نئی دہلی،21؍ جون  :  کووڈ – 19 کی ہمہ گیر ٹیکہ کاری مہم کا نیا مرحلہ آج سے شروع ہو گیا۔ ایک اہم حصولیابی کے طور پر کووڈ – 19  ٹیکہ کاری کے نئے مرحلے کے پہلے دن تقریباً  81 لاکھ (8095314) ٹیکے کی خوراکیں فراہم کی گئیں۔

ٹیکہ کاری کے نئے مرحلے کا اعلان  7 جون  2021  کو وزیراعظم کے ذریعے  کیا گیا تھا۔ انہوں نے تمام شہریوں سے ٹیکہ لگوانے اور کووڈ – 19 ٹیکہ لگوانے کے اہل دیگر افراد کی حوصلہ افزائی کرنے کی پرزور اپیل کی تھی۔آج کی حصولیابی کووڈ  -19  وبا کے خلاف حکومت کی لڑائی میں  بھارت کے عوام  کے اعتماد اور  بھروسے کو ظاہر کرتی ہے۔

مرکزی حکومت کووڈ – 19ٹیکہ کاری کی ملک گیر مہم  کی رفتار کو تیز کرنے اور  اس کو توسیع دینے کے تئیں عہد بستہ ہے۔ ٹیکہ کاری مہم   کو رفتار دینے  کے لئے  زیادہ ٹیکوں کی دستیابی ، ریاستوں اور  مرکز کے زیر انتظام علاقوں کے لئے  ویکسین کی دستیابی کے تیز ترین ہدف کے ذریعے  ٹیکہ کاری مہم  میں تیزی  لائی گئی ہے، تاکہ  وہ ٹیکہ کاری کے لئے   بہتر منصوبہ بندی کرسکیں اور  ویکسین سپلائی چین  کو  اچھی طرح سے منظم کرسکیں۔ مئی 2021  کے مہینے کے دوران  ملک گیر  کووڈ – 19 ٹیکہ کاری عمل کے لئے 7.9 کروڑ سے زیادہ ٹیکے دستیاب تھے۔ جون 2021  میں  کووڈ  ٹیکے کی تعداد کو بڑھا کر  11.78 کروڑ  کیا گیا تھا۔ ان میں حکومت ہند سے ریاستوں اور مرکز کے زیر انتظام علاقوں کو ٹیکوں کی مفت سپلائی شامل ہے۔ ساتھ ہی جو  ٹیکے براہ راست  ریاستوں ؍ مرکز کے زیر انتظام علاقوں کے ذریعے  اور نجی اسپتالوں کے ذریعے  خریدے جاتے ہیں، وہ بھی شامل ہیں۔

 صحت اور خاندانی بہبود کی وزارت کے ذریعے ریاستوں کو  جون 2021 کے مہینے میں دستیاب کرائی جانے والی  ٹیکوں کی خوراک کی  پیشگی  جانکاری  فراہم کرائی گئی تھی، مرکز سے  حاصل پیشگی  اطلاع  نے  ریاستوں کو  ضلع وار  اور  کووڈ  ٹیکہ کاری مرکز (سی وی سی) کے مطابق  مؤثر طریقے سے  ویکسین کی تقسیم کاری  کے منصوبے تیار کرنے میں اہل بنایا ہے ۔ اس نے ملک میں ویکسین کا بندو بست بڑے پیمانے پر تیار کرنے میں مدد کی۔

درج ذیل جدول  آج لوگوں کو لگائے گئے  ٹیکوں کی ریاست وار تفصیلات فراہم کرتا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح- م ع- ق ر)

U-5763