অৱাংনোংপোক থংবা লমদমদা দিবলপমেন্ত প্রোজেক্তশিং শেমগৎ-শাগৎপদা ইসরোনা (ইন্দিয়ন স্পেস রিসর্চ ওর্গনাইজেসন) স্পেস তেক্নোলোজী শিজিন্নদুনা মতেং পাংলগনি অমসুং অৱাংনোংপোক থংবা লমদমদা লৈরিবা রাজ্য নিপান পুম্নমক্তা ইনফ্রাস্ত্রকচর প্রোজেক্তশিং নিংথীনা শেমগৎননবগীদমক সেতলাইত ইমেজিং অমসুং অতোপ্পা স্পেস তেক্নোলোজী এপ্লিকেসনশিং শিজিন্নদুনা অচৌবা থৌদাং লৌরগনি হায়না দিবলপমেন্ত ওফ নোর্থ ইস্তর্ন রিজন(দোনর), এম.ও.এস. পি.এম.ও., পর্সোনেল, পব্লিক গ্রিভেন্স, পেন্সন্স, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী(ইন্দিপেন্দেন্ত চার্জ) দা. জিতেন্দ্র সিংহনা ঙসি ফোংদোকখ্রে৷

দিবলপমেন্ত ওফ নোর্থ ইস্তর্ন রিজন(দোনর)গী মন্ত্রালয়গী সেনিয়র ওফিসিয়েলশিং অমসুং ইসরোগী সাইন্তিস্তশিংনা শরুক য়াদুনা ফমখিবা অৱাংবা থাক্কী মীফম অমদা থৌবুরেল ওইনা শরুক য়াদুনা, অৱাংনোংপোক লমদমগী রাজ্য নিপানগী মনুংদা তরুক্তি মাংজৌননা ইসরোনা এগজিক্যুসন তৌননবগীদমক অখন্নবা প্রোপোজেলশিং থারকখ্রে অদুগা লেমহৌরিবা রাজ্য অনি সিক্কিম অমসুং অসামনা অথুবা মতমদা মখোয় মখোয়গী প্রোপোজেলশিং থারক্লগনি হায়না মন্ত্রী অদুনা ফোংদোকখ্রে৷

এম দোনর/এন.ই.সি.না ফন্দ থাদদুনা রাজ্য নিপানগী মফম ২২১দা শেমগৎলিবা প্রোজেক্ত ৬৭ ইসরোনা মাংজৌননা য়েংশিল্লি অমসুং জিও-তেগ্গিং তৌরি হায়না দা. জিতেন্দ্র সিংহনা ফোংদোকখ্রে৷ দিবলপমেন্ত প্রোজেক্তশিংগীদমক দাতা সেয়র তৌবদা অমসুং মেপ্পিংদা ইসরোগী ইন্সতিত্যুসনেলাইস অমা য়াওশিল্লকপা অমসুং অতোপ্পা রাজ্যশিংগীসু মোদেল অমা ওইরকপা য়াবনা, মসিনা লৈবাক অসিদা মখল অসিগী ইহান হানবা ওইরে হায়না মহাক্না ফোংদোকখ্রে৷

মোদী সরকারগী খ্বাইদগী চাওনা পনবা য়াবা অমা অদুদি হৌখিবা চহি তরেৎ অসিদা, ইন্দিয়ন স্পেস রিসর্চ ওর্গনাইজেসন(ইসরো)না সেতলাইতশিং লোঞ্চ তৌৎনবা হোৎনবদা হেন্না মীৎয়েং থমখিদ্রে অদুবু ইসরোনা দিবলপমেন্ত এক্তিবিতীশিংদা মহাক্কী থৌদাং অদু হেন্না-হেন্না লৌবা হেনগৎলক্তুনা প্রধান মন্ত্রী শ্রী নরেন্দ্র মোদীগী মিসন"ত্রান্সফোর্মিং ইন্দিয়া"দসু অচৌবা থৌদাং লৌরি হায়না দা. জিতেন্দ্র সিংহনা ফোংদোকখ্রে৷

শিল্লোংদা লৈরিবা নোর্থ ইস্তর্ন স্পেস এপ্লিকেসন্স সেন্তর(এন.ই.এস.এ.সি.)না অৱাংনোংপোক রাজ্যশিংদগী প্রোপোজেল কয়া অমা ফংখি৷ প্রোপোজেলশিং অদু অসিগুম্বা প্রোজেক্ত পুম্নমক্কী ফিসিবিলিতী অমসুং দেজাইরেবিলিতী অদু মথংগী লাক্কদৌরিবা চয়োল অনি অসিদা রাজ্যশিং অসিগা অমমমদা ওইনা খন্নরগনি৷ খন্দোক্লবা মতুংদা, অসিগুম্বা প্রোজেক্ত পুম্নমক মরী লৈনবা রাজ্যশিং অমসুং এন.ই.এস.এ.সি.না পুন্না খুৎশম্নদুনা ফন্দ থাদরবা য়াই৷

চহি অসিগী জনুৱারী থাদা কেন্দ্রগী গৃহ মন্ত্রী শ্রী অমিত শাহ শিল্লোংদা চৎখি অমসুং নোর্থ ইস্তর্ন স্পেস এপ্লিকেসন্স সেন্তর(এন.ই.এস.এ.সি.) সোসাইতীগা মীফম অমা পাংথোকখ্রে, মীফম অসিনা পাংথোক্কদৌরিবা অচৌবা প্রোজেক্তশিং লেপহনখ্রে হায়না দা.জিতেন্দ্র সিংহনা ফোংদোকখ্রে৷ থবক মখা চত্থরিবা মরু ওইবা প্রোজেক্ত খরা অদুদি-ফোরেস্ত গেপ এরিয়াশিং মেপ্পিং তৌবা, হোর্তিকলচর দিবলপমেন্তগী লেন্দ এরিয়া পাকথোক চাওথোকহনবা, ৱেতলেন্দশিং আইদেন্তিফাই অমসুং রেজুবেনেত তৌবা অমসুং ফ্লদৱাতর দাইবর্সন তৌবা, হিংবদা চংলিবা বেম্বু রিসোর্চশিং শিজিন্নবা অসিনি৷ প্রোজেক্তশিং অসিগী চাওখৎ খোঙজেল অদু য়েংশিন্নবা জুলাই থাদা অমুক হন্না মফম অদুদা গৃহ মন্ত্রীনা চৎলবা য়াই হায়না মন্ত্রী অসিনা ফোংদোকখ্রে৷

অৱাং নোংপোক লমদমদা লৌউ-শিংউ, রেলৱেজ, লম্বীশিং অমসুং থোংশিং, মেদিকেল মেনেজমেন্ত/তেলিমেদিসিন, মতম চানা য়ুতিলাইজেসন সর্তিফিকেৎশিং লৌশিনবা, দিজাস্তর ফোর্কাস্ত অমসুং মেনেজ তৌবা, ইশিং-নুংশিৎ/নোং/ইশিং ইচাউ ফোর্কাস্ত তৌবা য়াওনা তোঙান তোঙানবা সেক্তরশিংদা স্পেস তেক্নোলোজী অসি হৌজিক্তি শিজিন্নরি হায়না দা. জিতেন্দ্র সিংহনা ফোংদোকখ্রে৷

দাম শেমগৎপা অমসুং ফ্লদ মিতিগেসন, মোদেল ভিলেজ অহুম, হোর্তিকলচর অমসুং জেরো লেবেলদা বোর্দর ফেন্সিং তৌবগুম্বা এরিয়াশিং অসিদা অরুনাচল প্রদেশতগী প্রোজেক্ত তরেৎ মপুং ফানা লোইশিনগদৌরে হায়না ইসরোগী সেনিয়র ওফিসিয়েলশিংনা মন্ত্রী অসিদা ফোংদোকখ্রে৷ অতোপ্পা রাজ্যশিংগী অসিগুম্বা প্রোজেক্তশিংসু তার্গেৎ ফংননবগী লম্বীদা লৈরে৷

নোর্থ ইস্তর্ন স্পেস এপ্লিকেসন্স সেন্তর(এন.ই.এস.এ.সি.) অসি শিল্লোংদা লৈরিবা দিপার্তমেন্ত ওফ স্পেসকী মখাদা লৈবা ওতোনোমস ওর্গনাইজেসন অমনি অমসুং রাজ্য নিপান মমিং ওইনা হায়রবদা অরুনাচল প্রদেশ, অসাম, মনিপুর, মেঘালয়, মিজোরাম, নাগালেন্দ, সিক্কিম অমসুং ত্রিপুরানা শেম্লিবা ভারতকী নোর্থ ইস্তর্ন রিজন(এন.ই.আর.)দা দেদিকেতেদ সর্ভিস পীরি৷ নেচরেল রিসোর্চ মেনেজমেন্ত, ইনফ্রাস্ত্রকচর প্লানিং, হেল্থকেয়র, এজুকেসন, ইমর্জেন্সী কম্ম্যুনিকেসন, দিজাস্তর মেনেজমেন্ত সপোর্ত, অমসুং স্পেস অমসুং এতমোস্ফেরিক সাইন্স রিসর্চতা স্পোস সাইন্স অমসুং তেক্নোলোজী সপোর্ত পীদুনা ভারতকী অৱাং নোংপোক থংবা লমদমদা শেমগৎ-শাগৎকদৌরিবা হোলিস্তিক দিবলপমেন্তদা কেতেলাইতিক রোল লৌননবগী মীৎয়েং অমদা সেন্তর অসি শেমখিবনি৷

******