2021،    حکومت ہند اس سال 16 جنوری سے ’’ مکمل حکومت ‘‘ کے تحت موثر ٹیکہ کاری کی مہم کے لئے، ریاستوں اورمرکز کے زیر انتظام علاقوں کی کوششوں کی حمایت کر رہی ہے۔

 دیہی علاقوں میں صحت کارکنوں کے ذریعہ، ’ٹیکہ کاری میں ہچکچاہٹ‘ کا الزام لگانے والی میڈیا کی کچھ اطلاعات موصول ہوئی ہیں۔

یہ مطلع کیا گیا ہے کہ ٹیکہ کاری میں ہچکچاہٹ، عالمی سطح پر قبول شدہ رجحان ہے اور اس کو سائنسی مطالعہ کر کے نیز کمیونٹی کی سطح پر اس مسئلے کو حل کرنے کے لئے توجہ مرکوز کی جانی چاہئے۔ اس کو دھیان میں رکھتے ہوئے ، کووڈ-19ٹیکہ کاری کی مہم کے آغاز میں ہی، ٹیکہ کاری میں ہچکچاہٹ کے بارے میں تفصیلات والی ایک ’’کووڈ-19 ویکسین مواصلات کی حکمت عملی‘‘ کو تمام ریاستوں نیز مرکز کے زیر انتظام علاقوں کے ساتھ شیئر کیا گیا تھا۔ اس حکمت عملی میں 25 جنوری 2021 کو تمام ریاستوں کے قومی صحت مشنوں کے مشن ڈائرکٹرز کے ساتھ بھی ، کوویڈ -19 ویکسینیشن مواصلات کی حکمت عملی کو، ریاستی حفاظتی ٹیکہ کاری اور  سبھی ریاستوں کے آئی ای سی آفیسرز کے حصے کے بطور ساجھا کیا گیا تھا۔  تمام ریاستیں نیز مرکز کے زیر انتظام علاقے، مقامی تقاضوں کے مطابق، اسی پر عمل پیرا ہیں اور حکمت عملی اپنارہے ہیں۔ ریاستی سطح پر موزوں موافقت کے لئے تمام میڈیا بشمول پرنٹ، سوشل اور الیکٹرانک میڈیا کے لئے، آئی ای سی کے متعدد مواد اور پروٹو ٹائپ تیار کی گئیں ہیں اور ان کا اشتراک ریاستوں کے ساتھ کیا گیا ہے۔

مرکزی وزارت صحت و خاندانی بہبود تمام ریاستوں نیز مرکز کے زیر انتظام علاقوں سے ٹیکہ کاری میں ہچکچاہٹ کے مسئلے کو مستقل بنیاد پر حل کرنے کے لئے مل کر کام کر رہی ہے۔ مزید برآں ، وزارت صحت اور خاندانی بہبود نے تمام ریاستوں مرکز کے زیر انتظام علاقوں کو کووڈ-19 ویکسینوں اور کووڈمناسب رویہ (سی اے بی) پر آئی ای سی مواد کے ذریعے، قبائلی برادریوں میں بیداری پیدا کرنے کے لئے، آگاہ کیا ہے۔ اس سلسلے میں حکومت، ہندوستان کی قبائلی امور کی  وزارت کے ساتھ  بھی قریبی ہم آہنگی کے ساتھ کام کر رہی ہے۔

*****

U.No.5353

(ش ح - اع - ر ا)