প্রধানমন্ত্রীগী লোইশঙ
জুন ১৬তা প্রধান মন্ত্রীনা ভিবা তেক্কী ৫শুবা ইদিসন্দা মরুওইবা ৱারোল থমগদৌরি
Posted On:
15 JUN 2021 2:08PM by PIB Imphal
প্রধান মন্ত্রী, শ্রী নরেন্দ্র মোদীনা ২০২১গী জুন ১৬কী নুমিদাংৱাইরমগী পুং ৪ তাবা মতমদা ভিবা তেক্কী ৫শুবা ইদিসন্দা মরুওইবা ৱারোল থমগনি। প্রধান মন্ত্রীবু ভিবা তেক ২০২১দা মরুওইবা ৱারোল পীনবা গেস ওফ ওনর ওইনা বার্তোন তৌরক্লি।
থৌরম অসিদা শরুক য়াগদৌরিবা শক্নাইরবশিং অদুদি ফ্রান্সকী প্রসিদেন্ত মিস্তর ইম্মানুএল মাক্রোন, স্পেইনগী প্রধান মন্ত্রী পেদ্রো সানচেজ অমসুং য়ুরোপিয়ন লৈবাক কয়াদগী মন্ত্রীশিং/এম.পি.নি। থৌরম অসিদা কোর্পোরেৎ লুচিংবশিং মদুদি এপলগী সি.ই.ও. মিস্তর তিম কুক, ফেসবুক্কী চেয়রমেন অমসুং সি.ই.ও. মিস্তর মার্ক জুকর্বগ অমসুং মাইক্রোসোফকী প্রসিদেন্ত মিস্তর ব্রাদ স্মিথ অমদি অতৈনা শরুক য়াবা উবা ফংগনি।
ভিবা তেক অসি পেরিস্তা ২০১৬দগী হৌদুনা চহি খুদিংগী পাংথোক্তুনা লাক্লিবা য়ুরোপ মনুংদা খ্বায়দগী চাওবা দিজিতেল অমসুং স্তার্তঅপকী থৌরম অমনি। হায়রিবা থৌরম অসি এদবর্তাইজিং অমসুং মার্কেতিং কোংগ্লোমেরেৎতা মমিং লৈরবা - পব্লিসিস গ্রুপে অমসুং ফ্রেন্সকী মকোক চিংলিবা কাংবু – লেস ইকোস অনিনা খুৎশম্নদুনা শিনবনি। মসিনা তেক্নোলোজী ইন্নোভেসন অমসুং স্তার্ত অপ ইকোসিস্তেম অমসুং একজিবিসন, এৱার্দ, পেনেল দিসকসন অমসুং স্তার্তঅপ কন্তেস্তকী স্তেকহোল্দরশিং পুন্সিল্লি। ভিবা তেক্কী ৫শুবা ইদিসন অসি ২০২১গী ১৬-১৯ মনুংদা পাংথোক্নবা শিল্লি।
*****
(Release ID: 1727284)
Visitor Counter : 111
Read this release in:
Malayalam
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada