సార్వత్రిక టీకాల పంపిణీలో ఈరోజు సరికొత్త దశ మొదలైంది. మొదటి రోజునే 81 లక్షలకు పైగా  (80,95,314) టీకా డోసులు పంపిణీ చేయటం ద్వారా సరికొత్త మైలురాయి దాటినట్టయింది. ఇప్పుడు మొదలైన సరికొత్త దశను ప్రధాని శ్రీ నరేంద్ర మోదీ 2021 జూన్ 7న ప్రకటించారు. ప్రతి పౌరుడూ టీకా వేసుకోవాలని ఆ సందర్భంగా ఆయన పిలుపునిచ్చారు. టీకాకు అర్హులైన వారందరినీ టీకాకు ప్రోత్సహించాలని కూడా చెప్పారు. కోవిడ్ మీద పోరులో ప్రభుత్వం పట్ల ప్రజలకున్న విశ్వాసానికి ప్రతీకే ఈ రోజు టీకాల సంఖ్యలో చూపిన పెరుగుదల.

 టీకాల పంపిణీని వేగవంతం చేయటంతోబాటు పరిధిని గణనీయంగా విస్తరించటం ద్వారా టీకా కార్యక్రమాన్ని విజయవంతం చేయాలన్న లక్ష్యంతో భారత ప్రభుత్వం పనిచేస్తోంది. మరిన్ని టీకా డోసుల అందుబాటు ద్వారా ఈ లక్ష్య సాధనకు కృషి జరుగుతోంది. రాష్ట్రాలకు, కేంద్ర పాలిత ప్రాంతాలకు ఎప్పటికప్పుడు అందుబాటులొ ఉండే టీకాల సమాచారాన్ని అందించటం ద్వారా వారు ప్రణాళికా బద్ధంగా వ్యవహరించటానికి, నిల్వకు, పంపిణీకి తగిన ఏర్పాట్లు చేసుకోవటానికి సాధ్యమవుతోంది. మే నెలలో 7.9 కోట్లకు పైగా టీకా డోసులు అందుబాటులో ఉండగా జూన్ లో ఆ సంఖ్యను గణనీయంగా పెంచటం ద్వారా ఇప్పుడు 11.78 కోట్ల డోసులు అందుబాటులోకి వచ్చాయి. ఇందులో కేంద్రం ఉచితంగా ఇచ్చే డోసులతోబాటు రాష్టాలు, ప్రైవేట్ ఆస్పత్రులు నేరుగా కొనుగోలు చేసుకున్న టీకా డోసులు కూడా ఉన్నాయి.

జూన్ నెలలో ఎన్ని టీకా డోసులు అందుబాటులో ఉంటాయో కేంద్ర ఆరోగ్య, కుటుంబ సంక్షేమ మంత్రిత్వశాఖ రాష్ట్ర ప్రభుత్వాలకు, కేంద్రపాలిత ప్రాంతాలకు ముందుగానే తెలియజేయటం వలన  పంపిణీ ప్రణాళికలు తయారుచేసుకొని జిల్లాలవారీగా కోవిడ్ పంపిణీ కేంద్రాల ద్వారా టీకాల కార్యక్రమం సమర్థవంతంగా అమలు చేసుకోవటానికి వెసులుబాటు కలిగింది. దీనివలన దేశవ్యాప్తంగా టీకాల పంపిణీ భారీగా పెంచుకోవటం సాధ్యమైంది. 

 ఈ రోజు జరిగిన టీకాల పంపిణీ  వివరాలను ఈ క్రింది పట్టికలో చూడవచ్చు:

***