হকশেল অমসুং য়াইফ-য়ুম্বাল মন্ত্রালয়
কোবিশিল্দ দোজ অনিগী মরক্তা গেপ থম্নবগী ৱারেপ অদু সাইন্তিফিক ইবিদেন্সকী মতুং ইন্না ত্রান্সপরেন্ত ওইবা মওং অমদা লৌখ্রে- এন.তি.এ.জি.আই. চিয়র দা. এন.কে. অরোরা
“ৱারেপ অসিগী মতাংদা এন.তি.এ.জি.আই. মেম্বরশিংগী মরক্তগী অয়েৎপা লৈতে”
“হৌজিক লৈরিবা অতোপ্পা সাইন্তিফিক ইবিদেন্স অসিদা য়েংশিন্নবা ভারতকী অফবা মেকানিজম অমা লৈ”
ৱারেপশিং সাইন্তিফিকেল্লী লৌখ্রে, প্রজা মীয়ামগী হকশেলগী ফিভম অমসুং ঙাকপী শেনবিবা অসিনা খ্বাইদগী মরু ওই: দা. এন.কে. অরোরা
Posted On:
16 JUN 2021 8:29AM by PIB Imphal
নেস্নেল তেক্নিকেল এদভাইজরী গ্রুপ ওন ইম্ম্যুনাইজেসন(এন.তি.এ.জি.আই.)গী ভারতকী কোবিদ-১৯ ৱার্কিং গ্রুপগী চিয়রমেন দা. এন.কে. অরোরানা ভারতকী কোবিদ-১৯ ভেক্সিনেসন দ্রাইবকী মতাংদা দি.দি. ন্যুসতা ৱা ঙাংখ্রে৷
সাইন্তিফিক ইবিদেন্সকী মতুং ইন্না কোবিশিল্দ দোজ অনিগী মরক্তা লৈরিবা গেপ হেনগৎহনবা
এদিনোভেক্তর ভেক্সিনশিংগী বিহেবিয়র অসি য়েংলগা কোবিশিল্দ দোজ অনিগী মরক্তা লৈগদৌরিবা গেপ অদু চয়োল ৪-৬তগী চয়োল ১২-১৬তা হেনগৎহন্নবগী ৱারেপ অদু ফন্দামেন্তেল সাইন্তিফিক রিজনগী মতুং ইন্না লেপখিবনি হায়না দা. এন.কে. অরোরানা ফোংদোরকখ্রে৷ “২০২১ এপ্রীল থাগী অরোইবা চয়োলদা, য়ুনাইতেদ কিংদম হেল্থ দিপার্তমেন্তগী পব্লিক হেল্থ ইংলেন্দনা রিলিস তৌখিবা দাতা অদুনা দোজ অনিগী মরক্তা লৈরিবা গেপ অদু চয়োল ১২ ওইবা মতমদা ভেক্সিনগী ইফিকেসী অসি ৬৫-৮৮%গী মরক্তা লৈ হায়বা অসি উৎলি৷ মসিনা মরম ওইদুনা লৈবাক অদুদা অল্ফা বেরিয়েন্তনা মরম ওইদুনা শন্দোরকখিবা লাইচৎ অদু লাকশিনখিবনি৷ য়ু.কে.না গেপ অদু চয়োল ১২ থম্বদগী লৈবাক অদুদা লাইনা-লাইচৎ অসিদগী কনবা ঙমখিবনি৷ দোজ অনিগী মরক্তা থম্লিবা মতম অদু হেনগৎপা মতমদা এদিনোভেক্তর ভেক্সিনশিং হেন্না মথৌ তৌই হায়বা অসি উৎননবা মরু ওইবা সাইন্তিফিক রিজনশিং লৈবনা ভারতকীসু গেপ অসি শাংদোকহনগনি হায়বসি ঐখোয়নসু অফবা খোঙথাংনি হায়না খল্লি৷ মরম অদুনা দোজ অনিগী মরক্তা লৈরিবা গেপ অদু চয়োল ১২-১৬তা হেনগৎননবা ৱারেপ অসি মে ১৩দা লৌখিবনি৷” ভেক্সিনশিং অসি কাপননবা মীপুং খুদিংমক ভাক্সিন কাপননবগীদমক চয়োল ১২ অসিদা চপ চানা লাকপা ঙম্লোইদবনা, মসিনা মীয়ামদা করা মখৈদি শাফহল্লগনি হায়না মহাক্না ফোংদোকখ্রে৷
চয়োল মরি থম্ননবা মমাংগী ৱারেপ অদু মতম অদুদা ফংলিবা ব্রিদজিং ত্রাইএল দাতাগী মতুং ইন্ননি হায়না দা. অরোরানা ফোংদোকখ্রে৷ দোজ অনিগী মরক্তা গেপ হেনগৎপা অসিনা ইফিকেসী হেনগৎলি হায়না মহাক্না ফোংদোকখি৷ “কোবিশিল্দদা মতাংদা মমাংদা নৈনরিবা অসি হেতিরোজেনস ওই৷ য়ু.কে.গুম্বা লৈবাকশিংনা ২০২০গী দিসেম্বর থাদা ভেক্সিন অসি পুথোরকপা মতমদা দোজকী ইন্তরবেল অসি চয়োল ১২ ওই৷ দাতা অসি নৈনদুনা, ঐখোয়না ইন্তরবেলগী মতম অসি লেপ্লমদাই মতমদা, ঐখোয়না হকচাংদা অফবা ইম্ম্যুইন রেস্পোন্স উৎলিবা ঐখোয়গী ব্রিদজিং ত্রাইএল দাতাগী মতুং ইন্না চয়োল মরিদা লেপখিবনি৷ মতুং তারকপদা, ঐখোয়না অহেনবা সাইন্তিফিক অমসুং লেবোরেতরী দাতা নৈনখ্রে, মসিগী মতুং ইন্না থা তরুক্কী মতুংদা, দোজকী থমগদৌরিবা ইন্তরবেল অসি চয়োল মরি ওইবা মতমদা ভেক্সিন ইফিকেসী ৫৭% ফংখিবা অমসুং চয়োল নিপান ওইবা মতমদা ইফিকেসী ৬০% ফংই হায়না স্তদীনা উৎপদগী ঐখোয়না ঐখোয়সু ভেক্সিনগী ইন্তরবেল অসি চয়োল মরিদগী নিপানদা হেনগৎকদবনি হায়না খনখিবনি৷”
মমাংদা এন.তি.এ.জি.আই.না গেপ অসি চয়োল ১২দা হেনগৎত্রিবগী মরমদা ৱা ঙাংলদুনা “ঐখোয়না য়ু.কে.গী(অস্ত্রাজেনেকা খ্বাইদগী চাওনা শিজিন্নরিবা অতোপ্পা লৈবাক অমা) গ্রাউন্দ-লেবেল দাতা ঙাইখিসি হায়না ঐখোয়না ৱারেপনখি” হায়না মহাক্না ফোংদোকখি৷
কোবিশিল্দ ভেক্সিনগা মান্নরিবা অস্ত্রাজেনেকা ভেক্সিন অসি শিজিন্নরিবা অতোপ্পা লৈবাকশিং খুদম ওইনা কনাদা, শ্রী লঙ্কা অমসুং অতোপ্পা লৈবাক খরনা মখোয়গী ইন্তরবেল অদু চয়োল ১২-১৬ ফাওবা থম্বা থেংনখি হায়না মহাক্না ফোংদোকখ্রে৷
দোজ অমা অমসুং দোজ অনিদগী ঙাকথোকপা
পার্চিয়েল ইফিকেসী অমসুং ফুল ইম্ম্যুনাইজেসনগী মতাংদা থোক্লক্লিবা ইবিদেন্স অমসুং রিপোর্তশিং অদু কমদৌনা এন.তি.এ.জি.আই.না য়েংশিল্লিবগে হায়বগী মতাংদা দা. অরোরানা শন্দোক্না তাকখ্রে৷ “ঐখোয়না দোজ ইন্তরবেল হেনগৎনবগী ৱারেপ লৌখ্রবা নুমিৎ ২-৩গী মতুংদা, অস্ত্রাজেনেকা ভেক্সিন দোজ অমা খক্তং কাপ্পা অসিনা ৩৩% খক্তমক ঙাকথোকই অমসুং দোজ অনি কাপ্পা অসিনা ৬০% ঙাকথোকই হায়না য়ু.কে.দগী রিপোর্তশিং লাকখি; ভারতনা ভেক্সিন দোজকী গেপ অসি অমুক হন্না চয়োল মরিদগী চয়োল নিপান ফাওবা থমগদৌরিব্রা হায়বগী মতাংদা মে থাখাইদগী হৌদুনা খন্ন-নৈনদুনা লাক্লি৷”
ভেক্সিনেসন প্রোগ্রামগী ইম্পেক্ত অদু লেপ্ননবগী ত্রেক্কিং প্লেতফোর্ম অমা শেমগৎননবা ৱারেপনখি হায়নসু মহাক্না ফোংদোকখি৷ “মসিগী ৱারেপ অসি এন.তি.এ.জি.আই.না লৌবা মতমদা, ভেক্সিনেসন প্রোগ্রামগী ইম্পেক্ত অদু লেপ্পা খক্তা নত্তনা ভেক্সিনগী মখল অমসুং দোজশিংগী মরক্তা থমগদৌরিবা ইন্তরবেল অমসুং মীওই অমনা মপুং ফানা/পার্সিয়েল্লি ইম্ম্যুনাইজ তৌবদা করি থোক্লকপা য়াবগে হায়বদু খঙদোক্নবা- ভারতনা ভেক্সিন ক্রেক্কিং প্লেতফোর্ম অমা শেমগৎলগনি হায়না ঐখোয়নসু ৱারেপ্নখি৷ ভারত্তা মীওই কোতি ১৭-১৮গী চাংনা অহানবা দোজ কাপখিবা অদুগা মীওই কোতি ৪রোমগী চাংনা অনিশুবা দোজ কাপখিবদগী মসি ভারত্তা য়াম্না মরু ওই৷”
পার্সিয়েল অমসুং ফুল ইম্ম্যুনাইজেসনগী ইফেক্তিবনেস অদু চাংদম্নরিবা পি.জি.আই. চান্দিগর্হগী স্তদী অমা দা. অরোরানা পনখি৷ “পার্সিয়েল ইম্ম্যুনাইজ অমসুং মপুং ফানা ইম্ম্যুনাইজ তৌরবশিংদা ভেক্সিনগী ইফেক্তিবনেস অসি ৭৫% ওইখি হায়না পি.জি.আই. চান্দিগর্হগী স্তদী অমনা ময়েক শেংনা উৎলি৷ মরম অদুনা সোর্ত রনদা য়ামদ্রবদা, নহাক অসি পার্সিয়েল্লী নত্রগা মপুং ফানা ইম্ম্যুনাইজ তৌরবসু ভেক্সিনগী ইফেক্তিবনেস অদুদি অদুমক চপ মান্নরগনি৷ মসিনা পঞ্জাব, অৱাং থংবা ভারত অমসুং দিল্লিদা লৈখিবা অল্ফা বেরিয়েন্ত অদুগা মরী লৈনৈ৷ মসিনা তাক্নিংলিবা অদুদি নহাক অসি দোজ অমা খক্তমক কাপ্লবসু, অদুমক নহাক ঙাকথোক্লগনি হায়বনি৷”
সি.এম.সি. ভেল্লোর স্তদীদগী ফংখিবা রিজল্তশিং অদুগসু মান্নৈ হায়না মহাক্না ফোংদোকখি৷ “নুমিৎ খরনিগী মমাংদা, ২০২১গী এপ্রীল অমসুং মে থাদা ভারতনা থেংনখিবা লাইচৎকী ৱেব অয়াম্বা নৈনরদুনা তামিল নাদুদা লৈরিবা সি.এম.সি. ভেল্লোরনা নৈনখিবা অতোপ্পা মরু ওইবা স্তদী অমনা করিগুম্বা মীওই অমনা পার্সিয়েল্লী ইম্ম্যুনাইজ তৌবা মতমদা, কোবিশিল্দ ভেক্সিনগী ইফেক্তিবনেস অসি ৬১% ওই অদুগা দোজ অনি কাপ্লগনা ভেক্সিনগী ইফেক্তিবনেস অসি ৬৫% ওই হায়না উৎখ্রে- অমসুং মরু ওইনা মসিগী কালকুলেসনশিং অসি হোৎপা মতমদা শোইবা য়াবগী দিগ্রী খরা লৈবনা ভেল্যুশিং অসি খরা খরা খেন্নৈ৷”
হৌজিক হৌজিক স্তদী তৌরিবশিং অমসুং ভেক্সিন ইফিকেসী য়েংশিনবা
পি.জি.আই. অমসুং সি.এম.সি. ভেল্লোর স্তদীশিং অসিগী মথক্তা, দিল্লী মনুংদা লৈরিবা অতোপ্পা ওর্গনাইজেসন অনিদগী স্তদী অনি অমগা লাক্লি হায়না দা. অরোরানা ফোংদোকখি৷ “দোজ অমা কাপখিবশিংদা ইনফেক্সন থোকহন্দবা য়াবগী চাং অসি ৪%নি অমসুং দোজ অনি কাপখিবা মীওইশিংগীনা ৫% ওই হায়না স্তদী অনিমক্না উৎলি৷ অতোপ্পা স্তদী অমনা ইনফেক্সন থোকহন্দবা য়াবগী চাং অসি ১.৫% - ২% ওই হায়না উৎলি৷”
ভেক্সিনেসন প্রোগ্রামগী তোঙান তোঙানবা এস্পেক্তশিংগী ইম্পেক্ত অদু লেপ্ননবা অমসুং রিপোর্ত তৌননবা তোঙান তোঙানবা সোর্চশিংদগী দাতা খোমজিল্লগনি হায়না দা. অরোরানা ফোংদোকখ্রে৷ এদভর্স ইভেন্ত ফোল্লোৱিং ইম্ম্যুনাইজেসন(এ.ই.এফ.আই.)অসি য়েংশিন্ননবগীদমক ভারতকী রোবর্স্ত সিস্তেম অমসু লৈ হায়না মহাক্না ফোংদোকখি৷
কোবিশিল্দ দোজকী গেপ অসি হন্থনবগী প্রপোজেল অমা হেক্তা লাকপ্রা?
ৱাহং অসিগী পাউখুম পীরদুনা, লৈবাক মীয়াম অসিবু ঙাকথোক্লিবা অমসুং হকশেলগী ফিভম অসি য়েংলগা, ৱারেপ অসি সাইন্তিফিকেল্লী লৌরগনি হায়না দা. অরোরানা পাউখুম পীখি৷ “কোবিদ-১৯ অমসুং ভেক্সিনেসন অসি য়াম্না দাইনামিক ওই৷ হয়েংদি, ভেক্সিন ইন্তরবেল অসি ৫%-১০% খক্তমক কান্নবা পীরবসু, ইন্তরবেলগী মতম তেনশিল্লকপা অসিনা ঐখোয়গী প্রজা মীয়ামশিংদা হেন্না শাফহল্লি হায়না ভেক্সিন প্লেতফোর্মনা হায়রক্লবদি কম্মিতী অসিনা মেরিত অমসুং ৱিসদমগী মতুং ইন্না ৱারেপ অসি লৌরগনি৷ অদুগা অমরোমদা, হৌজিক লৈরিবা ৱারেপ অসিনা হেন্না শাফরবদি, ৱারেপ অসিগী মতুং ইন্না অদুমক মখা চত্থরগনি৷” ঐখোয়গী প্রজা মীয়ামগী হকশেলগী ফিভম অমসুং মখোয়বু ঙাকপী শেনবিবা অসিনা খ্বাইদগী মরু ওই হায়না মহাক্না ফোংদোখি৷ “মসিনা খ্বাইদগী মরু ওইবা হিরম ওইবনা ঐখোয়না য়াম্না কন্ন-নৈনরিবনি, অনৌবা সাইন্তিফিক ইবিদেন্সকী জেনেরেসন লাক্লিবনি অমসুং ৱারেপ লৌরিবনি” হায়না মহাক্না ফোংদোকখি৷
******
(Release ID: 1727790)
Visitor Counter : 226