স্বিজ বেঙ্কশিংদা ভারত মচাশিংনা থম্লিবা ফন্দশিং অদু ২০১৯গী অরোইবা শরুক্তা কোতি ৬,৬২৫(সি.ঐচ.এফ. মিলিয়ন ৮৯৯) ওইরম্বদগী ২০২০গী অরোইবা শরুক্তা কোতি ২০,৭০০(সি.ঐচ.এফ. বিলিয়ন ২.৫৫) য়ৌনা হেনগৎলকখ্রে হায়না পল্লদুনা ১৮.০৬.২০২১দা মেদিয়াদা অখন্নবা রিপোর্তশিং থোকখ্রে৷ মসিগী ফিগর অসি হৌখিবা চহি ১৩ অসিদা খ্বাইদগী ৱাংনা দিপোজিৎ তৌখিবগী ফিগর ওইরি হায়নসু পনখ্রে৷

রিপোর্ত তৌরক্লিবা ফিগরশিং অসি  বেঙ্কশিংনা স্বিস নেস্নেল বেঙ্ক(এস.এন.বি.)দা রিপোর্ত তৌরকখিবা ওফিসিয়েল ফিগরশিং ওই অমসুং স্বিতজর্লেন্দদা ভারত মচাশিংনা চিংনবা মওংদা থম্লিবা ব্লেক মনী অদুগী চাং তাক্তে হায়না মেদিয়া রিপোর্তশিংনা পল্লি৷ মখাতানা, মসিগী স্তেতিস্তিকশিং অসিদা ভারত মচাশিং, এন.আর.আই.শিং নত্রগা অতোপ্পা মীওইশিংনা থর্দ-কন্ত্রী এন্তাইতীশিংগী মমিং লৌদুনা স্বিস বেঙ্কশিংদা থম্লম্বা য়ারিবা শেল অদু য়াওদে৷

অদুম ওইনমক, ২০১৯গী লোইশিল্লকপা শরুক্তগী হৌদুনা কস্তমর দিপোজিৎশিং তশেংনা তারকখ্রে৷ ফিদুসিয়রীশিংগী খুৎথাংদা থম্লিবা ফন্দশিং অদুসু ২০১৯ চহি লোইশিল্লমদাই শরুক্তগী তংখায়দগী হেন্না হেনগৎলকখ্রে৷ “কস্তরশিংদগী দ্যু লৈহৌরিবা অতোপ্পা শেনফমশিং” অসিদনা হেন্না খ্বাইদগী চাওবা হেনগৎলকখি৷ হায়রিবশিং অসি বোন্দশিং, সেক্যুরিতীশিং অমসুং তোঙান তোঙানবা অতোপ্পা ফাইনান্সিয়েল ইন্সত্রুমেন্তশিংগী মওংদা লৈ৷

ভারত অমসুং স্বিতজর্লেন্দনা মুচুএল এদমিনিস্ত্রেতিব এসিস্তেন্স ইন তেক্স মেত্তরশিংগী(এম.এ.এ.সি.) মল্তিলেতরেল কনবেন্সনদা সিগনেতরীশিং ওইরি অমসুং লৈবাক অনি অসিনা মল্তিলেতরেল কম্পিতেন্ত ওথোরিতী এগ্রীমেন্ত(এম.সি.এ.এ.) অদু শহি পীনখ্রে অমসুং মসিগী মতুং ইন্না ২০১৮ চহি অসিদগী হৌদুনা চহি খুদিংগী ওইনা ফাইনান্সিয়েল একাউন্ত ইনফোর্মেসন সেয়র তৌননবগীদমক লৈবাক অনি অসিগী মরক্তা ওতোমেতিক এক্সচেঞ্জ ওফ ইনফোর্মেসন(এ.ই.ও.আই.) এক্তিবেত তৌখ্রে৷

২০১৯ অমসুং ২০২০দা লৈবাক অনিগী মরক্তা লৈবাক অনিমক্কী রিসাইদেন্তশিং য়েংদুনা ফাইনান্সিয়েল একাউন্ত ইনফোর্মেসন এক্সচেঞ্জ তৌনখ্রে৷ ফাইনান্সিয়েল একাউন্তশিংগী ই-পাউ এক্সচেঞ্জ তৌননবগীদমক হৌজিক লৈরিবা লিগেল এরেঞ্জমেন্ত অসি য়েংলগা, ইন্দিয়ন রিসাইদেন্তশিংগী ময়ামদা খঙহনদ্রিবা ইনকমশিং অদুদগী স্বিস বেঙ্কশিংদা দিপোজিৎ তৌবা হেনগৎলকপা য়াবগী ওইথোকপা অমতা লৈতে৷

মখাতানা, মখাদা পীরিবা ফেক্তরশিং অসিনা দিপোজিৎশিং হেনগৎলকখিবগী মরম অদু শন্দোক্না পীবা ঙমগনি:

1. ব্যুজিনেস ত্রান্সেক্সনশিং হেনগৎলকপনা মরম ওইদুনা ইন্দিয়ন কম্পেনীশিংনা স্বিতজর্লেন্দদা থম্লিবা দিপোজিৎশিং হেনগৎলকপা
2. ভারত্তা লৈরিবা স্বিস বেঙ্ক ব্রাঞ্চশিংগী ব্যুজিনেস্না মরম ওইদুনা দিপোজিৎশিং হেনগৎলকপা
3. স্বিস অমসুং ইন্দিয়ন বেঙ্কশিংগী মরক্তা ইন্তর-বেঙ্ক ত্রান্সেক্সনশিং হেনগৎলকপা
4. ভারত্তা লৈরিবা স্বিস কম্পেনী অমগী সবসিদিয়রী অমগী কেপিতেল হেনগৎলকপা অমসুং
5. আউতস্তেন্দিং দিরাইবেতিব ফাইনান্সিয়েল ইন্সত্রুমেন্তশিংগা মরী লৈননা লাইয়েবিলিতীশিংদা হেনগৎলকপা

মথক্তা দিপোজিৎশিং হেনগৎলকপা/তাথরকপগী মতাংদা মেদিয়া রিপোর্তশিংদা পল্লিবশিং অসিগী ওইথোকপা য়াবা মরমশিংদা লৈরিবা মখোয়গী ৱাখল্লোন অদুগা লোইননা মরী লৈনবা ফেক্তশিং অদু পীশিল্লক্নবা স্বিস ওথোরিতীশিংদা হায়জখ্রে৷

******