Posted On:
21 JUN 2021 9:00PM by PIB Mumbai
- India's Active Caseload declines to 7,02,887
- India reports 53,256 new cases in last 24 hours; lowest in 88 days
- 2,88,44,199 Total Recoveries across the country so far
- 78,190 patients recovered during last 24 hours
- Daily recoveries continue to outnumber Daily New Cases for 39th consecutive day
- Recovery Rate increases to 96.36%
- Weekly Positivity Rate remains below 5%, currently at 3.32%
- Daily positivity rate at 3.83%, less than 5% for 14 consecutive days
- 28.00 Cr. Vaccine Doses administered so far under Nationwide Vaccination Drive
|
#Unite2FightCorona
#IndiaFightsCorona
नवी दिल्‍ली/मुंबई, 21 जून 2021
पंतप्रधान नरेंद्र मोदी यांनी सातव्या आंतरराष्ट्रीय योग दिनाच्या निमित्ताने महामारीच्या काळात योगाने पार पाडलेल्या भूमिकेबद्दल विचार मांडले. कोरोना महामारीने ग्रस्त जगामध्ये योग एक आशेचा किरण बनला आहे असे ते म्हणाले.
जगभरात कोरोना महामारीचा प्रकोप असताना, यंदाची आंतरराष्ट्रीय योगदिनाची संकल्पना “सर्वांच्या कल्याणासाठी योग” लोकांना आत्मबळ देणारी ठरली आहे, असे पंतप्रधान नरेंद्र मोदी यानी म्हटले आहे.
आरोग्य मंत्रालयाची कोविड-19 घडामोडींवरील माहिती
भारताच्या देशव्यापी लसीकरण अभियानाने काल 28 कोटींचा टप्पा पार केला. आज सकाळी 7 वाजेपर्यंत उपलब्ध अहवालानुसार 38,24,408 सत्रांमध्ये, एकूण 28,00,36,898 लसी देण्यात आल्या आहेत. गेल्या 24 तासात 30,39,996 लसी देण्यात आल्या.
कोविड -19 प्रतिबंधक लसीकरणाच्या नव्या टप्प्याला आज सुरुवात होत आहे. देशभरात लसीकरणाचा वेग आणि व्याप्ती वाढवण्यासाठी केन्द्र सरकार वचनबद्ध आहे. पंतप्रधान श्री नरेन्द्र मोदी यांच्या हस्ते 16 जानेवारी 2021 रोजी देशव्यापी लसीकरण अभियानाला सुरुवात झाली होती.
भारतात गेल्या 24 तासात 53,256 नव्या रुग्णांची नोंद झाली. गेल्या 88 दिवसातली ही सर्वात कमी दैनंदिन रुग्णसंख्या आहे. भारतात दैनंदिन रुग्णसंख्येत सातत्याने घट होत आहे. सलग 14 दिवस 1 लाखापेक्षा कमी दैनंदिन रुग्णसंख्येची नोंद झाली आहे. केन्द्र, राज्ये आणि केन्द्र शासित प्रदेशांच्या सातत्यपूर्ण आणि समन्वयाने केलेल्या प्रयत्नांचेच हे फळ आहे.
भारतात सक्रीय रुग्णसंखेतही सातत्याने घट होत आहे. देशात आज 7,02,887 सक्रीय रुग्ण आहेत. गेल्या 24 तासात सक्रीय रुग्णसंख्येत एकूण 26,356 इतकी घट झाली असून सध्या देशात केवळ 2.35% सक्रीय रुग्ण आहेत.
कोविड -19 संसर्गातून मोठ्या प्रमाणावर रुग्ण बरे होत असल्याने सलग 39 व्या दिवशी भारतात नव्या रुग्णांपेक्षा बरे होणाऱ्यांची संख्या अधिक आहे. गेल्या 24 तासात 78,190 रुग्ण बरे झाले आहेत. दैनंदिन नव्या रुग्णांच्या तुलनेत गेल्या 24 तासात जवळपास, 25,000 (24,934) रुग्ण बरे झाले.
भारतात महामारीच्या सुरुवातीपासून ते आतापर्यंत एकूण 2,88,44,199 तर गेल्या 24 तासात 78,190 रुग्ण कोविड-19 संसर्गातून बरे झाले आहेत. रुग्ण बरे होण्याचा कल सातत्याने सकारात्मक असून आता रुग्ण बरे होण्याचा एकूण दर 96.36% झाला आहे.
चाचण्यांच्या क्षमतेत सातत्याने वाढ होत आहे. गेल्या 24 तासात देशात 13,88,699 चाचण्या करण्यात आल्या. देशात आतापर्यंत एकूण 39.24 कोटींपेक्षा अधिक (39,24,07,782) चाचण्या करण्यात आल्या आहेत.
देशात एकीकडे चाचण्या वाढत असून दुसरीकडे साप्ताहीक पॉझिटीव्हीटी दरात घट कायम आहे. सध्या साप्ताहीक पॉझिटीव्हीटी 3.32% तर दैनंदिन पॉझिटीव्हीटी 3.83% आहे. सलग 14 व्या दिवशी हा 5% पेक्षा कमी आहे.
इतर अपडेट्स :
महाराष्ट्र अपडेट:
रविवारी महाराष्ट्रात 9,361 नव्या कोरोना रुग्णांची नोंद झाली आणि 190 कोरोना रुग्णांचा मृत्यू झाला. यामुळे कोरोना संसर्ग झालेल्यांची एकूण संख्या 59,72,781 आणि एकूण मृत्यूसंख्या 1,17,961 झाली आहे. रविवारी 9,101रुग्ण कोरोनातून बरे झाले. एकूण 1,32 241 रुग्ण उपचाराधीन असून राज्याचा कोरोनातून रुग्ण बरे होण्याचा दर 95.76 टक्के तर मृत्युदर 1.97 टक्के आहे. महाराष्ट्रात 20 जूनपर्यंत एकूण 2,75,76,177 लाभार्थ्यांचे कोविड -19 प्रतिबंधक लसीकरण करण्यात आले. सार्स-कोव्ह-2 च्या डेल्टा-प्लस ए वाय 1.( AY1) या नवीन प्रकाराचा संसर्ग झालेले एकूण २० रुग्ण महाराष्ट्रातील सिंधुदुर्ग, रत्नागिरी, पालघर आणि जळगाव या चार जिल्ह्यांमधून संकलित केलेल्या नमुन्यांमध्ये आढळून आले आहेत. महाराष्ट्रात आतापर्यंत काळ्या बुरशीजन्य आजाराचे 7,998 रुग्ण आढळले असून या आजाराने 729 लोकांचा मृत्यू झाला आहे. सोमवारी जारी करण्यात आलेल्या राज्य आरोग्य विभागाच्या आकडेवारीनुसार, यापैकी 88 रुग्ण सध्या या आजारावर उपचार घेत आहेत.
गोवा अपडेट:
गोवा सरकारने शनिवारी कोरोना विषाणू (कोविड -19) संसर्गाला रोखण्यासाठी लागू असलेल्या निर्बंधांची मुदत 28 जूनपर्यंत वाढवली आहे. चित्रपटगृहे , नाट्यगृहे , मल्टिप्लेक्स, करमणूक क्षेत्र वगळता शॉपिंग मॉल्समधील दुकाने सकाळी 7 ते दुपारी 3 दरम्यान खुली ठेवण्याची परवानगी देण्यात आली आहे. रविवारी गोव्यात 207 नवे कोरोना रुग्ण आढळले असून कोरोना रुग्णांची एकूण संख्या 1,64,436.पर्यंत पोहोचली आहे.आणखी सहा कोरोना मृत्यूंची भर पडल्यामुळे एकूण मृत्युसंख्या 2,990,झाली आहे. तर 406 कोरोना रुग्णांना बरे झाल्यानंतर रुग्णालयातून घरी पाठविण्यात आले असून आतापर्यंत 1,58,178.रुग्ण कोरोनातून बरे झाले आहेत. राज्यात सध्या 3,268.रुग्ण उपचाराधीन आहेत.
Important Tweets
* * *
S. Patil/D.Rane