প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দল মীফমনা দাইরেক্ত বেনিফিৎ ত্রান্সফর (দি.বি.তি.)গী মখাদা কোনবশিং য়াওনা নেস্নেল ফুদ সেক্যুরিতী এক্তনা (নফসা) (অন্তিয়োদয় অন্ন য়োজনা অমসুং প্রাইওরিতী হাউসহোল্দস) কোনবা য়াম্লবদা বেনিফিসরী করোর ৮১.৩৫গীদমক অতোপ্পা থা ৫ অমগা হায়বদি জুলাইদগী নভেম্বর ফাওবগী ওইনা লেম্না থা অমদা মীওই অমগী কে.জি. ৫গী চাংদা প্রধান মন্ত্রী গরিব কল্যান য়োজনা (ফেস IV)কী মখাদা অহেনবা চেং পীথনবা অয়াবা পীখ্রে।

২০২০দা প্রো-পোর পি.এম. গরিব কল্যান পেকেজকী শরুক ওইনা এপ্রিল-নভেম্বর, ২০২০গী ওইনা ভারত সরকারনা নেস্নেল ফুদ সেক্যুরিতী এক্ত, ২০১৩ (নফসা)গী মখাদা কোল্লিবা বেনিফিসরী পুম্নমক্কীদমক “প্রধান মন্ত্রী গরিব কল্যান অন্ন য়োজনা” (পি.এম.-জি.কে.এ.ৱাই.) লাউথোকখি। নফসাগী বেনিফিসরী করোর ৮০রোমদা থা ৮গী মতমগী ওইনা লেম্না অহেনবা চেং-হৱাই (গেহু/চেং) কে.জি. ৫ ফংহনখি, অসুম্না লৈবাক অসিদা কোবিদ-১৯ শন্দোরকপনা মরম ওইদুনা শেন্মীৎলোন্দা অপনবশিং পীবা অসিদা লায়রবা/শোত্থরবা বেনিফিসরীশিং/য়ুমথোংদা ফুদ সেক্যুরিতী ফংহনবা ঙমখি। পি.এম.-জি.কে.এ.ৱাই. ২০২০গী (এপ্রিল – নভেম্বর ২০২০) মখাদা রাজ্য/য়ু.তি. পুম্নমক্তা দিপার্তমেন্তশিংনা পুন্না চেং-হৱাই এম.তি. লাখ ৩২১ রোম পীথখি, রাজ্যশিং/য়ু.তি.শিংনা চেং-হৱাই এম.তি লাখ ৩০৫ রোম চীংখি অমসুং লৈবাক শিনবা থুংনা পুন্না চেং-হৱাই এল.এম.তি. ২৯৮রোম (পীথখিবা চাংগী ৯৩%) য়েন্থোকখি।

২০২১দা লৈবাক শিনবা থুংনা হৌজিক শন্দোরক্লিবা শাথিরবা কোবিদ-১৯ লাইচৎ অমসুং মসিনা শেন্মীৎলোনদা পীরিবা অপনবশিং অসিনা মরম ওইরগা ভারত সরকারনা “প্রধান মন্ত্রী গরিব কল্যান অন্ন য়োজনা” (পি.এম.-জি.কে.এ.ৱাই.) অসি থা অনিগী মতম হায়বদি মে, ২০২১ অমসুং জুন, ২০২১গী ওইনা লুপা করোর ২৬,৬০২রোম চাদিং তৌগনি হায়না পান্নবা শেনফমদা পি.এম.-জি.কে.এ.ৱাই. ২০২০গা মান্নবা মওংদা চৎনহন্নবা লাউথোকখি। হীরম অসিগীদমক চেং-হৱাই এল.এম.তি. ৭৯ হেন্না পুন্না পীথখি। পি.এম.-জি.কে.এ.ৱাই. ২০২১ (মে – জুন ২০২১)গী মখাদা হৌজিক ফাওবদা চেং-হৱাই এম.তি. লাখ ৭৬ হেন্না হায়বদি পীথখিবা চেং-হৱাইগী ৯৬% হেন্না রাজ্যশিং/য়ু.তি.শিংনা চীংখ্রে। মখা তানা রাজ্যশিং/য়ু.তি.শিংনা মে ২০২১গী ইনা চেং-হৱাই এম.তি. লাখ ৩৬ হেন্না (হায়বদি থাগী ওইনা পীরিবা অদুগী ৯০%রোম) য়েন্থোকখি অমসুং জুন ২০২১গী ওইনা চেং-হৱাই এম.তি. লাখ ২৩ হেন্না (হায়বদি থাগী ওইনা পীরিবা অদুগী ৫৯%রোম) য়েন্থোকখি। নফসাগী বেনিফিসরী করোর ৮০রোমা মে ২০২১ অমসুং জুন ২০২১গী থাশিং অসিগী ওইনা লেম্না চেং-হৱাই (গেহু/চেং) অহেনবা কে.জি. ৫ ফংলি।

লৈবাক অসিদা কোবিদ-১৯গী ওইরিবা ফীভম মখা চত্থরিবা অসি য়েংলগা অমসুং খুদোংথিবা মনুং অসিদা লৈতা লায়রবশিংদা মতেং পাংনবা ইকাই খুম্নরবা প্রধান মন্ত্রী শ্রী নরেন্দ্র মোদীজীনা জুন ৭, ২০২১দা মহাক্না লৈবাক মীয়ামদা ৱা ঙাংখিবা অদুনা নভেম্বর, ২০২১গী দিৱালী ফাওবা থা মঙাগী মতমগী ওইনা পি.এম.জি.কে.এ.ৱাই. (২০২১) স্কিম অসি শাংদোক্লে হায়না লাউথোকখি। চাউরাক্না লুপা করোর ৬৭,২৬৬ ফাওবগী শেল চাদিং তৌরবা য়াই হায়না পান্নবগা লোইননা নফসাগী বেনিফিসরী করোর ৮০রোমদা থা মঙাগী মতমগী ওইনা অপুনবা চেং-হৱাই এল.এম.তি. ২০৪রোম চাদিং তৌদুনা অহেনবা চেং-হৱাই (গেহু/চেং) কে.জি ৫ লেম্না ফংহল্লগনি। লেম্না অহেনবা চেং-হৱাই ফংহনগদৌরিবা অসি নফসাগী মখাদা কোল্লিবা বেনিফিসরীশিংদা থাগী ওইনা চাং নাইনা ফংবা চেং-হৱাইশিং অদুগী মথক্তা পীগদবনি। ইন্তর-স্তেৎ ত্রান্সপোর্তেসন, দীলরগী মর্জিন অসিনচিংবগী চাদিং য়াওরগা পি.এম.-জি.কে.এ.ৱাই.গী মখাদা অহেনবা ওইনা পীথবা অসিগী অপুনবা শেনফম ভারত সরকারনা রাজ্যশিং/য়ু.তি.শিং য়াওদনা মথন্তনা পুথোক্লগনি।

***