হকশেল অমসুং য়াইফ-য়ুম্বাল মন্ত্রালয়

ভারত সরকারগী ফ্রী তেলিমেদিসিন সর্ভিস ‘ইসঞ্জিভানি’, কন্সল্তেসন লাখ ৬০ য়ৌখ্রে

হেল্থ সর্ভিসেস ফংননবা নুংতি নুমিৎ খুদিংগী পেসেন্ত ৪০,০০০ হেনবনা ইসঞ্জিভানি শিজিন্নৈ

কোবিদ লাইনা-লাইচৎকী মতমদা হেল্থ কেয়র লাইনা ফংহন্নবগী খুৎলাই অমা ওইরি

Posted On: 10 JUN 2021 5:41PM by PIB Imphal

কেন্দ্রগী হকশেল মন্ত্রালয়গী নেস্নেল তেলিমেদিসিন সর্ভিস – ইসঞ্জিভানিদা ওনলাইন ও.পি.দি. ৩৭৫ হেন্না হাংদুনা কন্সল্ত তৌরকপা মীওই মিলিয়ন ৬(লাখ ৬০) য়ৌরদুনা অতোপ্পা থাক অমা লানবা ঙমখ্রে৷ হেল্থ সর্ভিসেস ফংননবা মসিগী ইন্নোবেতিব দিজিতেল মেদিয়ম অসি শিজিন্নদুনা নুংতি নুমিৎ খুদিংগী ওইনা দোক্তর ১৬০০ হেনবদা অমসুং স্পিসিয়েলিস্তশিংদা পেসেন্ত ৪০,০০০ হেনবনা লাইয়েংলি৷

হৌজিক হৌজিক্কী ওইনা, নেস্নেল তেলিমেদিসিন সর্ভিস অসি রাজ্য/য়ুনিয়ন তেরিতোরী ৩১দা ওপরেসন তৌরি৷

হকশেল অমসুং য়াইফ য়ুম্বালগী কেন্দ্রগী মন্ত্রালয়না ইসঞ্জিভানি অসি হব অমসুং স্পোক্স মোদেল অমদা ভারত সরকারগী অয়ুশমান ভারত স্কিমগী মখাদা হেল্থ অমসুং ৱেল্নেস সেন্তর ১,৫৫,০০০দা চৎনননবগীদমক ২০১৯গী নবেম্বর থাদা দোক্তর অমদগী দোক্তর অমদা তাথোক-তাশিন তৌননবা তেলিমেদিসিন প্লেতফোর্ম অমা ওইনা শেমখিবনি৷ ২০২০গী মার্চ থাদা কোবিদ-১৯ লাইনা-লাইচৎ অসিনা মরম ওইরগা, লৈবাক অসিদা লৈরিবা ও.পি.দি.শিং থোং লোনখিবনা, কেন্দ্রগী হকশেল মন্ত্রালয়না য়াম্না থুনা অওংবা অমা পুরকখ্রে অমসুং মসিগী ইনিসিয়েতিব অসি সেন্তর ফোর দিবলপমেন্ত ওফ এদভান্স কম্প্যুতিং(মোহালি)গা খুৎশম্নদুনা চৎনখ্রে৷

ইসঞ্জিভানিএ.বি.-ঐচ.দবল্যু.সি. –  অসি স্পোক্স ওইনা হেল্থ অমসুং ৱেল্নেস সেন্তর ২০,০০০রোমদা অমসুং রাজ্য ৩০রোমদা লৈরিবা হব ১৮০০ হেনবদা দোক্তরদগী দোক্তরদা তাথোক-তাশিন তৌনবগী তেলিমেদিসিন প্লেতফোর্ম অমা ওইনা চৎনখ্রে৷ দিফেন্স মন্ত্রালয়সু ইসঞ্জিবানি ও.পি.দি.দা নেস্নেল ও.পি.দি. অমা হাংদোকখ্রে, মসিদা দিফেন্স মন্ত্রালয়গী বেতারান দোক্তরশিং অমসুং স্পিসিয়েলিস্ত ১০০ হেনবনা লৈবাক অসিগী পেসেন্তশিং লাইয়েংলি৷

রাজ্য কয়া অমগী মীয়ামশিংনা ইস়ঞ্জিভানিগী কান্নবশিং অসি য়াম্না থুনা মশক খঙলে অমসুং মসিনা মরম ওইদুনা দিজিতেল মোদেলিতী অসিদগী হেল্থ সর্ভিসেস লৌননবগীদমক পাক শন্না শিজিন্নবা হৌখ্রে৷ মসিগী সর্ভিস অসিনা মরু ওইনা খুঙ্গংগী মফমশিংদা স্পিসিয়েলাইস হেল্থ সর্ভিসেস ফংহন্দুনা চাওনা কান্নবা পীরে৷ মখাতানা, মসিগী সর্ভিস অসিনা মরু ওইনা হৌজিক চত্থরিবা লাইনা-লাইচৎকী মনুং অসিদা লৈবাক অসিগী হেল্থকেয়র সর্ভিসশিংদা চাওনা অকাইবা পীরিবা অসিনা শহরগী মফমশিংদা লৈরিবা পেসেন্তশিংসু সর্ভিস অসি শিজিন্নবা হৌরে৷

অতেনবা মতম অসিদা, ভারত সরকারগী নেস্নেল তেলিমেদিসিন সর্ভিস অসিনা ইন্দিয়ন হেল্থকেয়র দেলিভরী সিস্তেমদা মতেং পাংবা হৌখ্রে৷ মসিনসু সেকেন্দরী অমসুং তর্চরী লেবেল হোস্পিতালশিংদা লৈরিবা পোৎলুম অদু হন্থহন্দুনা গ্রাউন্দ লেবেল্দ লৈরিবা দোক্তরশিং অমসুং স্পিসিয়েলিস্তশিংগী অৱাৎপা অদু মেনশিল্লি৷ নেস্নেল দিজিতেল হেল্থ মিসনগা খুৎশম্নদুনা, ইসঞ্জিভানিনা লৈবাক অসিদা লৈরিবা দিজিতেল হেল্থ ইকোসিস্তেম অদুসু ফগৎহল্লি৷

ইসঞ্জিভানি খ্বাইদগী য়াম্না শিজিন্নবা(কন্সল্তেসন মশিংদা) রাজ্য ১০ অদুদি আন্ধ্র প্রদেশ(১২১৯৬৮৯), তামিল নাদু (১১৬১৯৮৭), কর্নতাকা (১০৫৬৪৪৭), উত্তর প্রদেশ (৯৫২৯২৬), গুজরাত (২৬৭৪৮২), মধ্য প্রদেশ (২৬৪৩৬৪), বিহার (১৯২৫৩৭), মহারাস্ত্র (১৭৭৬২৯), কেরলা (১৭৩৭৩৪) অমসুং উত্তরখন্দ (১৩৪২১৪)নি৷

ইসঞ্জিভানি অসি https://esanjeevaniopd.in/দা ফংলিবা অসিদগী হেন্দোক্তুনা এন্দ্রোইদতসু ফংলি৷

*****



(Release ID: 1726128) Visitor Counter : 114