুনা ঐখোয়দা ফীভম অসি অহোংবা পুরক্নবগী খুদোংচাবা অমা পীরি। নোৎ-ফোর-প্রওফিৎ সেক্তরগী রিপোর্ত অসি মাইকৈ অসিদা চংশিনবগী অপিকপা খোঙথাং অমনি”।

রিপোর্ত অসি সি.ই.ও. ওইরিবা মিস্তর অমিতাব কান্ত, এদিস্নেল সেক্রেতরী ওইরিবা দা. রাকেশ সর্বাল অমসুং স্তদী অসিদা শরুক য়াখিবা লৈবাক অসিগী হোস্পিতালশিংগী মীহুৎশিংগী মমাংদা নিতি আয়োগকী মেম্বর ওইরিবা দা. ভি.কে. পোলনা ফোঙখি।

স্তদী অসিনা নোৎ-ফোর-প্রোফিৎ হোস্পিতালশিংদা লৈরিবা ওপরেসন মোদেল অসিগী মরমদা খঙহনখি। মসিনা ওনরশিপ অমসুং প্রেমিস ওফ সর্ভিসকী মখাদা কেতগোরাইজ তৌবা অদুগুম্বা হোস্পিতালশিংগী রিসর্চ-বেজ ফাইন্দিংশিং পীরি অমসুং প্রাইবেৎ হোস্পিতালশিং অমদি কেন্দ্র সরকারগী হেল্থ স্কিমশিংগা লোইননা চাংদম্নরি।

নিতি আয়োগনা লৈবাক অসিগী প্রাইবেৎ সেক্তর হেল্থকিয়র-দেলিভরীগী মওং-মতৌ অসি কুপ্না থিজিনদুনা লাকখি। অমরোমদা ফোর-প্রোফিৎ হেল্থকিয়র প্রোভাইদরশিং অমসুং ইন্সতিত্যুসনশিংগী মরমদা ই-পাউ মরাং কাইনা লৈ অদুবু ক্বালিতী লৈবা হেল্থকিয়র মীপুম খুদিংদা ফংহন্নবা চোকথবা লৈতনা সর্ভিস তৌবদা খঙনরিবা নোৎ-ফোর-প্রোফিৎ হোস্পিতালশিংগী ওইনদি থাজবা য়াবা অমসুং নীংথিনা শেমদোক-শাদোক্লবা ই-পাউ মরাং কাইনা লৈতে।

নোৎ-ফোর-প্রোফিৎ হোস্পিতাল সেক্তরনা লাইনা-তিন্না লায়েংবতা নত্তনা ঙাকথোক্নবা হেল্থকিয়রসু ফংহল্লি। মখোয়না হেল্থকিয়রবু খুন্নাইদা অওনবা পুরকপা, মীয়ামগী ওইবা থবক্তা শরুক য়াবা, অমসুং এজুকেসনগা মরী লৈনহল্লি। মখোয়না সরকারগী রিসোর্সশিং অমসুং শেন্থংশিং শিজিন্দুনা মখোয়গী শেন্দোংশিংগী খনবা তৌদনা মীয়ামদা শেল চংদনা হেল্থকিয়র ফংহল্লি। অদুম ওইনমক চহি খরা অসিদা সেক্তর অসি য়েংশিনবিদনা লাকখি।

স্তদী অসিদা নোৎ-ফোর-প্রোফিৎ হোস্পিতালশিংনা ইমপ্লিমেন্ত তৌখিবা শেল-চংহনদবা লালোংশিংগী মরমদা কুপ্না খন্নখি। ইন্সতিত্যুসনশিং অসি চল্লাইবদা থেংনরিবা পোৎলুম অমদি মখোয়না খুমাং চাউশিনবদা পীরিবা অপনবশিংগী শীংনবশিং অসি খঙনবা হোৎনখি।

রিপোর্ত অসিনা শোর্ত- অমসুং লোং তর্ম পোলিসী ইন্তরভেন্সনশিং পুথোকখি – মখোয়শিং অদুগী মনুংদা খরদি হোস্পিতালশিং অসি মশক খঙদোক্নবা ক্রাইতেরিয়া শেম্বা, পর্ফোর্মেন্স ইন্দেক্স অমগী খুত্থাংদা মখোয়বু রেঙ্কিং পীবা অমসুং ফিলানথ্রোপী তৌনবা মকোক থোংবা হোস্পিতালশিং পুক্নিং থৌগৎপা অসিনি। শেল-থুমগী অৱাৎপা লৈবা অরাপ্পা মফমশিংদা হ্যুমেন রিসোর্সশিং মেনেজ তৌবদা হোস্পিতালশিং অসিনা খঙ-হৈরিবা অদু শিজিন্নবগী মথৌ তাবগী মতাংদসু ফোঙদোকখি।

রিপোর্ত অদু মসিদা পাবিয়ু।

***