পি.এম. নরেন্দ্র মোদীনা অয়োধ্যাগী চাউখৎ-থৌরাংগী থবক-থৌরম য়েংশিনখ্রে। য়ু.পি. সরকারগী ওফিসিএলশিংনা আয়োধ্যাগী চাউখৎ-থৌরাংগী তোঙান-তোঙানবা হীরমশিং কোনশিনখিবা প্রজেন্তেসন অমা উৎখ্রে।

অয়োধ্যাগী চাউখৎ-থৌরাং অসিনা লাইনিং-লাইশোনগী ওইবা মফম, মালেমগী তুরিজম হব অমসুং সস্তেনেবল স্মার্ত সিতী অমা ওইহন্নবা হোৎনরি।

পি.এম.দা অয়োধ্যাগী লৈরিবা লম্বী-থোং ফগৎহন্নবা পাইখৎকদৌরিবা অমসুং প্রপোজ তৌখ্রবা তোঙান-তোঙানবা ইনফ্রাস্ত্রকচর প্রোজেক্তশিংগী মরমদা পাউদমখ্রে। এয়পোর্তগী, রেলৱেজ স্তেসন চাউথোকপগী, বস স্তেসন, লম্বীশিং অমসুং হায়ৱেশিং অসিগুম্বা তোঙান-তোঙানবা প্রোজেক্তশিংগী মতাংদা খন্নখ্রে।

লাইনীংবশিংগী লৈফম-চাফমগী ফেসিলিতীশিং, আশ্রমশিং, মেথস, হোতেলশিং, তোঙান-তোঙানবা রাজ্যশিংগী ভৱনশিংগী মফম য়াওরিবা নৌনা শাগদৌরিবা গ্রীনফিল্দ তাউনশিপ অমগী মতাংদা খন্নখ্রে। তুরিস্ত ফেসিলিতেসন সেন্তর অমা, মালেমগী থাক্কী ম্যুজিয়ম অমাসু শাগদৌরি।

সরয়ু তুরেল অমদি মসিগী ঘাতশিংগী অকোইবদা ইনফ্রাস্ত্রকচর শেমগৎনবা অখন্নবা মীৎয়েং চংলি। সরয়ু তুরেলদা ক্রুজ ওপরেসন অসি রিগুলর ফীচর অমসু ওইহনগনি।

সহর অসিদা সাইক্লিস্তশিং অমসুং খোঙনা চৎপা মীওইশিংগী লম্বী মরাং কাইনা থম্বগা লোইননা সস্তেনেবিলিতী লৈহন্নবা মওংদা সহর অসি শেমগৎকনি। স্মার্ত সিতী ইনফ্রাস্ত্রকচর শিজিন্নদুনা অনৌবা মওং অমদা ত্রাফিক মেনেজমেন্তসু তৌগনি।

পি.এম.মা অয়োধ্যা অসি ভারত মচা খুদিংমক্কী কলচরগী ওইবা ৱাখল্লোন্দা চুদুনা লৈখ্রবা সহর অমনি হায়না ফোঙদোকখ্রে। অয়োধ্যানা ঐখোয়গী চৎনবী-নাৎকী খ্বাইদগী ফজবা অমসুং ঐখোয়গী চাউখৎ-থৌরাং পুরকপগী খ্বাইদগী অফবা অওনবগী খুদম ওইহনগদবনি
 

অয়োধ্যা অসি লাইনিং-লাইশোনগী ওইবা অমসুং ফজবা অনিমক ওই। সহর অসিগী মীওইবগী ৱাখল্লোন অসি তুরিস্তশিং অমসুং লাই খুরুম্বা চৎপা মীওইশিং য়াওনা মীপুম খুদিংমক্তা কান্নবা ফংহনগদবা অনৌবা ইনফ্রাস্ত্রচকচরগা চুনহনবা তাই।

পি.এম.না হৌরক্লিবা চারোনশিংনা মখোয়গী পুন্সিদা য়ামদ্রবদা অমুক্তং ওইরবসু অয়োধ্যদা চৎনীংবগী অপাম্বা অদু ফাওহনগদবনি হায়না ফোঙদোকখ্রে।

পি.এম. না হায় অয়োধ্যাগী চাউখৎ-থৌরাংগী থবক-থৌরমশিং অসি তুংলমচৎতসু মখা চত্থখিগনি। মসিগা লোইননা হৌজিক অয়োধ্যাবু চাউখৎপগী মথংগী থাক তম্না পুখৎনবা হোৎনবা হৌবা তাই। অয়োধ্যাগী মশক তাক্নবা ঐখোয়না পুন্না হোৎনমিন্নবা অমসুং অনৌবা পাম্বৈশিংগী খুত্থাংদা মসিগী কলচরগী মমল য়াম্লবা মগুনশিং অসি ঙাক্তুনা থমগদননি।

পি.এম.না হায় লোর্দ রামনা মীয়ামবু অমত্তা ওইনা পুনশিনবা ঙমখিবা অদুগুম্না অয়োধ্যাগী চাউখৎ-থৌরাংগী থবক-থৌরমশিং অসি মীয়াম্না মরু ওইনা নহারোশিংনা অফবা মওংদা শরুক য়াবগী ৱাখল্লোন অদুনা লমজিংগদবনি। মহাক্না ঐখোয়গী হৈথোই-শীংথোইরবা নহারোকশিংগী হৈশিংবশিং অদু সহর অসিগী চাউখৎ-থৌরাংদা শিজিন্ননবা হায়খ্রে।

মীফম অদুদা য়ু.পি.গী মুখ্য মন্ত্রী শ্রী য়োগী অদিত্যানাথ, উপ মুখ্য মন্ত্রী শ্রী কেশব প্রসাদ মৌরিয়া, উপ মুখ্য মন্ত্রী শ্রী দিনেশ শর্ম অমসুং য়ু.পি. সরকারগী অতৈ তোঙান-তোঙানবা মন্ত্রীশিংনা শরুক য়াখ্রে।

***